ഏപ്രിൽ 11, വെള്ളിയാഴ്ച മുർഷിദാബാദിലെ ധുലിയാൻ എന്ന ഗ്രാമത്തിലെ 500 ലധികം ഹിന്ദു ഭവനങ്ങൾക്ക് നേരെ യാതൊരു പ്രകോപനവുമില്ലാതെ ആയിരത്തിലധികം വരുന്ന മുസ്ലിം ജനക്കൂട്ടം കൊള്ളയും കൊള്ളി വയ്പും നടത്തി സ്ത്രീകളും കുട്ടികളും മുതിർന്നവരും ഉൾപ്പെടെയുള്ള ഹിന്ദുക്കളെ ആട്ടിപ്പായിച്ചു. മൂന്നു ഹിന്ദുക്കൾ കൊല ചെയ്യപ്പെട്ടു. ഇരയായവർക്കറിയില്ല, അവർ എന്തിനാണ് ആക്രമിക്കപ്പെട്ടതെന്നത്. വഖഫ് എന്താണെന്ന് പോലും പാവം ഗ്രാമവാസികളായ ഹിന്ദുക്കൾക്ക് അറിയില്ല. പക്ഷേ, ആക്രമിച്ചവരുടെ ലക്ഷ്യം വ്യക്തമാണ്; വഖഫിൻ്റെ മറവിൽ ഹിന്ദുക്കളെ പ്രദേശത്ത് നിന്ന് ആട്ടിപ്പായിക്കുക.1990 കളിൽ ജമ്മു കശ്മീരിൽ അരങ്ങേറിയ മത തീവ്രവാദത്തിൻ്റെ ബംഗാൾ പതിപ്പ്.

ആക്രമണത്തിന് പിന്നിൽ കൃത്യമായ ആസൂത്രണം നടന്നിട്ടുണ്ടെന്ന് ബംഗാൾ പൊലീസ് തന്നെ പറയുന്നു. SDPI എന്ന മുസ്ലിം സംഘടനയുടേയും ബംഗ്ലാദേശിലെ ചില തീവ്രവാദ ഗ്രൂപ്പുകളുടെ ഇടപെടലും ഉണ്ടായതായി റിപ്പോർട്ടുകൾ സൂചിപ്പിക്കുന്നു. അയൽക്കാരായി കഴിഞ്ഞവരാണ് ആക്രമിച്ചതെന്ന് ഇരകൾ വെളിപ്പെടുത്തുന്നു. വലിയ ആൾക്കൂട്ടമായി എത്തിയ കലാപകാരികൾ വീടുകൾ കൊള്ളയടിച്ച ശേഷം തീ വച്ച് നശിപ്പിക്കുകയായിരുന്നു. ചെറുത്ത് നിൽക്കാൻ ശ്രമിച്ചവരെ മൃഗീയമായി തല്ലിച്ചതച്ചു, ചിലരെ കൊലപ്പെടുത്തി. ആക്രമിക്കപ്പെടേണ്ട വീടുകൾ കറുത്ത മഷി കൊണ്ട് അടയാളപ്പെടുത്തിയിരുന്നു. ഇതിനെല്ലാം പാവം ഹിന്ദു കുടുംബങ്ങൾ എന്ത് പിഴച്ചു..? അവിടെയാണ് മമതാ ബാനർജിയുടേയും ഇടത്- ജിഹാദി മാധ്യമങ്ങളുടേയും ഹീന തന്ത്രം ഒളിഞ്ഞിരിക്കുന്നത്. വഖഫ് നിയമത്തിൻ്റെ മറവിൽ നിരപരാധികളായ ഹിന്ദുക്കളെ ആക്രമിച്ചാൽ, മോദി കാരണമാണ് ഈ ദുരവസ്ഥ അനുഭവിക്കേണ്ടി വരുന്നതെന്ന പ്രചാരണം നടത്തി ബി ജെ പി യിലേക്കുള്ള വോട്ടൊഴുക്ക് തടയുക എന്ന രാഷ്ട്രീയ തന്ത്രം.