ജാഹിലിയ്യ( ഇരുണ്ട) കാലത്തെ മനസും അത്യന്താധുനിക വാർഹെഡുകളുമായി യമനിലെ സെയ്ദി ഗോത്രക്കാരായ ഹൂതികളെ പോലെ, തൗഹീദിൽ(ഏക ദൈവ വിശ്വാസം) വിശ്വസിക്കുന്ന ഹിജാസിലേക്ക് (സൗദി അറേബ്യ) ആഗ്നേയത്തിന്റെ പോർമുനകൾ വർഷിക്കുന്ന ദിനങ്ങളാണ് കടന്നു പോകുന്നത്.

തിരുവചനങ്ങളും തിരുവെഴുത്തുകളും കർമ ശാസ്ത്രവും ശസ്ത്രങ്ങളുടെ ചെകിടു തുളയ്ക്കുന്ന ശബ്ദഘോഷത്തിൽ നിശബ്ദമാകുന്നു. അലിഞ്ഞലിഞ്ഞ് ഇല്ലാതാകുന്നു. 
ഒരുനൂറൂ തിരുനാമങ്ങളുമായി സത്യമതം ജപസഞ്ചലിതോഷ്ഠമായി മരുരൂഹങ്ങളിൽ മരീചികകളും കടന്ന് മരുപ്പച്ചകൾ തേടുകയാണിപ്പോൾ.


ഈ വാർഫയറിൽ യുഎസും ചീനയും റഷ്യയും നിസ്സംഗരാണ്. നിസംഗതയും ഒരു നയതന്ത്ര ടൂളാവാം. പരമോന്നത ആലയം ആഗ്നേയാസ്ത്ര ഭീഷണി നേരിടുമ്പോഴും ലോകത്തെ മത രാഷ്ട്രങ്ങൾ ഉൾപ്പടെ ആരും ഞെട്ടിയില്ല. അപലപിച്ചില്ല.ആരും പ്രധിഷേധിച്ചില്ല. അവിടെ എങ്കിൽ ആഹാ.ഇവിടെ എങ്കിൽ ഓഹോ !
അതാണ് പുതിയ ലോക ക്രമം.

സ്ഥാപനവൽക്കരിക്കപ്പെടുന്ന പൗരോഹത്യം ഇന്നു  മേൽക്കൈ നേടുന്നു. മതങ്ങളെ ആകെയും ബ്രാൻഡ് ചെയ്ത് കോർപ്പറേറ്റുകൾ  പുതിയ ലോകം പണിയും.. ഇതാണ് ഭാവിയിലെ നീതിയുടെ  ഏക ലോകം.

ബൈബിളിൽ പറയുന്ന പേർഷ്യയാണ് ഇന്നത്തെ ഇറാൻ .അഗ്നി ദേവനെ ആരാധിച്ചിരുന്ന ജരാതുഷ്ടന്റെ നാട്.സംസനീദ് ഭരണകൂടം നൂറ്റാണ്ടുകളോളം ഭരിച്ച നാട്ടിലാണ് ഒട്ടകപ്പുറമേറി സായുധമായ പുതിയ മതം  എത്തുന്നത്.ജൂതർക്കും ക്രൈസ്തവർക്കും നൽകിയ ഇളവുകൾ പോലും നൽകാതെ അഗ്നിപൂജകരെ അവർ നാലുപാടും പായിച്ചു.അങ്ങനെ അവരിൽ ഒരു ഭാഗം ഇന്ത്യയിലെത്തി. പാഴ്സികൾ.വീരോചിതം  അവരെ ഇവിടെ കുടിയിരുത്തി.ഭാരതത്തിന് അവർ നൽകിയ സംഭാവനകൾ അനുപമമായിരുന്നു. .അങ്ങനെ ഒരു അധിനിവേശവും ഒരു പലായനവും തീർത്ത   മുഹമ്മദീയ ഭരണം മതത്തിലെ ന്യൂനപക്ഷക്കാരുടേതായി മാറിയത് വിധിവിഹിതം.

ഇറാൻ ഇന്നു പലർക്കും വില്ലനായി തീർന്നിരിക്കുന്നു.  ഏകാധിപതികളും പൗരോഹിത്യവും ഊഴം വച്ച് നാടു ഭരിച്ചു. ശിയാക്കളുടെ ചങ്കാണ് ഇറാൻ.
ചരിത്രം ആവർത്തിക്കാതിരിക്കട്ടെ.

 പശ്ചിമേഷ്യയിലെ  നാടുകളുടെ നയവും സമീപനവും പലതായി  മാറിമാറിയുമ്പോൾ  അവരുടെ പ്രോക്സികളായി പല  ആതങ്കവാദ സംഘങ്ങളും ഉയിർക്കുന്നു.

 ഈ കാഴ്ചകൾക്കും കാഴ്ചപ്പാടുകൾക്കും മധ്യേ ഇസ്രാഈൽ എന്ന കാനായിലെ ജൂതന്മാരുണ്ട്. ഏതു നേരവും ചാടിവീഴാവുന്ന  ആക്രമണകാരികളെയും കാത്ത്    എണ്ണയിട്ട് ഇരിപ്പാണ് അവർ.. 

പൊതു പിതാവായ എബ്രഹിന്റെ പേരിൽ ഒരു ഉടമ്പടി  വന്നിട്ടും  അതിൽ ചേരാത്ത സൗദി  ഇപ്പോൾ കാനയിലെ വിരുന്നിനെത്തുന്നു . ഒരു കൈ സഹായം യാചിക്കുന്നു. ഇവിടെ കുടിപ്പക ആവിയാകുന്നു.മതം നിഷ്പ്രഭമാകുന്നു. രാജ തന്ത്രം ജയിക്കുന്നു.പെരെല് നിമ്മിതിയായി കിടക്കുന്നതാണല്ലോ ഏറ്റവും പെരിയ സമാധാനം!

അതെ,നഷ്ടപ്പെടാൻ  ആർക്കും ഒന്നുമില്ല. 
മരിച്ചതെല്ലാം പച്ച മനുഷ്യർ..
മതം തിന്നു തീർത്ത മനുഷ്യ കൂനകൾ!.

സോദരത്വേന ചെയ്യുന്ന യുദ്ധങ്ങൾ..

സാമ്പത്തിക സഹകരണം, വികസന പങ്കാളിത്തം, ബഹുധ്രുവ ലോകക്രമം (Multipolar World Order) ശക്തിപ്പെടുത്തൽ എന്നിവയാണ് ബ്രിക്‌സിന്റെ പ്രഖ്യാപിത ലക്ഷ്യങ്ങൾ. ലോക ജനസംഖ്യയുടെ 49% വും ആഗോള ജിഡിപിയുടെ 41% വും പ്രതിനിധീകരിക്കുന്ന ഈ കൂട്ടായ്മ, പാശ്ചാത്യ രാജ്യങ്ങളുടെ സ്വാധീനത്തിലുള്ള ജി7 (G7) കൂട്ടായ്മയ്ക്ക് ബദലായി മാറുകയാണ് എന്നതാണ് സത്യം.  വികസ്വര രാജ്യങ്ങളുടെ വികസന ആവശ്യങ്ങൾക്ക് ധനസഹായം നൽകാനും ലോകബാങ്ക്, ഐ.എം.എഫ് തുടങ്ങിയ പാശ്ചാത്യ സ്ഥാപനങ്ങളുടെ ഏകപക്ഷീയ നിബന്ധനകളിൽ നിന്ന് മോചനം നൽകാനുമുള്ള  പ്രഖ്യാപിത ലക്ഷ്യങ്ങളിലേക്ക് കൂടുതൽ അടുക്കുന്നതിന്റെ ലക്ഷ്യങ്ങൾ ഈ ബ്രിക്സ് സമ്മേളനത്തിൽ പതിവിലേറെ പ്രകടമായി.


ആഗോള സാമ്പത്തിക രംഗത്ത് ഡോളറിന്റെ ഏകപക്ഷീയ ആധിപത്യം അവസാനിപ്പിക്കുക എന്ന ബ്രിക്‌സിന്റെ പ്രധാന ലക്ഷ്യങ്ങളിലൊന്നിലേക്ക് കൂടുതൽ അടുക്കുന്നതിന്റെ ലക്ഷണങ്ങൾ കൂടുതൽ പ്രകടമായി. ഡൊണാൾഡ് ട്രംപിന്റെയും അമേരിക്കൻ ചേരിയുടെയും സാമ്പത്തിക ഉപരോധങ്ങൾക്ക് മറുപടിയായി അംഗരാജ്യങ്ങൾ തമ്മിലുള്ള വ്യാപാരത്തിൽ തദ്ദേശീയ കറൻസികളായ രൂപ, റൂബിൾ, യുവാൻ, റാൻഡ് എന്നിവ ഉപയോഗിക്കാൻ ധാരണയായി. ഇത് അന്താരാഷ്ട്ര വിപണിയിൽ 'ഡി-ഡോളറൈസേഷൻ' നീക്കങ്ങൾക്ക് വലിയ ഊർജ്ജം നൽകും

പശ്ചിമേഷ്യൻ പ്രതിസന്ധിയിലും ഇന്ത്യയുടെ നയതന്ത്ര വിജയം തെളിഞ്ഞ ഒന്നായിരുന്നു ഡൽഹിയിൽ സമാപിച്ച ബ്രിക്സ് ഉച്ചകോടി. പരസ്പരം ശത്രുത പുലർത്തുന്ന ഇറാന്റെ പ്രസിഡന്റ് മസൂദ് പെസഷ്കിയാനും യു.എ.ഇ കിരീടാവകാശിയും തമ്മിൽ ഡൽഹിയിൽ കൂടിക്കാഴ്ച നടത്താൻ വഴിയൊരുക്കിയത് വഴി ഇന്ത്യ നേടിയ വലിയ നേട്ടമാണ്. രാജ്യങ്ങളുടെ പരമാധികാരവും ഭൗമസമഗ്രതയും സംരക്ഷിക്കപ്പെടണമെന്ന് ആവശ്യപ്പെട്ട ഉച്ചകോടി, ഉപരോധങ്ങൾക്ക് പകരം നയതന്ത്ര ചർച്ചകൾക്ക് ആഹ്വാനം ചെയ്തു

അന്താരാഷ്ട്ര തർക്കങ്ങൾക്കിടയിലും അതിർത്തി കടന്നുള്ള ഭീകരവാദത്തിനെതിരെ കർശന നിലപാടാണ് ന്യൂഡൽഹി പ്രഖ്യാപനം സ്വീകരിച്ചത്. പഹൽഗാമിൽ നടന്ന ഭീകരാക്രമണത്തെ പേരെടുത്തു പറഞ്ഞ് അപലപിച്ചതിലൂടെ ചൈനയുടെ സഖ്യരാജ്യമായ പാകിസ്ഥാന് വ്യക്തമായ മുന്നറിയിപ്പ് നൽകാൻ ഇന്ത്യക്കു സാധിച്ചു. മാത്രമല്ല ഭീകരവാദ ഫണ്ടിംഗിനും സുരക്ഷിത താവളങ്ങൾക്കുമെതിരെ ശക്തമായ അന്താരാഷ്ട്ര നിയമനിർമ്മാണം വേണമെന്നതിലും ഉച്ചകോടി ഊന്നൽ നൽകി.

യുണൈറ്റഡ് നേഷൻസ് (UN), ഐക്യരാഷ്ട്ര രക്ഷാസമിതി (UNSC) തുടങ്ങിയ ആഗോള സമിതികൾ നിലവിലെ ലോക യാഥാർത്ഥ്യങ്ങളെ പ്രതിഫലിപ്പിക്കുന്നില്ലെന്നത് എടുത്തു പറയുന്നതിലും  ബ്രിക്‌സ് വിജയിച്ചു. രക്ഷാസമിതിയിൽ ഇന്ത്യ ഉൾപ്പെടെയുള്ള ഗ്ലോബൽ സൗത്ത് രാജ്യങ്ങൾക്ക് അർഹമായ സ്ഥിര അംഗത്വവും പ്രാതിനിധ്യവും നൽകണമെന്ന പ്രഖ്യാപിത ആഗ്രഹം ഉച്ചകോടി വീണ്ടും ലോകത്തിനു മുന്നിൽ വെച്ചു. ഗുണപരമായ മാറ്റങ്ങൾ ഇതിലൂടെ സാധ്യമാകും എന്നാണ് കരുതുന്നത്.


തീരുമാനിച്ചുറക്കുന്ന  കാര്യങ്ങളിന്മേൽ തുടർനടപടികൾ കൃത്യമായി നടപ്പിലാക്കാൻ പ്രധാനമന്ത്രി നരേന്ദ്ര മോദി മുന്നോട്ടുവെച്ച Resilience, Innovation, Cooperation, Sustainability (കരുത്ത്, നവീകരണം, സഹകരണം, സുസ്ഥിരത) എന്നീ 4 തത്വങ്ങൾക്ക് ഉച്ചകോടി അംഗീകാരം നൽകി. സാങ്കേതികവിദ്യയിലും എ.ഐ മേഖലയിലും സഹകരണം ഉറപ്പാക്കാനും 'BRICS Digital Repository' സ്ഥാപിക്കാനും ധാരണയായത് ഇതിന്റെ അടിസ്ഥാനത്തിലാണ് . അടുത്ത വർഷത്തെ അധ്യക്ഷപദവി ചൈനയ്ക്ക് കൈമാറിക്കൊണ്ട് സമ്മേളനത്തിന് തിരശീല വീഴുമ്പോൾ, ആഗോള ശക്തികേന്ദ്രമായി ഭാരതം മാറിയതിന്റെ വ്യക്തമായ തെളിവാണ് ന്യൂഡൽഹിയിൽ കണ്ടത്.

ലോകക്രമത്തിൽ ദിശാമാറ്റമായി ബ്രിക്‌സ് ഉച്ചകോടി

യു.എസ്.എ, മെക്സിക്കോ, കാനഡ എന്നീ മൂന്ന് രാജ്യങ്ങൾ സംയുക്തമായി ആതിഥേയത്വം വഹിക്കുന്നു എന്നതാണ് ഈ ഇരുപത്തിമൂന്നാമത് ലോകകപ്പിന്റെ ഏറ്റവും വലിയ പ്രത്യേകത. ഫിഫ ചരിത്രത്തിലാദ്യമായാണ് മൂന്ന് വൻശക്തി രാജ്യങ്ങൾ ചേർന്ന് ഒരു ലോകകപ്പ് വേദിയൊരുക്കുന്നത്. ഇതിൽ മെക്സിക്കോയിലെ പ്രശസ്തമായ 'എസ്റ്റാഡിയോ ആസ്ടെക്ക' സ്റ്റേഡിയം മൂന്ന് വ്യത്യസ്ത ലോകകപ്പുകൾക്ക് (1970, 1986, 2026) വേദിയാകുന്ന ലോകത്തിലെ ആദ്യ സ്റ്റേഡിയമെന്ന ചരിത്ര നേട്ടം സ്വന്തമാക്കുകയാണ്. ആതിഥേയ രാജ്യങ്ങളിലെ കളിക്കാർക്കെല്ലാം സ്വന്തം കാണികൾക്ക് മുന്നിൽ ബൂട്ടുുകെട്ടാനുള്ള അസുലഭ അവസരവും ഇത്തവണയുണ്ട്.

വിശാലമായ മൂന്ന് രാജ്യങ്ങളിലായി മത്സരങ്ങൾ ക്രമീകരിച്ചിരിക്കുന്നതിനാൽ ടീമുകൾക്കും ആരാധകർക്കും വൻ യാത്രാദൂരങ്ങൾ പിന്നിടേണ്ടി വരും. ഫിഫ ലോകകപ്പിന്റെ ചരിത്രത്തിൽ വേദികൾ തമ്മിൽ ഏറ്റവും കൂടുതൽ ദൂരമുള്ള ടൂർണമെന്റാണിത്. ആതിഥേയ നഗരങ്ങളായ ടൊറന്റോയും വാൻകൂവറും തമ്മിലുള്ള ദൂരം മാത്രം 4375 കിലോമീറ്ററാണ്. യാത്രയ്ക്കുള്ള ബുദ്ധിമുട്ടും സമയനഷ്ടവും കുറയ്ക്കാൻ ഇത്തവണ ടൂർണമെന്റ് റീജിയണൽ (മേഖലാ) അടിസ്ഥാനത്തിലാണ് ക്രമീകരിച്ചിരിക്കുന്നത്. കിഴക്ക്, മധ്യ, പടിഞ്ഞാറൻ മേഖലകളിലായി മത്സരങ്ങൾ വിഭജിച്ചിരിക്കുന്നു.


സുതാര്യവും കൃത്യവുമായ തീരുമാനങ്ങൾക്കായി അത്യാധുനിക സാങ്കേതികവിദ്യകളാണ് ഇത്തവണ കളിക്കളത്തിൽ ഒരുക്കുന്നത്. ഓഫ്‌സൈഡ് തീരുമാനങ്ങൾ വേഗത്തിലാക്കാൻ 'സെമി ഓട്ടോമേറ്റഡ് ഓഫ്‌സൈഡ് ടെക്നോളജി' ഇത്തവണയും സഹായത്തിനെത്തും. ഇതോടൊപ്പം റഫറിമാരെ സഹായിക്കാൻ പ്രത്യേക റഡാർ സംവിധാനവും ചിത്രത്തിൽ വ്യക്തമാക്കുന്നുണ്ട്. കൂടാതെ കളി നിയന്ത്രിക്കാൻ പതിനൊന്ന് റഫറിമാരുടെ പാനലാണ് ഉള്ളത്. ഇതിൽ യു.എസ്.എയിൽ നിന്ന് മൂന്ന് പേരും മെക്സിക്കോ, കാനഡ എന്നിവിടങ്ങളിൽ നിന്ന് രണ്ട് വീതം റഫറിമാരും ഉൾപ്പെടുന്നു. ഗോൾകിക്ക്, സബ്സ്റ്റിറ്റ്യൂഷൻ, ത്രോ ഇൻ എന്നിവയുടെ പേരിൽ സമയം അധികം ചെലവഴിച്ചാൽ കാത്തിരിക്കുന്നത് കർശന നിയമങ്ങളാണ്


ടൂർണമെന്റിലെ ഏറ്റവും വലിയ സ്റ്റേഡിയം ഡാള്ളസിലെ എ.ടി. ആൻഡ് ടി സ്റ്റേഡിയം (AT&T Stadium) ആണ്, ഇവിടെ ഒരേസമയം 94,000 പേർക്ക് ഇരുന്ന് കളി കാണാൻ സാധിക്കും. അതേസമയം, മെക്സിക്കോ സിറ്റിയിലെ പ്രശസ്തമായ ആസ്ടെക്ക സ്റ്റേഡിയത്തിന് സമുദ്രനിരപ്പിൽ നിന്ന് 7300 അടി ഉയരമുണ്ടെന്ന പ്രത്യേകതയുമുണ്ട്. രണ്ട് സ്റ്റേഡിയങ്ങൾ തമ്മിലുള്ള ഏറ്റവും കുറഞ്ഞ ദൂരം ന്യൂയോർക്കിലെ മെറ്റ്‌ലൈഫ് സ്റ്റേഡിയവും ഫിലാഡൽഫിയയും തമ്മിലാണ്, ഇത് വെറും 10 മൈൽ മാത്രമാണ്. കാണികൾക്കായി എല്ലാ സ്റ്റേഡിയങ്ങൾക്കും പുറത്ത് വമ്പൻ എൽ.ഇ.ഡി സ്ക്രീനുകളോട് കൂടിയ 'ഫാൻ ഫെസ്റ്റിവലുകൾ' ഒരുക്കും.

ലോകകപ്പിന്റെ ഔദ്യോഗിക പന്ത് നിർമ്മിക്കുന്നത് പ്രശസ്ത കായിക ബ്രാൻഡായ അഡിഡാസ് (Adidas) ആണ്. ഒട്ടനവധി സവിശേഷതകളോടെ രൂപകൽപ്പന ചെയ്തിരിക്കുന്ന പന്തിന്റെ പേര് 'ഒൺസെ' (Onze) എന്നാണ്. മൂന്ന് രാജ്യങ്ങളിലായി നടക്കുന്ന മത്സരങ്ങൾ നിയന്ത്രിക്കാനും മറ്റ് സഹായങ്ങൾക്കുമായി 50,000 ഫിഫ വോളന്റിയർമാരാണ് രംഗത്തിറങ്ങുന്നത്. കാനഡ ആദ്യമായി ലോകകപ്പ് മത്സരങ്ങൾക്ക് ആതിഥേയത്വം വഹിക്കുന്നു എന്ന പ്രത്യേകതയും ഇത്തവണയുണ്ട്. വടക്കേ അമേരിക്കൻ ഭൂഖണ്ഡത്തിലെ കായിക വിപ്ലവത്തിനാകും ഈ ലോകകപ്പ് തുടക്കം കുറിക്കുക. കളി തുടങ്ങുന്നതിന് തൊട്ടുമുമ്പ് മാത്രം എത്തുകയും കളി തീർന്നു മണിക്കൂറുകൾക്കകം മെക്സിക്കോയിലേക്ക് പോകണം എന്നുമുള്ള കർശന നിർദ്ദേശങ്ങളാണ്  അമേരിക്ക ഇറാന് മുന്നിൽ വച്ചിട്ടുള്ളത് 

പന്തുലകത്തിൽ നമ്മൾ...

ഞെട്ടിക്കുന്ന മാറ്റങ്ങളാണ് പാക്കിസ്താനിലെ ലാഹോറിൽ. പുരാതന നഗരമായ ലാഹോറിലെ തെരുവുകൾക്കും പാതകൾക്കും കവലകൾക്കും പഴയ ഹിന്ദു, സിഖ്,ജൈന നാമങ്ങൾ നൽകി ബോർഡുകൾ സ്ഥാപിച്ചു കഴിഞ്ഞു.

വിഭജന ശേഷം നൽകിയ  ഇസ്ലാമിക നാമങ്ങൾ റദ്ദാക്കിയാണ്  വേരുകളിലേക്ക് ലാഹോർ മടങ്ങുന്നത്

സായിപ്പൻമാർ നൽകിയ സ്ഥല നാമങ്ങളും  തിരികെ വരികയാണ്. ബാഗ് ഇ  ജിന്ന,ലോറൻസ് ഗാർഡനായും. ഫാത്വിമ ജിന്ന റോഡ് ക്വീൻസ് റോഡായും  ഗിലാനി റോഡ് ഔട്ട് ഫോൾ റോഡായും ഇക്ബാൽ റോഡ് ജയിൽ റോഡായും ആഗഖാൻ റോഡ് ഡേവിസ് റോഡായും അബ്ദുൾ ഹമീദ് റോഡ് എംബ്രസ് റോഡായും പുനർ ജനിക്കുകയാണ് ലാഹോറിൽ.

പഞ്ചാബ് പ്രവിശ്യ മുഖ്യമന്ത്രി മറിയം നവാസിന്റെ ആദ്ധ്യക്ഷത്തിൽ ചേർന്ന മന്ത്രിസഭാ യോഗമാണ് ഈ തീരുമാനം കൈക്കൊണ്ടത്.
വൻ തോതിൽ ഹിന്ദുക്കളും സിഖുകാരും പാർത്തിരുന്ന ലാഹോറിന്റെ ബഹുസ്വര സാംസ്കാരികത്തനിമയും തനതായ ചരിത്ര പൈതൃകവും വീണ്ടെടൂക്കാനുള്ള നവാസ് ഷെരീഫിന്റെ ലാഹോർ ഹെറിറ്റേജ് ഏരിയ റിവൈവൽ പ്രോജക്ടിന്റെ ഭാഗമായാണ് പുനർ നാമകരണം.

അൽ ജസീറയിൽ റിസ്വാൻ അഹമ്മദും രാജ്യത്തിനുള്ളിലും പുറത്തുമുള്ള ഇന്ത്യാ വിരുദ്ധ ശക്തികളും ഇന്ത്യാ വിരുദ്ധ വിതണ്ഡ വാദങ്ങൾ കത്തിച്ചപ്പോൾ അവയൊക്കെ പൊളിച്ചടുക്കുകയാണ് മറിയം നവാസ് എന്ന മുസ്ലിം ഭരണാധികാരി


ചരിത്രത്തിലെ ചോരയ്ക്കും കണ്ണീരിനും ദുരിതങ്ങൾക്കും ബലിദാനങ്ങൾക്കും പ്രായശ്ചിത്തം വേണ്ടിവരും. ഡോറ്റോവ്സ്കിയുടെ നായകനെ പോലെ   മാനവികതയ്ക്കു മുന്നിൽ സ്രാഷ്ടാംഗം പ്രണമിക്കുമോ വെളിച്ചം കയറുന്ന മതഭൂമിക?

വിസ്മയങ്ങൾ കേരളത്തിൽ മാത്രമല്ല; അങ്ങ് പാകിസ്ഥാനിലും

' നെഞ്ചുക്കുൾ വാഴും മക്കൾക്ക്' മൂന്നു തവണ വണക്കം പറഞ്ഞു തുടങ്ങിയ ചടങ്ങ് ഏറ്റവും നന്നായി ആസൂത്രണം ചെയ്തതും സ്ക്രിപ്റ്റ് ചെയ്തതും ആയിരുന്നുവെന്നത് വ്യക്തം.

സത്യപ്രതിജ്ഞയും നയപ്രഖ്യാപനവും വരെ ആദ്യ വേദിയിൽ തന്നെ നടന്നതും പുതുമയായി. വന്ദേമാതരവും ജനഗണമനയും തമിൾ തായ് വാഴ്ത്തും ആലപിച്ചു കൊണ്ട് കേന്ദ്രസർക്കാരിനോടും ദ്രാവിഡ സംസ്കാരത്തോടും ഐക്യപ്പെടാനുള്ള സന്ദേശമാണ് വിജയ് നിൽകുന്നത്.

സ്ത്രീ സുരക്ഷയ്ക്കായും മയക്കുമരുന്നു റാക്കറ്റിന് എതിരെയും  പ്രത്യേക സ്ക്വാഡുകൾ രൂപീകരിക്കുമെന്ന തീരുമാനവും കൈയ്യടി നേടുന്നവ തന്നെയാണ്.

ഇനി തമിഴ്നാട്ടിൽ വിജയ് യുഗമാണ്.പട്ടിണിയയും പരിവട്ടവും അനുഭവിച്ച ഒരു സിനിമാസംവിധാനസഹായിയുടെ മകനാണ് താനെന്നും വെറും സാധാരണക്കാരിലൊരാളെന്നും അദ്ദേഹം എടുത്തു പറയുന്നു.


നീണ്ട 59 വർഷങ്ങൾക്കു ശേഷം ദ്രാവിഡ രാഷ്ട്രീയത്തിന്  ബദൽ ഉരുവം കൊള്ളുകയാണ്.എംജി ആറിനും ജയലളിതക്കും ശേഷം ആ ലെഗസിയുടെ പിൻമുറക്കാരൻ  ഉയിർക്കുകയാണിവിടെ.

തന്നെ നിസ്സാരനായി കണ്ട നിരീക്ഷകർക്കു മുന്നിൽ തലയെടുപ്പോടെ,രാഷ്ട്രീയ പരീക്ഷണങ്ങളിൽ പതറി വീണ കമലിനെയും രജനിയെയും അമ്പരപ്പിച്ച് ബാഹുബലി തമിഴകത്ത് പുനർജനിക്കുകയാണ്.
ശേഷം ഭരണമെന്ന വെള്ളിത്തിരയിൽ. 

முதலமைச்சர்...
മുതലമൈച്ചർ...

ഇതിനു മുമ്പ് ഒരു രാജ്യത്തലവനും ഉപയോഗിക്കാത്ത തരത്തിലുള്ള തെറിപ്രയോഗമുൾക്കൊള്ളുന്ന ഭാഷയിലാണ് സോഷ്യൽ മീഡിയാ പ്ലാറ്റ് ഫോമായ ട്രൂത്തിൽ ട്രമ്പിന്റെ ഭീഷണി പുറത്തുവന്നത്.


"ചൊവ്വാഴ്ച ഇറാനിലെ വൈദ്യുതനിലയങ്ങളുടെയും പാലങ്ങളുടെയും അഭിശപ്ത ദിവസമായിരിക്കും. തന്തയ്ക്കു പിറക്കാത്തവരേ ആ (നശിച്ച) കടലിടുക്ക് തുറക്ക്. അല്ലെങ്കിൽ നരകത്തിലായിരിക്കും നിങ്ങളുടെ ജീവിതം. നോക്കിക്കോ.... അള്ളാഹുവിന് നൽവാഴ്ത്തുകൾ.
.." ട്രമ്പ് ട്രൂത്തിൽ കുറിച്ചു.
ഭ്രാന്തുപിടിച്ചതു പോലുള്ള ട്രമ്പിന്റെ  പുലഭ്യം പറച്ചിൽ ലോക രാജ്യങ്ങളെയാകെ ഞെട്ടിച്ചിരിക്കുകയാണ്.


ആഗ്രഹിച്ചതുപോലെ യുദ്ധ വിജയുണ്ടാക്കാൻ കഴിയാത്തതിൽ ട്രമ്പിന് കടുത്ത നിരാശയുണ്ട്. ഭീഷണികൾക്ക് വഴങ്ങാതെയുളള ഇറാന്റെ സമീപനവും അമേരിക്കയെ അസ്വസ്ഥമാക്കുന്നു. നിയന്ത്രണം നഷ്ടപ്പെട്ട് അമേരിക്ക കടുംകൈകൾക്കെന്തെങ്കിലും മുതിർന്നാൻ അതേ നാണയത്തിൽ തിരിച്ചടിക്കാനാണ് ഇറാന്റെ തീരുമാനം.

Recent in World