ഇപ്പോൾ ബിഗ് ബോസ് വീടിനേക്കാൾ ട്വിസ്റ്റും ടേണും ഉള്ള ഒരു സീരിയലായി മാറിയിരിക്കുകയാണ് 'അമ്മ'ക്കഥകൾ. എരിവും പുളിവും മാത്രമല്ല. സെൻസർ ബോർഡിനു പോലും നാണം വരുന്ന നിരവധിഇക്കിളിത്തരങ്ങളുമുണ്ട്.
സ്ക്രിപ്റ്റ് ആരുടേതാണെന്ന് അറിയില്ല, പക്ഷേ ഓരോ എപ്പിസോഡിലും രാജി, ആരോപണം, പ്രസ്താവന, തിരുത്ത് പുലഭ്യം പറച്ചിൽ തുടങ്ങിയവ കൃത്യമായി ഉണ്ട്. TRP കുതിച്ചുയരുന്നു, അംഗത്വ ഫീസ് മാത്രം അതേപടി.

ഒറ്റക്കെട്ട്' എന്ന വാക്കിന്  പുതിയ നിർവചനം നൽകി ഹേമ കമ്മിറ്റി റിപ്പോർട്ടിന് പിന്നാലെ പ്രസിഡന്റ് അടക്കം 17 അംഗ ഭരണസമിതി ഒന്നടങ്കം രാജിവെച്ചു. മലയാള സിനിമാചരിത്രത്തിലെ ഈ മുൻ നിര ഐക്യം കണ്ട് സർവ്വരും കണ്ണീർ പൊഴിച്ച നിമിഷം. പ്രേക്ഷകർ കയ്യടിച്ചു - ഇത് തന്നെയാണ് ക്ലൈമാക്സ് എന്ന് കരുതി. പക്ഷേ ഇത് ഇന്റർവെൽ മാത്രമായിരുന്നു.

വിമൻ ഇൻ സിനിമാ കളക്ടിവ്  എന്ന ഡബ്ല്യു സിസി ഉന്നയിച്ച പ്രശ്നങ്ങൾക്ക് അമ്മ നൽകിയ മറുപടികൾ തകർപ്പനാണ്. "ഞങ്ങൾ ചെയ്തു", "അവർ ചെയ്യട്ടെ", "പരാതി തന്നില്ല" പരാതി കൊടുക്കാൻ ICC ഉണ്ടല്ലോ '... പക്ഷേ ICC-യിൽ പോയവരുടെ അനുഭവം കേട്ടാൽ പിന്നെ ആരും ആ വഴിക്ക് പോകില്ല എന്നതാണ് ട്വിസ്റ്റ്.


സ്ത്രീകൾക്ക് 50% സംവരണം, പരാതി പരിഹാര സെൽ  എന്നിവയുൾപ്പെടെ ഭരണഘടന മാറ്റിയെഴുതുമെന്ന വാഗ്ദാനങ്ങൾ കേൾക്കാൻ സുഖമുണ്ട്. എന്നാൽ ഭരണഘടന ഭേദഗതി എന്നത് AMMA-യെ സംബന്ധിച്ചിടത്തോളം സിനിമയിലെ 'ക്ലൈമാക്സ് മാറ്റി എഴുതും എന്ന് പറയുന്നത് പോലെയാണ് - ട്രെയിലറിൽ കാണും, സിനിമയിൽ ഉണ്ടാവില്ല..

തങ്ങളുടെ കാലത്ത് ഇതൊന്നും നടന്നിട്ടില്ലായിരുന്നു എന്നാണ് മുതിർന്ന താരങ്ങൾ പറയുന്നത്.അന്ന്  നടന്നത് പുറത്തു കൊണ്ടുവരാൻ ഇത്രേം മാധ്യമങ്ങൾ ഇല്ലായിരുന്നല്ലോ.

'അമ്മ' എന്നത്  മാറ്റി കൂടുതൽ അനുയോജ്യമായ പേര് സംഘടനയ്ക്ക് നൽകുന്നതിനെക്കുറിച്ച് നവമാധ്യമങ്ങളിൽ  ചർച്ചകൾ തകൃതിയാണിപ്പോൾ. മൂത്തമ്മ, അമ്മായി, രണ്ടാനമ്മ, മൈനി അഥവാ നാത്തൂൻ തുടങ്ങിയ സ്ത്രീപക്ഷ പേരുകളാണ് സജീവം. ഡാകിനി, നീലി, നാഗവല്ലി തുടങ്ങിയ പേരുകളും പരിഗണനയിലുണ്ട്. പാട്ടി എന്നായാൽ ഒരു സൗത്ത് ഇന്ത്യൻ ഫ്ലേവർ കിട്ടുമെന്നുകരുതുന്നവരുമുണ്ട്. ദേശീയ തലത്തിൽ എല്ലാർക്കും സ്വീകാര്യമായേക്കാവുന്ന താടക, ശൂർപ്പണഖ തുടങ്ങിയ സെമി ക്ലാസ്സിക്കൽ പേരുകളിന്മേലും ചർച്ച തുടരുകയാണ്. 

അതേസമയം പുരുൻമാർ പിന്നിൽ ചരടുവലിച്ച് നടത്തുന്ന പെൺ ഭരണസമിതിയായാൽ ബൊമ്മ എന്ന പേരാവില്ലേ ഉചിതം എന്ന് അഭിപ്രായപ്പെടുന്നവരുമുണ്ട്.

 



അമ്മയും ബൊമ്മയും

പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി അമിത് ഷാ, യു.പി മുഖ്യമന്ത്രി യോഗി ആദിത്യനാഥ് എന്നീ ത്രിമൂർത്തികളുടെ സ്വപ്നത്തിൽ ഒരേസമയം ക്രോസ് കണക്ഷൻ പോലെ പ്രത്യക്ഷപ്പെട്ടാണ് രാമൻ തന്റെ പരാതിക്കെട്ട് അഴിച്ചത്.  "അങ്ങ് തെക്കുള്ള ശബരിമല അയ്യപ്പന്റെ കാര്യത്തിൽ പോലും ഞാൻ വിചാരിച്ച രീതിയിലല്ലല്ലോ നിങ്ങൾ ബിജെപിക്കാർ ഇടപെട്ടത്" എന്ന  ആമുഖത്തോടെ, കൃത്യമായ രാഷ്ട്രീയ ഒളിയമ്പുകളോടെയാണ് രാമൻ ത്രിമൂർത്തികളെ വിചാരണ ചെയ്യാൻ തുടങ്ങിയത്.

നീറ്റ് പരീക്ഷ, സിബിഎസ്ഇ, യുജിസി നെറ്റ് പരീക്ഷകൾ എന്നിവയിലെ ചോദ്യപേപ്പർ ചോർച്ചയിൽ മോദി സർക്കാർ സ്വീകരിച്ച അഴകൊഴമ്പൻ നിലപാടാണ്  അയോധ്യയിലും ശബരിമലയിലും ഉൾപ്പെടെയുള്ള അമ്പലക്കൊള്ളകളിലും തുടരുന്നതെന്നും, ഈ മെല്ലെപ്പോക്ക് നയം തുടർന്നാൽ ഗുരുതരമായ ഭവിഷ്യത്തുകൾ നേരിടേണ്ടി വരുമെന്നും രാമൻ കടുത്ത ഭാഷയിൽ മുന്നറിയിപ്പ് നൽകി.

കലിയുഗത്തിൽ കപട വേഷങ്ങൾ ധരിച്ച് അധർമ്മത്തിന്റെ വഴിയിലൂടെ സഞ്ചരിക്കുന്നവർ വഞ്ചനയും കപടബുദ്ധിയും കാട്ടി വയറു നിറയ്ക്കാൻ നോക്കുമെന്ന യാഥാർത്ഥ്യം  രാമൻ ഓർമ്മിപ്പിച്ചു. ഇതൊക്കെ തടയുമെന്ന് ജനങ്ങൾക്ക് മോഹനവാഗ്ദാനം നൽകിയല്ലേ നിങ്ങൾ യുപിയിലും കേന്ദ്രത്തിലും ഭരണത്തിൽ എത്തിയത്.  എന്നിട്ടിപ്പോൾ കള്ളന്മാർക്ക് കാവൽ നിൽക്കുന്നോ എന്ന ചോദ്യത്തിന് മുന്നിൽ  മൂവരും മൂക്കുകുത്തി വീണു.

ഉത്തരകാണ്ഡത്തിലെ മറ്റൊരു പ്രശസ്തമായ വരി കൂടി ചൊല്ലിയാണ് രാമൻ വിചാരണ തുടർന്നത്.

"നഹിം ദരിദ്ര് സമ് ദുഖ് ജഗ് മാഹിം 

സന്ത് മിലൻ സമ് സുഖ് നാഹിം... 

മദ് മര്യാദാ ത്യാഗി കരി 

കരഹിം അഹങ്കാർ മാഹിം"




ആചാരങ്ങളിലും മന്ത്രോച്ചാരണങ്ങളിലും ദേവാലയങ്ങളിലെ ഇരുണ്ട മുറികളിലും അല്ല ; കർഷകർ ഉൾപ്പെടെയുള്ള സാധാരണക്കാരന്റെ വിയർപ്പിലാണ് ദൈവചൈതന്യം കുടികൊള്ളുന്നത് എന്ന ടാഗോറിന്റെ വരികൾ ഉൾപ്പെടെ ‘പ്രോലിറ്റേറിയൻ‘ ആശയങ്ങൾ കൂടി വായിക്കുന്നത് ഭരണത്തെ കൂടുതൽ മികവുറ്റതാക്കാൻ സഹായിക്കും എന്ന്  എന്ന് രാമൻ മോദിയെ ഉപദേശിച്ചു.

സംഭാവനയായി ലഭിച്ച തങ്കത്തിൽ നിർമ്മിച്ച, അഞ്ചു കോടി രൂപ വിലമതിക്കുന്ന 'രാമചരിതമാനസം' ഗ്രന്ഥം ആരാണ് കൊണ്ടുപോയത് എന്ന് തനിക്ക് കൃത്യമായി അറിയാമെന്നും, അത് അന്വേഷിച്ച് കണ്ടുപിടിക്കേണ്ട ചുമതല മാത്രമാണ് നിങ്ങൾക്കുള്ളതെന്നും രാമൻ നേതാക്കളോട് കർശനമായി പറഞ്ഞു. 

അയോധ്യയിലെ  മോഷണത്തിൽ അടിയന്തരമായി ഇടപെട്ട് കള്ളന്മാരെ അഴികൾക്കുള്ളിലാക്കിയില്ലെങ്കിൽ, ഉത്തർപ്രദേശിൽ ഉൾപ്പെടെ വരാനിരിക്കുന്ന നിയമസഭാ തിരഞ്ഞെടുപ്പുകൾ ബിജെപിയുടെ രാഷ്ട്രീയ 'വാട്ടർലൂ' ആയി മാറുമെന്നും രാമൻ അന്ത്യശാസനം നൽകി. കള്ളന്മാർക്ക് കുടപിടിക്കുന്ന ഈ അവസ്ഥ തുടർന്നാൽ, അയോദ്ധ്യയിലെ ഈ ആഡംബര കൊട്ടാരം ഉപേക്ഷിച്ച് താൻ വീണ്ടും കാട്ടിലേക്ക് പോകാൻ മടിക്കില്ലെന്നുമുള്ള  രാമന്റെ അവസാന ഭീഷണിയിൽ ഞെട്ടിവിറച്ച് മൂന്ന് നേതാക്കളും ഒരേസമയം യാഥാർത്ഥ്യത്തിലേക്ക് ഞെട്ടിയുണർന്നു.

വീണ്ടും വനവാസത്തിനിറങ്ങുന്ന ശ്രീരാമൻ  

സംസ്ഥാന സർക്കാരിനെ പ്രതിരോധത്തിലാക്കി പഴ്സണൽ സ്റ്റാഫ് നിയമനത്തിൽ വീണ്ടും വിവാദം പുകയുന്നു. എക്സൈസ് മന്ത്രി എം. ലിജുവിൻ്റെ പഴ്സണൽ സ്റ്റാഫിൽ അസിസ്റ്റൻ്റ് പ്രൈവറ്റ് സെക്രട്ടറിയായി നിയമിച്ച ഹരിമോഹൻ്റെ രാഷ്ട്രീയ പശ്ചാത്തലമാണ് ഇപ്പോൾ വലിയ ചർച്ചകൾക്കും വിവാദങ്ങൾക്കും വഴിവെച്ചിരിക്കുന്നത്. 
.
മുൻപ് ഒരു സ്വകാര്യ വാർത്താ ചാനലിൽ ജോലി ചെയ്തിരുന്ന ഹരിമോഹൻ, അത് രാജിവെച്ചാണ് മന്ത്രിയുടെ സ്റ്റാഫിൽ ചേർന്നത്.


എബിവിപിയിൽ സജീവമായി പ്രവർത്തിക്കുന്ന കാലയളവിൽ തന്നെ, കാലടി സംസ്കൃത സർവ്വകലാശാലയിലെ 'ഐസ' (AISA - All India Students Association) യൂണിറ്റിൻ്റെ സ്ഥാപക നേതാവായും ഹരിമോഹൻ പ്രവർത്തിച്ചിരുന്നതായി റിപ്പോർട്ടുകളുണ്ട്. 2018-ൽ ഐസയുടെ ആദ്യ സർവ്വകലാശാലാ പ്രസിഡൻ്റായും ഇയാൾ ചുമതലയേറ്റിരുന്നു

ഹരിമോഹൻ്റെ നിയമനത്തിനെതിരെ കെ.എസ്.യു (KSU), യൂത്ത് കോൺഗ്രസ് നേതൃത്വങ്ങൾ മുഖ്യമന്ത്രിക്കും കെ പി സി സി , എ ഐ സി സി നേതൃത്വത്തിനും കേരളത്തിൻ്റെ ചുമതലയുള്ള, ദീപദാസ്മുൻഷിക്കും ഔദ്യോഗികമായി പരാതി നൽകിയിട്ടുണ്ട്.

Personal staff appointment again in controversy.

പേഴ്സണലായിട്ട് പറയുവാ... മന്ത്രിമാരുടെ സ്റ്റാഫിനെ സതീശൻ ശ്രദ്ധിക്കണം.

വ്യവസ്ഥയും വെള്ളിയാഴ്ചയും ഇല്ലാതെ  ഊരാളുങ്കൽ ജനങ്ങളുടെ നികുതിപ്പണം കടത്താൻ തുടങ്ങിയിട്ട്   കൊല്ലം പത്തു  കഴിഞ്ഞു. ഇതാണ് ഹിസ് മാസ്റ്റേഴ്സ് വോയ്സ്.

അമ്പതിനായിരം കോടി രൂപയുടെ മരാമത്തുകളാണ് സർക്കാർ സൊസൈറ്റിക്കു ദാനം നൽകിയതെന്നാണ് കണക്ക്..ടെണ്ടറും മറ്റു വള്ളിക്കെട്ടുകളും യാതോരു  സാമ്പത്തിക പരിധിയുമില്ലാതെ കൈയ്യയച്ച് അങ്ങു കൊടുക്കയാണ്...

ആടെല്ലാം കോനാരുടെ, അപ്പോൾ അളക നന്ദയോ?ആട്,മാഞ്ചിയം,തേക്ക് അന്വേഷിച്ചപ്പോൾ കണ്ടത് ഇതായിരുന്നു. ഇവിടെയും സ്ഥിതി മറ്റൊന്നല്ല.തേപ്പു പലക, തൂക്കക്കട്ടി,  കരണ്ടി,അരിപ്പ,ജേസിബി,മണ്ണുമാന്തി,മിക്സർ... അങ്ങനെ  എല്ലാം വാടക മൊതലുകളാണ്..   ഇവകൾ കൊണ്ടാണ് അവർ പണിഞ്ഞു തള്ളുന്നത്.ജംഗമങ്ങളെല്ലാം മുട്ടൻ സഖാക്കൻമാരുടെ രഹസ്യക്കാരുടെയും കാരികളുടെയും തിരുനാമങ്ങൾ പേറുന്നു. . ദിവസ വാടക മാസം പ്രതി അളന്നു അക്കൗണ്ടിൽ തള്ളും.

എന്താ നിർവഹണം!എന്നാ സ്റ്റൈൽ. ഡബിളാ..ഡബിൾ. അവിടെം കണ്ടു ഇവിടെം കണ്ടു..  ഗോപി മേസ്തിരിമാരുടെ ടൈം.അല്ലാതെന്തു പറയാൻ സഖേ.


കരിമ്പട്ടികയിൽ ഉൾപ്പെടുത്തേണ്ട ഈ സംരംഭത്തിന്റെ  കഴിഞ്ഞ പത്തു കൊല്ലത്തെ ഡീലുകളിൽ പലതിലും നഗ്നമായ പണാപഹരണമാണ് നടന്നതെന്ന് ഉദ്യോഗസ്ഥർ തന്നെ സാക്ഷ്യപ്പെടുത്തുന്നു. കേരളീയം പരിപാടി നടത്തിപ്പിൽ ഊരാളുങ്കലിന്റെ തിരുവനന്തപുരം ശാഖയായ കോവളം ആർട്ട് ആൻഡ് ക്രാഫ്റ്റ്സ് വില്ലേജ് ചെലവ്അ പെരുപ്പിച്ചു കാട്ടി അടിച്ചു മാറ്റിയത്  കോടികൾ.ഇതുൾപ്പെടെ വിജിലൻസ് അന്വേഷണം അനിവാര്യമാണ്. കേന്ദ്രസർക്കാരിന്റെ അന്വേഷണവും വേണ്ടിവരും.പണ വിനിയോഗവും വിനിമയവും പരിശോധിക്കണം.വിദേശ വിനിമയ ചട്ട ലംഘനങ്ങളും പരിശോധിക്കപ്പെടണം.

തൊഴിലും വരുമാനവും ഇല്ലാതെ വടക്ക് നോക്കിയിരിക്കുന്ന  നൂറു കണക്കിനു തൊഴിലാളി സംഘങ്ങളുള്ള നാട്ടിലാണിതെന്നും അറിയണം. സർക്കാർ വർക്കുകൾ കുത്തകവൽക്കരിക്കുകയല്ല വീതിക്കപ്പെടേണ്ടതാണെന്ന് ഏത് അരിയാഹാരിക്കും അറിയാം.

സർക്കാരിനു ഭീതി വേണ്ട ജാഗ്രത മതി. മാൻഡേറ്റ് കനത്തതാണ്.കൂടെ ഒരു നട്ടെല്ലുമായാൽ കഥ മാറും. കാലവും.

ഒന്നു വച്ചാൽ പത്താകുന്ന ഊരാളുങ്കൽ വിസ്മയം

അതിനുമുണ്ട് കാരണങ്ങൾ. അറിയിപ്പുകളും തൊഴിൽ വിജ്ഞാപനങ്ങളും തത്സമയം അപേക്ഷകർക്ക് ലഭ്യമാകുന്ന പശ്ചാത്തലത്തിൽ ,പത്രങ്ങളിൽ വിജ്ഞാപന പരസ്യം വേണ്ടെന്ന നിർദ്ദേശം ഉയർന്നപ്പോൾ ആ നീക്കത്തിനു തടയിടാൻ മാധ്യമ,രാഷ്ട്രീയ വിശാരദൻമാർക്കു കഴിഞ്ഞു.അതു മുതൽ പിഎസ് സി റിപ്പോർട്ടിംഗിൽ ഒരു സോഫ്റ്റ് കോർണർ പുലർത്തുന്നത് പതിവായി..

ഊരാളുങ്കലും  കരുവന്നൂരും  സി ഡിറ്റും മറ്റനവധി സ്ഥാപനങ്ങളും പോലെ ആനക്കൂട്ടം. കയറിയ കരിമ്പിൻ കാടായിരുന്നു  കേരളാ പിഎസ് സി എന്ന ഭരണഘടനാ സ്ഥാപനവും. . പാർട്ടി സെല്ലായി പരിണമിച്ച ഇവിടെ  വൈറ്റ് കോളർ ദുഷ് പ്രഭുത്വവും സ്വജന പ്രീണനവും അനുസാരികളും  കൊടിയ നീതി നിഷേധവും താണ്ഡവമാടിയ കാലമായിരുന്നു   കഴിഞ്ഞ പത്തുവർഷം.

ഉന്നത ബിരുദങ്ങളും പ്രായോഗിക തൊഴിൽ പരിചയവും സിദ്ധിച്ച നൂറുകണക്കിനു ഉദ്യോഗാർത്ഥികൾ നാലാം ക്ളാസുകാരന്റെ ഔദാര്യം കാത്തു നിൽക്കേണ്ട ഗതികേടിന് എന്താണ് പേരു വിളിക്കുക!


ആശയ ഗംഭീരത കൊണ്ട് ആകാശം തൊടുന്ന, വിപ്ലവ സംഘടനക്ക് ഉല്പാദനം,ഉപഭോഗം,വിപണനം ഇവയെല്ലാം   കേന്ദ്രീകൃത  ആവാസ വ്യവസ്ഥയിലാണ് നീങ്ങുക.

അമേരിക്കയിലെ എംഐടി ആയാലും രാജ്യതെത ഐഐടികളായാലും  സർട്ടിഫിക്കറ്റുകൾ  കേരള യൂണിവേഴസിറ്റിയിലെ അക്കാദമിക വിഭാഗം ഗുമസ്തനെ മുഖദാവിൽ കാണിച്ചു.ബോധിപ്പിക്കണം. ടിയാന്റെ സാക്ഷ്യ പത്രം കണ്ടാലെ  പിഎസ് സിക്കാരൻ  കനിയു.. അതെ ഇവിടെ ആർക്കും ഇപ്പോഴും നേരം വെളുത്തിട്ടില്ല.

പിഎസ്‌സി, യുപി എസ് സിയുടെ മാത്റുകയിൽ പുന:സംഘടിപ്പിക്കണം. 

ഇരിക്കേണ്ടവൻ ഇരിക്കേണ്ടിടത്ത് ഇരുന്നില്ലെങ്കിൽ അവിടെ ആര് ഇരിക്കുമെന്നു കാണാൻ തിരുവനന്തപുരത്തെ പട്ടം വരെ  സഞ്ചരിക്കണം..

കമ്മിഷനടിക്കാൻ ഒരു പബ്ലിക് സർവ്വീസ്

തിരുവനന്തപുരം നഗരസഭയിൽ കഴിഞ്ഞ ദിവസം അരങ്ങേറിയത് ജനാധിപത്യ സംവിധാനത്തിൽ നടക്കാൻ പാടില്ലാത്ത കാര്യങ്ങൾ. കോർപറേഷൻ ഓഫീസും പരിസരവും പരിഹാസ്യമായ പുതിയ ഇനം കായിക വിനോദങ്ങൾക്ക് സാക്ഷിയായി.

പിന്നെ സംഭവിച്ചത് ‘ബുക്ക് തട്ടിപ്പറിക്കൽ’ എന്ന പുതിയ കായിക ഇനം. ബിജെപിക്കാർ തിരിച്ചുപിടിക്കാൻ നോക്കി. കോൺഗ്രസുകാർ വിട്ടുകൊടുത്തില്ല. ഒടുവിൽ ഡയസിൽ കയറി നിന്ന് ഗുസ്തി. സാക്ഷി പറയുന്നത് ഹാജർ ബുക്കല്ല, കീറിയ ഷർട്ടുകളാണ്

തലേദിവസം ഹൈക്കോടതി ബിജെപി കൗൺസിലർമാരുടെ സത്യപ്രതിജ്ഞ അസാധുവാക്കിയിരുന്നു. ‘ദൈവം’ എന്നു നേരേ പറയുന്നതിന് പകരം വേറെ പേരുകൾ പറഞ്ഞുപോയതാണ് പ്രശ്നം. പുതിയ സത്യപ്രതിജ്ഞയും ‘ശരിയായില്ല’ എന്ന് സിപിഎം. ചുരുക്കത്തിൽ, കൗൺസിലിൽ ഇപ്പോൾ ‘സത്യപ്രതിജ്ഞ fact ചെക്ക്’ നടക്കുകയാണ്.  

രാഷ്ട്രീയ മോറൽസ് ഓഫ് ദ സ്റ്റോറി:
1. കോർപറേഷന്പുതിയ പാഠ്യപദ്ധതിനടപ്പാക്കണം. ‘ഫിസിക്കൽ എഡ്യൂക്കേഷൻ’ നിർബന്ധമാക്കണം. ഹാജർ ബുക്ക് തട്ടിപ്പറിക്കൽ, ഡയസ് ഗുസ്തി, ഷർട്ട് കീറൽ എന്നിവയ്ക്ക് പ്രത്യേക മാർക്ക്.

 2. ജനാധിപത്യം: അജണ്ട പാസാക്കി 2 മിനിറ്റിൽ യോഗം പിരിച്ചുവിടുന്ന ‘സ്പീഡ് റൺ’ ഭരണപക്ഷം കണ്ടുപിടിച്ചു. പ്രതിപക്ഷം വന്നപ്പോഴേക്കും സ്റ്റേഡിയം കാലി.

 3. സ്ത്രീ സുരക്ഷ: വനിതാ കൗൺസിലർമാർക്ക് ഇനി ഹെൽമെറ്റും ഗാർഡും നിർബന്ധമാക്കണം. ‘പഞ്ച്’ തെറ്റി വീഴാൻ സാധ്യത കൂടുതലാണ്.   

Recent in Kerala