കാലം മാറി കഥ മാറി. മാറാത്തത് മാതാപിതാക്കൾ മാത്രം. പോസ്റ്റ് കാർഡിൽ നിന്ന് ഇൻസ്റ്റായിലേക്കും ലവ് ലെറ്ററിൽ നിന്ന് ഡേറ്റിങ്ങിലേക്കും കാര്യങ്ങൾ മാറി മറിഞ്ഞതും നാം രഷിതാക്കൾ സൗകര്യപൂർവ്വം മറക്കുന്നു.

മാതാപിതാക്കളുടെ വൈകാരികമായ ബ്ലാക്ക് മെയ്‌ലിംഗിന്റെ ഇരകളായി  മാറി മത്സര പരീക്ഷകളിൽ പങ്കെടുക്കുകയും ആഗ്രഹിച്ച വിജയം നേടാൻ കഴിയാതെ വരികയും ചെയ്യുന്നതിനെ തുടർന്നാണ് പല കുഞ്ഞുങ്ങളും ആത്മഹത്യയിൽ അഭയം പ്രാപിക്കുന്നത്. ഇത്തരം വികാര വിക്ഷോഭങ്ങൾക്കിടയിൽപ്പെട്ട് ചതഞ്ഞരയുകയാണ് പലപ്പോഴും നമ്മുടെ ബാല്യ കൗമാരങ്ങൾ. കളിയും പ്രേമവും കുറ്റമായി കണ്ട ആ പഴയ മാതാപിതാക്കളിൽ നിന്ന് മാറിചിന്തിക്കുന്ന മാതാപിതാക്കൾ വിരളം. അവനവന് സാധിക്കാത്തത് കുഞ്ഞുങ്ങളിലൂടെ എന്നചിന്തിക്കുന്ന അത്തരക്കാരുടെ  ദുരാഗ്രഹത്തെയാണ് രാജ്യത്തെ എൻട്രൻസ് മാഫിയ മുതലെടുക്കുന്നതും.



റാങ്കുകളും മാർക്കുകളും മാത്രം ജീവിതവിജയത്തിന്റെ അളവുകോലാകുന്ന സമൂഹത്തിന്റെ സമ്മർദ്ദം താങ്ങാനാവാതെ തിരികെ പോകാൻ നിർബന്ധിതരാകുന്ന നമ്മുടെ കുരുന്നുകൾ. പുസ്തകത്താളുകൾക്കിടയിൽ അവർക്ക് നഷ്ടപ്പെടുന്ന സ്വപ്നങ്ങളും സന്തോഷങ്ങളും മനസ്സിലാക്കാത്തതാണ് നാം നേരിടുന്ന ദുരന്തം.



മാതാപിതാക്കളുടെ മനോഭാവമാണ് കുട്ടികളുടെ മാനസിക ആരോഗ്യത്തിന്റെ അടിത്തറ. മാതാപിതാക്കളുടെ അത്യാഗ്രഹത്തെ ചൂഷണം ചെയ്യുന്ന പ്രവേശന പരീക്ഷാ കേന്ദ്രങ്ങൾ കൂടിയാകുമ്പോൾ ശ്വാസം മുട്ടുന്നത് നമ്മുടെ കുരുന്നുകളാണ്. മറ്റാർക്കോ വേണ്ടി ഇഷ്ട വിഷയങ്ങളല്ലാത്ത ഭാരം തലയിൽ പേറേണ്ടി വരുന്നതിന്റെ മാനസിക വേദന മാതാപിതാക്കൾ അല്ലാതെ മറ്റാര് മനസ്സിലാക്കും . തോൽവി എന്ന അവർണ്ണനീയമായ ഭീതി ഉള്ളിൽ ഒതുക്കുമ്പോൾ ഉടലെടുക്കുന്ന ഉൽകണ്ഠ കടുത്ത വിഷാദത്തിലേക്കും  വിടപറയലിലേക്കും നയിച്ചെന്നിരിക്കും. പരീക്ഷയിലെ പരാജയം ജീവിതത്തിന്റെ തോൽവിയല്ല എന്ന്  മനസ്സിലാക്കി കൊടുക്കേണ്ടതിനു പകരം അത് അപമാനമായി കാണുന്നതാണ് ആത്മരോദനത്തിലേക്കും ആത്മഹത്യയിലേക്കും നയിക്കുന്നതിന്റെ പ്രധാന കാരണം. 

ഈ സാഹചര്യത്തിലാണ് പരീക്ഷ നടത്തിപ്പിന്റെ സുതാര്യതയ്ക്ക് വേണ്ടിയുള്ള മുറവിളികൾ ഉയർന്നത്. ഈ പശ്ചാത്തലത്തിൽ അശാസ്ത്രീയമായ പരീക്ഷ നടത്തിപ്പ്, അമിത ഫീസ് ഇങ്ങനെ പലതും പരിഷ്കരിച്ച് മത്സര പരീക്ഷകൾക്ക്  നിയന്ത്രണങ്ങളും നിയമങ്ങളും ഏർപ്പെടുത്താൻ ലക്ഷ്യമിട്ട് പാർലമെന്റിൽ അവതരിപ്പിക്കുന്ന ബില്ല്  രാഷ്ട്രീയ ഏറ്റുമുട്ടലിൽ തകർന്നു പോകാതിരുന്നാൽ നന്ന്.

സോറി പപ്പാ...സോറി മമ്മി...

അറിയാത്തിടങ്ങളിൽ നിന്ന് എത്തുന്ന ആഹാരം പങ്കുവച്ച്  മോദി വിരുദ്ധത എന്ന വൺ പോയിന്റ് അജണ്ടയുടെ പേരിൽ പരസ്പരം ആശ്ലേഷിക്കുന്ന തമ്മിലറിയാത്ത സമര സ്നേഹികൾ. സാമൂഹ്യ മാധ്യമങ്ങളിൽ പോസറ്റിട്ട് മതിമറക്കുന്ന മത പുരോഹിതന്മാർ. തലക്കെട്ടുകൾക്കായി തലപുകച്ച് ദേശ - വിദേശ മാധ്യമങ്ങൾ. തന്ത്രപരമായ പിഴവിനെ പഴിക്കാതെ പ്രതിപക്ഷ പരാജയത്തെ പരിഹസിച്ച് ബിജെപി. പുതു തലമുറയെ കേൾക്കണമെന്ന ഓർമ്മപ്പെടുത്തലുമായി ആർ എസ് എസ്. ജെൻസിയുടെ  ‘സമാധാന’ സമരമുറ പാർലമെന്റിലേക്ക് കടക്കുന്നതും കാത്ത് കുത്തിയിരിക്കുന്ന കുത്തിത്തിരിപ്പുകാർ.  അതിനിടയിൽ അതാ എത്തുന്നു സമരക്കാരുടെ മോഹങ്ങൾക്കുമേൽ മഞ്ഞുവീഴ്ചയായി ധർമ്മേന്ദ്രപ്രധാന്റെ രാജി. സമരക്കാരുടെ ഡിമാന്റുകൾ മുഴുവനായിസർക്കാർ അംഗീകരിക്കുന്നു. സംയുക്ത വാർത്താ സമ്മേളനം. മോദി ഭരണകാലത്തെ അപൂർവ പ്രതിഭാസമായ രാജിയിൽ മതിമറന്ന് ആഹ്ലാദിക്കുന്നവർ. ആദ്യ വിക്കറ്റേ വീണുള്ള എന്ന് പ്രസ്താവിച്ച് കഥ തുടരും എന്ന് വ്യക്തമാക്കി ദീപ്കെ. റീ ലോഞ്ച് മോഹത്തിന്റെ വക്ര ബുദ്ധിയുമായി രാഹുലും കോൺഗ്രസ്സും. രോഗി ഇച്ഛിച്ചതും  വൈദ്യൻ കൽപ്പിച്ചതും എന്ന മട്ടിൽ ബില്ലുകളുമായി സഭാ സമ്മേളനത്തിലേക്ക് തയ്യാറായി മോദിയും കൂട്ടരും. ഒന്നാം ഭാഗം ഇവിടെ അവസാനിക്കുന്നു. അങ്കം തുടരും

ആഗോളതലത്തിലെ ഗൂഢാലോചനയുടെ ഭാഗമായാണോ പാറ്റകളെ പറത്തിവിട്ടത് എന്ന സംശയം കൂടുതൽ ബലപ്പെടുന്നു. അന്യ രാജ്യങ്ങളിലെ ജെൻസി പ്രക്ഷോഭങ്ങളെ ഓർമിപ്പിക്കും വിധം പാറ്റകൾ പാർലമെന്റിലേക്ക് മാർച്ച് ചെയ്തിരുന്നെങ്കിൽ രാജ്യത്തിന് സംഭവിക്കാമായിരുന്ന ജനാധിപത്യ മുറിവ് ആഗ്രഹിക്കുന്ന വിദേശ രാഷ്ട്രങ്ങളോടൊപ്പം തദ്ദേശീയരും ഉണ്ട് എന്നത് പ്രധാന്റെ രാജിവഴി ഒഴിവായി.

 

മൂന്നാം വട്ട ഭരണത്തിന്റെ സ്വാഭാവിക അഹങ്കാരത്തിൽ ശത്രുവിനെ നിസ്സാരമായി  കാണുന്ന  ബിജെപിയുടെ പതിവ് പരിപാടി ഇനി പഴയ രീതിയിൽ വിലപ്പോവില്ല. ഇത് ആദ്യ വിക്കറ്റ് മാത്രം എന്ന് പറയുന്ന അഭിജിത്ത് ദീപ്കെയുടെ ഭാവി മോഹങ്ങൾ ഈ വഴിയിലാണ് സഞ്ചരിക്കുന്നത് എങ്കിൽ രാജ്യത്തിന് അത് ഒട്ടും ഗുണകരമാവില്ല .എൻട്രൻസ് മാഫിയകൾക്കെതിരെയും മറ്റു സംസ്ഥാനങ്ങളിലെ ചോദ്യപേപ്പർ ചോർച്ചയെക്കുറിച്ചും പാറ്റകൾ മൗനം പാലിക്കുമ്പോൾ വിശേഷിച്ചും. കാണാൻ പോകുന്നത് ഇതൊക്കെയാണ് ..

പാറ്റകളെ പുകഴ്ത്തിയില്ലെങ്കിൽ കൂടി പേരെങ്കിലും പരാമർശിക്കാനുള്ള ധൈര്യം പോലും ഇല്ലാത്ത പ്രതിപക്ഷ നേതാവ്. മുണ്ടും മടക്കി കുത്തി പാറ്റകൾക്കൊപ്പം അലഞ്ഞ് നടന്ന് സമരവീര്യം ചോരാതെ നോക്കിയ  കമ്മ്യൂണിസ്റ്റ് നേതാക്കൾ, കോൺഗ്രസിനും കമ്മ്യൂണിസ്റ്റ് പാർട്ടികൾക്കും  അവരുടെ വിദ്യാർത്ഥി - യുവജന സംഘടനകൾക്കും  കഴിയാത്തതാണ് പാറ്റകൾ  പറ്റിച്ചെടുത്തത് എന്നിരിക്കെ  നാട്ടിൽ ഇനി എന്തിന്  ഇടത് വലത് യുവജന സംഘടനകൾ.  സ്വയം പിരിഞ്ഞ് അവരും പാറ്റ പാർട്ടിയിൽ ലയിക്കട്ടെ.   
……

വല്ലവരുകൊയ്യും വയലെല്ലാം.....

മന്ത്രി പ്രധാനെ രാജി വയ്പ്പിച്ച് പ്രധാൻ മന്ത്രി തടി കഴിച്ചിലാക്കി. എല്ലാം നീറ്റായി. പാറ്റയും പിന്നണിക്കാരും  ഹാപ്പി.എന്നാൽ അടിസ്ഥാന വിഷയങ്ങൾ ടാറ്റ പറയാതെ അവിടെത്തന്നെയുണ്ട്.

മാതാപിതാക്കളുടെ പൊങ്ങച്ചങ്ങളാണ് പാഷനില്ലാത്ത കുട്ടികളെ പരിശീലന കേന്ദ്രങ്ങളിലേക്ക് പായിക്കുന്നത്. പുതിയ തൊഴിലുകൾ ഉയർന്നു വന്നിട്ടും കഥ മാറിയില്ല.സമ്മർദ്ദങ്ങൾ താങ്ങാനാവാതെ രാജസ്ഥാനിലെ കോട്ടയിൽ പ്രതിവർഷം നൂറിൽ കുറയാതെ കുട്ടികൾ ആത്മഹത്യ ചെയ്യുന്നതായാണ് കണക്ക്. 


രാജ്യത്തെ ഐ ഐ എമ്മുകൾ (ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ്) നടത്തുന്ന മാതൃകയിൽ എല്ലാ പരീക്ഷയും നടത്തണം.

സിബിഎസ്ഇ യിൽ പഠന പ്രക്രിയ യാന്ത്രികമായി തീരുന്നതാണ് ഇന്നത്തെ അവസ്ഥ.കുട്ടികളുടെ സർഗ വാസനകൾ  തല്ലിക്കെടുത്തിയാണ് പഠനം പുരോഗമിക്കുന്നത്.

'അച്ച'ന്റെ പാവാടത്തുമ്പു പിടിച്ചും അമ്മയെ നോവിച്ചും മതേതരനായി മണ്ടിയ മഹാമാന്ത്രികൻ മലയാളി യൊരാൾ  ഹിന്ദിയിൽ നിലവിളിച്ചാണ് തടിയൂരിയത്.
വടിയും കുത്തി വരാനുള്ള അസൗകര്യമാണ് എൻ എസ് യു അധ്യക്ഷൻ സമരത്തിൽ നിന്നും മാറാൻ ഹേതുവായത്


ദില്ലിസമരത്തിൽ ഐക്യപ്പെട്ട് എസ് യുസിഐ മാനവീയം വീഥിയിൽ കൂടിയപ്പോൾ ദേശാഭിമാനിക്കു തിമിരമായിരുന്നു.അതിന്റെ പകുതി പേർ പങ്കെടുത്ത അപ്പം ഗോവിന്ദന്റെ പരിപാടിക്കു മൂന്നു കോളം വാർത്തയും ചിത്രവും വാഴ്ത്തുപാട്ടും. ഇത്ര മാത്രമാണ് പാറ്റാ സമരം. ആളുകളെ വടിയാക്കുന്ന അന്തസാര ശൂന്യമായ അഭ്യാസ പ്രകടനം!

പാറ്റയെ മറയാക്കി  ഒരുപാടു കുട്ടിച്ചാത്തൻമാർ ആവാഹനവും സ്തംഭനവുമായി വന്നു .മുടിപ്പുര അമ്മച്ചിയാണെ സത്യം.  ഒന്നൂം ഒത്തില്ല.ഒന്നും ഒപ്പിച്ചില്ല.

ബോസ്റ്റണിൽ പോകും മുമ്പ് എഏപിയുടെ  സോഷ്യൽ മീഡിയ മാനേജർ എന്ന നിലയിൽ കുറെ കിണ്ടിയതാണ് നമ്മുടെ ടെക്കൻ.പണി കൊടുക്കാനറിയാം. പാലും വെള്ളത്തിൽ പണി വാങ്ങാനും.ഷൂട്ടിംഗ് സ്റ്റാറായി മാറിയ കെജ്രിവാളിനെ പെറ്റ തള്ള സഹിക്കാത്ത വിധത്തിലല്ലേ അറഞ്ചം പുറഞ്ചം വെട്ടി വീഴ്ത്തിയത്. അവതാരങ്ങൾ അങ്ങനെ തീരും.അതുവരെ കിട്ടിയത് ലാഭം.



കാതലായ നിർദ്ദേശങ്ങൾ ആരും പറഞ്ഞില്ല എന്നതാണ് പാറ്റ സമരത്തിന്റെ കാതൽ.കക്ഷി രാഷ്ട്രീയം മുൻപെ പറക്കുന്നതും കണ്ടു.  ധാർമിക സമരം നടത്തിയാണ് നാം  എല്ലാം  നേടിയത്.
യഥോ ധർമ; തഥോ ജയ:
 .

പാറ്റാ..ബൈ...ബൈ

അപ്പക്കഥ തീരുന്നില്ല. അപ്പം ഗോവിന്ദന്റെ ഊഴമാണ്. മിഴികൾ പൂട്ടി വദനം വക്രിച്ച് നാസികകൾ തുറന്ന് സമര പുളകങ്ങൾ തൻ സിന്ദൂര മാലകൾ പാറ്റകളെ അണിയിക്കുന്ന ചടങ്ങിനു കാക്കുകയാണ് ഇന്ദ്രപ്രസ്ഥം.

പെൺകിടാങ്ങളുടെ മധ്യേ ഒഴുകി  പൊലീസിനെ പ്രതിരോധിക്കും നേരം മിഴിയറിയാതെ , മനമറിയതെ കരചരണങ്ങൾ പെണ്ണുടലുകളുടെ മർമങ്ങളിലേക്ക് പായിച്ച്  വിപ്ലവ സ്പർശങ്ങളെ ധീരോദാത്തമാക്കിയ ചരിത്രമുള്ള ലുട്ടാപ്പിയാണ് പാറ്റാവേദിയിലെ ഇന്നലത്തെ താരം. ഓസിനു കിട്ടിയ പാറ്റ, കൂറ, പഴുതാര ക്കൂട്ടത്തിനു നടുവിൽ കയറിയായിരുന്നു കസർത്ത്.അടി കൊള്ളുന്ന ഭാഗത്തേക്ക് പോയതേയില്ല. അഖിലേന്ത്യാ യൂത്തനാണങ്കിലും പനവൂർ ചന്തയാണ് കബഡയുടെ തിരുമുറ്റം. കേൾവിക്കാരെ തേടി ദില്ലിവരെ പോകേണ്ടി വന്നു. സാരമില്ല. പറയുന്നവനും കേൾക്കുന്നവനും  തിരിയാതെ പോകുന്നതാണ് ഈ ടോക്കിന്റെ മഹിമ. പത്താം തരം ജയിക്കാതെ നിയമ ബിരുദം നേടിയവനെന്ന് സുധാകരൻ സഖാവ് പറഞ്ഞത് ആരെയണ്ണാ?

പാറ്റാ സമരത്തിൽ  കേരളത്തിലെ കോൺഗ്രസുകാർ മുട്ടൻ പാറ്റകളുടെ റോൾ  അഭിനയിച്ചു തകർത്തതിതിനാൽ കേരളത്തിൽ അവർ  രണ്ടു പോയിന്റ് മുന്നിലാണ്.
ഇനി ആരെങ്കിലും കേറി വാക്കില്ലാതെ കളിച്ചാലെ ഭീഷണിയുള്ളു. 
രാജ്യത്തെ പെരിയോൻ സഖാവ് ഇതുവരെയും ദില്ലിയിൽ ഇരുന്നുകൊണ്ട് പ്രവേശിച്ചിട്ടില്ല. മുത്തേ കരളെ നീയെവിടെ? നീങ്കൾ വൻട്റാൽ രൊമ്പ പ്രമാദം. തീർത്ഥാടനം എന്ന പോൽ തീവണ്ടി കോച്ചുകൾ മുഴുവൻ ബുക്കു ചെയ്തു ദില്ലി പിടിക്കുന്ന മലയാളികൾ മലയാളിയല്ല മറുനാടൻ മലയാളികളാണ്.

മലയാള ഭാഷയുടെ മാതാശ്രീ ബിഗ് ബോസിലെ മറ്റു മഹിളാശ്രീമാർക്കൊപ്പം ദില്ലിയിൽ നീരാടി.  റേറ്റ് പ്രകാരമുള്ള പെർഫോമൻസ് ദ്വിഭാഷയിൽ കാഴ്ച വച്ചു

വെപ്പും കുടിയും മയക്കവും  ചുംബന സമരവും സഹജീവനവും  പി ആറും ഗംഭീരമായി നടന്നു വരുന്നു.  വഴിപാടുകൾക്കുള്ള  മുഴുവൻശീട്ടുകളും എടുത്തു നൽകുന്നത്  മഹാമനസ്കരും ലോക സമാധാനം കാംക്ഷിക്കുന്ന വരുമായ ഫണ്ടിംഗ് (ഹണ്ടിംഗ്) ചേട്ടായിമാർ.

പാറ്റകളായി രൂപാന്തരപ്പെടുന്ന  ഉഭയജീവികൾ പാറ്റകളല്ല പാരകളാണെന്നു സംശയിക്കുന്നവരുണ്ട്..കല്ല്, കരട്,കാഞ്ഞിരവും,മുള്ള് മുരട്  മൂർഖൻ വരെയുമുള്ള നിഷ്കളങ്കർ പാറ്റയായി കൊമ്പും കുലുക്കി പമ്മി നടക്കുന്നുണ്ട്.

നീറ്റിന്റെയും സിബിഎസ്ഇ ഐയുടെയും ഫുൾ ഫോം ചോദിച്ചാൽ അറിയാത്ത പാറ്റകൾ. മന്ത്രി പ്രധാനോ പ്രധാൻ മന്ത്രിയോ രാജി വച്ചാൽ എല്ലാം നീറ്റാകും എന്ന് കരുതുന്നവർ. നീറ്റെഴുതി നീറി സമരത്തിനെത്തിയത് വിരലിലെണ്ണാവുന്നവർ മാത്രം. പക്ഷേ ഭരണം മാറണം. . പറ്റുമെങ്കിൽ പ്രധാൻ മന്ത്രിയെ തകർക്കണം. വടക്കു കിഴക്കിനെ മുറിച്ചു മാറ്റണം. കശ്മിരിലും വേണം മാറ്റം. സിഐഎ ചുട്ടെടുത്ത അപ്പമാണ് കൗണ്ടറിലൂടെ വിൽക്കുന്നത്.

സമരത്തിൽ സാമൂഹിക വിരുദ്ധർ കടന്നു കൂടിയതായി വാഞ്ചൂക്ക് ആരോപിക്കുന്നു.സുരക്ഷാ മേഖലയിലേക്ക്  രാഹുൽ ഗാന്ധി ജാഥ നയിക്കുകയും സമരത്തെ ഹൈജാക്ക് ചെയ്യുകയും ചെയ്ത നടപടിയെ അരവിന്ദ് കെജ്രിവാളും സോനം വാഞ്ചുക്കിന്റെ ഭാര്യയും രൂക്ഷമായി എതിർക്കുന്നു. എ എപിയുടെ സോഷ്യൽ മീഡിയ ലീഡറായിരുന്നൂ അഭിജിത്ത്. പാളയത്തിൽ പട തുടങ്ങി ക്കഴിഞ്ഞു.

ജനാധിപത്യം അളന്നിട്ട അവകാശങ്ങളെയും ആവിഷ്കാരങ്ങളെയും ദുരുപയോഗം ചെയ്താൽ സിസ്റ്റം തകരും.  നാലു സീറ്റിനു വേണ്ടി ദേശീയ താത്പര്യങ്ങൾ പണയപ്പെടുത്താതെ സ്വന്തം നിലയിൽ പ്രക്ഷോഭമുയർത്തുകയാണ് ദേശീയ കക്ഷികളുടെ rചുമതല. വിനാശകരമായ  അജണ്ടകൾ ആരെയും രക്ഷിക്കില്ല.അത് ആത്മനാശനമാണ്. ഒരു പൈതൃകത്തിന്റെ..പെരുമയുടെ....

പാറ്റ സമരം: നീറ്റല്ലാത്ത അജണ്ടകൾ..

പൊതുജന ജിഹ്വകൾ എന്ന മാധ്യമവിശാരദരെയും ഒപ്പാരുകാരെയും ജീവനോടെ ചീന പാതാളത്തിൽ ചവുട്ടിത്താഴ്ത്തിയിട്ട് ഏതാനും പതിറ്റാണ്ടുകൾ  കഴിഞ്ഞു. മിലിട്ടറി ടാങ്കുകൾ കയറ്റി ഇറക്കിയാണ് യുവതയെ വകവരുത്തിയത്. മറ്റു രാജ്യങ്ങളിലിരുന്നു പൗരാവകാശ ധ്വംസനങ്ങളെ കുറിച്ച് പറഞ്ഞ് കലിപ്പു തീർക്കാൻ മാത്രമായിരുന്നു ലോക പൗരാവകാശ സംരക്ഷകരുടെ വിധി. 

ക്ഷേമ രാഷ്ട്രം കെട്ടിപ്പെടുക്കാൻ  ഏകകക്ഷി ഭരണവും ഏകാധിപത്യവുമാണ് നന്നെന്ന്  ചീനൻമാർ പുതിയ കാലത്തു തെളിയിച്ചുവെന്നേയുള്ളു .ജന സംഖ്യ കൂടിയ ഇടങ്ങളിൽ നടപ്പാക്കേണ്ട ഒരു സംവിധാനമായും ചൈനീസ് മോഡൽ മാറിയിരിക്കുന്നു.

നാവടക്കൂ പണിയെടുക്കൂ എന്നു നല്ല അർത്ഥത്തിൽ പറഞ്ഞ ഇന്ദിരാഗാന്ധിയെ ആവിഷ്കാര അപ്പോസ്തലന്മാർ  എടുത്ത് ഉടുക്കുകയായിരുന്നല്ലോ.ജനാധിപത്യത്തിന്റെ ഘാതകി എന്നായിരുന്നു വിളിപ്പേര്. അതു ചീനയിൽ നടപ്പാക്കിയപ്പോൾ നാവെടുക്കാൻ ഒരു കുഞ്ഞപ്പനുമുണ്ടായില്ല.

തൻ പോരിമയും താന്തോന്നിത്തവും ജനായത്തത്തിന്റെ പേരിൽ അനുഭവിച്ചവരാണ് നാം.പരമാധികാര ജനാധിപത്യ പ്രഘോഷണങ്ങൾ തികച്ചും ചാരിത്ര്യ പ്രസംഗമായി  മാത്രം മാറുന്നു.   രാഷ്ട്രത്തെ തകർത്തു കൊണ്ട് തിരുത്തലുകൾക്കു ശ്രമിക്കുന്നവരുടെ കോടാലിക്കൈകളായി ഇന്നത്തെ ജനാധിപത്യ സംരക്ഷകർ മാറുന്നുണ്ടോ?

ജനാധിപത്യത്തിന്റെ ഉന്മാദത്തിൽ ജനക്കൂട്ടം

അറിയാതെ നീളുന്ന രാവുകളെ ചിമ്മിനി കത്തിച്ച്(burning the midnight oil) പകലാക്കി, നമ്മുടെ കുഞ്ഞുങ്ങൾ നെയ്ത കിനാവുകളെയാണ് സാമദ്രോഹികൾ ചവിട്ടി അരച്ചത്. 
ഈ വീഴ്ചയുടെ ഉത്തരവാദികൾ പുറത്താക്കപ്പെട്ടില്ല.  അവർ ശിക്ഷിക്കപ്പെട്ടില്ല കുട്ടികളെ സാന്ത്വനിപ്പിക്കാനും ആരും വന്നില്ല.തിണ്ണ ബലം കാട്ടാനായിരുന്നു പലർക്കും തിടുക്കം..  പുര കത്തുമ്പോൾ വീണ  മീട്ടാമോ ? 



രാശി വശാൽ സദാനന്ദന്റെ നല്ല സമയമാണിത്. സഭയിൽ രണ്ടിലധികം അംഗബലമുള്ള അബലകളെ നെടുകയും ഏകാംഗ വിധവകളെ കുറുകെയും പിളർത്തുന്ന  തിരക്കിലാണ് അദ്ദേഹം.ജനായത്തം ശക്തമാകാൻ എന്തൊരു തൊന്തരവാണ്.  ആരറിയുന്നു ഈ രാമന്റെ ദു:ഖം!

അധികാര  ചേരികൾ ആമയും മുയലും ആയതോടെ  പ്രതിസ്പന്ദങ്ങൾ സമയവും സൗകര്യവും നോക്കി മതി എന്നത് ആചാരമായി തീർന്നു. പ്രതിപക്ഷവും ആ മോഡിലേക്കാണ് മാറിയത്.
പക്ഷേ 140  കോടി ജനങ്ങളാണ് സഭക്കു പുറത്തുള്ളതെന്ന വിചാരം ഭരണക്കാർക്കു വേണം. ജനായത്തിൽ കുത്തകകളില്ല. 


കാലിലെ ആണിരോഗം മുതൽ കാൻസർ വരെ ഭേദമായ അനുഭവ സാക്ഷ്യവുമായി സോഷ്യൽ മീഡിയയിൽ പതപ്പിക്കുന്ന നാട്ടുവൈദ്യരെ തേടിയാണ് മലയാളിയുടെ ഇന്നത്തെ സഞ്ചാരങ്ങൾ. അതിൽ അമ്പലവാസി മുതൽ ഐഎഎസു വരെയുണ്ട്. പണ്ടിത് കാനാടി ചാത്തനായിരുന്നു. ഇതിന്റെ ആഗോള വെർഷനാണ് ഇന്നത്തെ പാറ്റ..കൗമാരത്തിന്റെ അസുഖം വേറെയാണ്. കന്നം തിരിവു കൂടുന്തോറും ലൈക്കും ഷെയറും കൂടും. ജെൻസിയുടെ വായിൽ ബർഗറും വാവിട്ട വൈരുദ്ധ്യവും ചിന്തയിൽ ഡീപ് സ്റ്റേറ്റുമാണന്ന് ആരോപണങ്ങൾ. ബിജെപിയുടെ അനിയനെന്നും പുറം സംസാരം.അന്താരാഷ്ട്ര ഗൂഢാലോചനയും സംശയിക്കുന്നു.സി ഐഎ പുറത്തുവിട്ട ക്രമത്തിൽ തന്നെയായിരുന്നു കാര്യ പരിപാടികളും.
ആശമാരെ കാണാത്ത മലയാളത്തിന്റെ മാതാവ് രഞ്ജിനിഹരിദാസ് വിസ്മയമോഹൻലാൽ, ഇതര മഹിളാ മണികൾ മുതൽ പേർക്ക് പൗരബോധം കൊണ്ട് ഇരിക്കപ്പൊറുതിയില്ലാതെ പാറ്റകളായി.പാറ്റാ ഗുളിക കൂടുതൽ വേണ്ടിവരും.

സാധുവാണ്  സോനം വാഞ്ചുക്. ലഡാക്കിൽ ഒരു മുഖ്യനാകുക എന്നത് ലളിതമായ ആഗ്രഹം . അതുവരെ ഫണ്ടു വേണം. ജീവിക്കാൻ കലാലയ യൂണിയൻ സമാരോഗിൽ അര മണിക്കുർ പ്രസംഗത്തിന് കൂലി പത്തുലക്ഷം രൂപ. ദില്ലി  നിരക്ക് അറിയില്ല.ഇവരാണ് ഇന്നത്തെ നവഭാരത ശില്പികൾ!

ആരു ഭരിച്ചാലും ദില്ലിയുടെ സുരക്ഷാ സോണുകളിലെ നിയമ ലംഘനം വച്ചു പൊറുപ്പിക്കാൻ കഴിയുമോ?ശത്രുക്കൾക്ക്  ഇടം മാർക്കു ചെയ്തു നൽകുന്ന പണിയാണത്.ആരു  ഭരിച്ചാലും പ്രധാനമന്ത്രിയുടെ വസതി വളയാൻ ഇത് ശ്രീലങ്കൻ പ്രസിഡന്റിന്റെ കൊട്ടാരമല്ല. മിതത്വമല്ലാത്ത സമീപനങ്ങൾ അപകടകരമാണ്.

ശിപായി ലഹളയെ ഒന്നാം സ്വാതന്ത്ര്യ സമരമായി വിശേഷിപ്പിത്  സവർക്കറായിരുന്നു.എലിസബത്ത് റാണി  തുടർ നീക്കം പൊളിച്ചു. 1947ൽ സ്വാതന്ത്ര്യം നൽകി  രാജ്യം നമ്മെ പ്രലോഭിപ്പിച്ചു. ജയപ്രകാശ് നാരായണന്റെ സമ്പൂർണ വിപ്ലവത്തിന്റെ കട പൂട്ടിച്ചത് ഇന്ദിര. 

തോൽവികൾ ഏറ്റുവാങ്ങാൻ  നാട്ടിലെ കുട്ടിച്ചാത്തൻമാരുടെ ജീവിതം ഇനിയും ബാക്കി.!

അതെ, 
പരീക്ഷകൾ നീറ്റ് ആയാലും കേരള പി എസ് സി ആയാലും പങ്കെടുക്കുന്നവരെ വലയ്ക്കാതെ നടത്തണം. അതിൽ കള്ളം കലക്കുന്നവരെ പടിക്കു പുറത്തു നിറുത്തണം. ഭരണത്തിലുള്ളവർ കിടക്കപ്പായയിൽ മുണ്ടും മൂടിയുറങ്ങുമ്പോൾ മൂത്രമൊഴിച്ച് കൂടെ കിടന്നുറങ്ങുകയല്ല പ്രതിപക്ഷ ധർമ്മം.
എവിടെ ധർമ്മത്തിന് ഗ്ലാനി സംഭവിക്കുന്നുവോ,
 സംഭവാമി യുഗേ യുഗേ...

Recent in National