

ഒരാൾ വധുവിനെ വരിച്ചപ്പോൾ അപരൻ വിവാദങ്ങളെയാണ് വരിച്ചത്. വന്നു കയറി തലയിൽ ചൂടിച്ച വയ്യാവേലി എന്നു ഈ വൺലൈനർ ചുരുക്കാം.
സംവിധാനം ആരണ്ണാ?
ആരുടെ പേരു പറയണം ?
സംവിധാനം ഞാൻ. ഞാനാണ്.
ശരിയണ്ണാ.
സംവിധാനം ..ഞാൻ
പേരു പറയടാ  ശവീ...
സംവിധാനം: ആണ്ടിയിറക്കം സുകു.




വീട്ടിൽ മന:സമാധാനത്തോടെ ഒന്നു തലചായ്ക്കാൻ പോലും സമ്മതിക്കാതെയാണ്  പണി പാലും വെള്ളത്തിൽ  പാർസലായി  കടന്നു വന്നത്.  അതും യുവപ്രതിഭകളുടെ രൂപത്തിൽ.

സദാനന്ദന്റെ സമയം നന്നല്ല. കേതുവിന്റെ അപഹാരമുണ്ട്. മിത്ര ഭാവത്തിൽ കടന്നു വരുന്നവരെ സൂക്ഷിക്കണം. ഉറുക്കും നൂലും കരുതുന്നതിൽ തെറ്റില്ല.



നമ്മുടെ യുവ ഹീറോകൾ എവിടെ പരിപടി അവതരിപ്പിച്ചാലും  ഒന്നുകിൽ പണി വാങ്ങി കൂട്ടും. അല്ലെങ്കിൽ ആർക്കെങ്കിലും  പണി കൊടുക്കും. ഇതിലൊരു മാറ്റവുമില്ലല്ലോ.എന്റീശ്വരാ !

കടവന്ത്ര മിഷനിൽ പങ്കെടുത്ത  ജെൻസികളുടെ ഉച്ചകോടിയിൽ രാജ്യത്തെ യുവതയെ അടുത്ത തലത്തിൽ എത്തിക്കാനാണ് സഗൗരവം മൂന്നു മണിക്കൂർ ചർച്ചിച്ചത്. അഗ്നിയാകാൻ  സംഘടനയിൽ ചേരുക.ഇതാണ് പുതിയ ആഹ്വാനമെന്നും നമ്മുടെ മുത്തായ നേതാവ് പറയുന്നു.

ഈ ഉച്ചകോടിയുടെ അറ്റ ശിഷ്ടപത്രം നിലയ്ക്കാത്ത തെറിവിളികളും.ട്രോളുകളുടെ ട്രോഫികളായും മാറിയത് നിർഭാഗ്യകരം.മെഗാ സ്റ്റാറിന്റെ പ്രകടനങ്ങളെ കടത്തി വെട്ടു ന്നതായിരുന്നു ആക്രമണം.. ഇങ്ങനെ  വേണം  ഭാരതംഅറിയുന്ന  ഒരു സീനിയറായ ഭരത് അവാർഡ് ജേതാവിനെ ഉപചരിക്കാൻ. എന്തോ വരേണ്ടത് ഇങ്ങനെ തീർന്നു എന്ന് മഹാനടന് ആശ്വസിക്കാം.




മാധ്യമ പ്രവർത്തകയും നാല്പൊത്തമ്പതു കാരിയുമായ നിധീ റസ്ദാനാണ് വധു.
ഒരു നവയാത്രയ്ക്ക്  തുടക്കമായെന്ന് ഒമറും. സോദരാ അങ്ങനെ അതു ചെയ്തുവെന്ന് നിധിയും എക്സിൽ കുറിച്ചു.


മമ്മൂട്ടിക്കും ഒമറിനും നിധിക്കും പായലിനും പിന്നെ കണ്ടാലറിയുന്ന  ഈ സംരംഭങ്ങളിൽ പങ്കാളികളായ എല്ലാവർക്കും
രക്താഭിവാദ്യങ്ങൾ.!!! 

വടക്കൻ വീരഗാഥ - 2 പാർട്ട് 


രജനീകാന്ത് ഫാൻസ് എങ്ങിനെയൊക്കെ പെരുമാറുമെന്ന് ഊഹിക്കുന്നത് ജന്തർ മന്ദറിൽ രാഹുലിന്റെ നീക്കം അറിയുന്നതിനേക്കാൾ ബുദ്ധിമുട്ടുള്ള കാര്യമാണ്. രണ്ടും ഒരേ പോലെ കോമഡിയായി,കാണുന്ന മറ്റുള്ളവർക്കു തോന്നുമെങ്കിലും അവർ സീര്യസാണ്.

പാലഭിഷേകം, കട്ടൗട്ട്, ഡപ്പാംകൂത്ത്...ആ കെ അൽ ഗുൽത്തു തന്നെ.ഇക്കുറി പക്ഷേ അതുക്കും മേലേ ഒരു ഫാൻ വ്യത്യസ്തനായി. ജയിലർ സിനിമ കാണാൻ ആരോടും പറയാതെ, ആരെയും കൂട്ടാതെ, ഒറ്റയ്ക്ക് ഒരു ഷോ  ബുക്ക് ചെയ്ത് തിയേറ്ററിൽ പോയി സിനിമ കണ്ടുവന്നു. കൂട്ടുകാർ ചോദിച്ചാൽ പറയാൻ ഒരു പഞ്ച് ഡയലോഗ് പണ്ടേ അണ്ണൻ പഠിപ്പിച്ചത് കൈയിയുണ്ടല്ലോ: "ഏൻ വഴി തനി വഴി"
ഇതാണ് യഥാർത്ഥ തലൈവർ സ്റ്റൈൽ

.



'ജയിലർ' വലിയ വിജയത്തിലേക്ക് പോകാൻ കാരണമുണ്ട്. സംവിധായകൻ  നെൽസൺ  രജനിയെ ഡീ-ഏജ് ചെയ്ത് ചെറുപ്പമാക്കിയില്ല, പകരം പ്രായത്തിന്റെ ഗാംഭീര്യം തന്നെ മാസാക്കി.
മുത്തുവേൽ പാണ്ഡ്യൻ എന്ന റിട്ടയേർഡ് ജയിലർ - പതുങ്ങിയിരിക്കുന്ന കടുവ. ആദ്യ പകുതിയിലെ കൂൾ നർമ്മവും രണ്ടാം പകുതിയിലെ വയലന്റ് മോഡിലേക്കുള്ള മാറ്റവും തിയേറ്ററിൽ പൂരം തീർക്കുന്നു.

അനിരുദ്ധിന്റെ ബിജിഎം വരുമ്പോൾ, രജനി വെറുതെ നടന്നാൽ പോലും സ്ക്രീൻ കത്തും.ഇത് വെറും ഫാൻ സർവീസ് അല്ല. കഥയ്ക്കുള്ളിൽ നിൽക്കുന്ന സ്റ്റൈലാണ്. അതുകൊണ്ടാണ് ഫാമിലി പ്രേക്ഷകനും, മാസ് ഫാനും ഒരുപോലെ കയ്യടിക്കുന്നത്.



കാത്തുകാത്തിരുന്ന മലയാളികൾക്കു മുന്നിൽ സ്ക്രീനിൽ ഒരു കറുത്ത കാർ, കിടിലം ബിജിഎം. തിയേറ്ററിൽ മലയാളികൾ എഴുന്നേറ്റു നിന്ന് ആർപ്പുവിളിച്ചു "ലാലേട്ടൻ... ലാലേട്ടൻ.!"
ആ വിളിക്കും ഒരു സിഗാർ കൊളു ത്തലിനുമിടയിൽ കൈയ്യടിച്ച് കൊതി തീരും മുമ്പ് മാസ് എൻടി ഡിസെൻട്രിയായി. എങ്കിലും എന്റെ നെൽസാ.... പ്രത്യേതകളുള്ള എടുപ്പും നടപ്പുമെങ്കിലും അനിരുദ്ധിൽ ചാലിച്ച് ഒരിത്തിരിപ്പോരം കൂടി നീട്ടാമായിരുന്നു. അതിനിടെ ലാലേട്ടനായി അഭിനയിച്ചത് കോഴിക്കോടുകാരൻ മിമിക്രി താരം ജോബി കൊടകരയായിരുന്നുവെന്ന് ജോബി തന്നെയിട്ട ഫേസ് ബുക്ക് പോസ്റ്റ് വിവാദമായി. ലാലേട്ടനെ സിനിമയിൽ ആകെ കണ്ടത് ഏതാനും സെക്കൻഡുകൾ.അതു തന്നെ മറ്റൊരാളാണെന്ന്.... ഇതാണ് ഞങ്ങ പറഞ്ഞ കാമിയോ!



അതാണ് 'ജയിലറിന്റെ' വിജയരഹസ്യം. ഒരു ടൈഗറിന്റെ കഥ പറയാൻ ഒരു കാട് മുഴുവൻ മൃഗരാജാക്കന്മാരെ ഇറക്കി. ടൈഗർ മുത്തുവേൽ പാണ്ഡ്യൻ പറഞ്ഞതുപോലെ:
"ഇത് ടൈഗറിന്റെ ആട്ടമല്ല, ടൈഗറും കൂട്ടരും കൂടിയുള്ള ആട്ടമാണ്. ഇനി ഇത് വേറെ മാരി ഇരിക്കും."



എസ് ഐ ആറിൽ മുങ്ങാത്ത ജയിലർ 2



മലയാള ഭാഷയുടെ വന്ദ്യ മാതാവായ മനോ രഞ്ജിനി ഹരിദാസന്റെ വോട്ടു വെട്ടലിനെതിരെയുള്ള സമരത്തിൽ ഐക്യപ്പെട്ട് , പൊലീസ് നടപടികളെ ഭയങ്കരമായി പൊരിച്ചടുക്കി.. ബ്ലീറ്റ്സ് ക്രീഗ് എന്നു വിളിക്കാവുന്ന ഈ ആകാശാക്രമണം മോദി,ഷാ,ഗ്യാനേഷ് ത്രയത്തെ  പേടിപ്പിച്ചോ പീഢിപ്പിച്ചോ എന്നറിയാൻ  ഇനിയും  കാക്കണം.

പക്ഷേ മാതാ ശ്രീയുടെ വിലാപം വന്നതോടെ  സമ്മർദ്ദം താങ്ങാൻ ആവതില്ലാതെ ഗ്രീസ്,തുർക്കിയ, ബ്രസീലിയ തുടങ്ങിയ രാഷ്ട്രങ്ങളിലെ കമ്മ്യൂണിസ്റ്റു പാർട്ടികൾ അതായത്, അവിടങ്ങളിലെ പൊടിപോലുമില്ല കണ്ടു പിടിക്കാൻ എന്ന ടാഗ് ലൈനുള്ള അനിക്സ്പ്രേകൾ  ഇന്ത്യൻ സർക്കാരിനെ അറഞ്ചം പുറഞ്ചം ഭർസിച്ചു കൊണ്ട് കമ്പിയായും കമ്പിത ഗാത്രരായും ഭ്രമര സന്ദേശം അയച്ചു തള്ളിയതായി ദേശാഭിമാനി എന്ന സത്യനാദം  വിനയപൂർവ്വം നാലു കോളങ്ങളിലായി നമ്മെ അറിയിക്കുന്നു. സത്യവാചി. ഗീർന: ശ്രേയ:
ബംഗ്ലാദേശിലെ  പ്രജകൾ, പാറ്റകൾ ഉൾപ്പെടെയുള്ള എല്ലാ ബദരീങ്ങളുടെയും  ആഗ്രഹ പൂർത്തീകരണത്തിനായി സ്വലാത്തൂൽ ഹാജത്ത് നിസ്കാരവും  ദുവയും ചെയ്തതായും വാർത്തയുണ്ട്.ഭാരതത്തിന്റെ ശ്രേയസിനും പ്രേയസിനും  ബംഗ്ലാ സഹോദരങ്ങൾ ചെയ്യുന്ന ഈ ത്യാഗനിർഭരതകളെ  കാണാതെ പോകയോ ? നന്ദിയുള്ള ശമരിയക്കാരണവർ.!



യുഎൻ സെക്യൂരിറ്റി കൗൺസിൽ കമ്മിറ്റി ആപ്പിസിലെ പൂട്ടു പൊളിക്കാൻ കൈക്കോടാലിയും കമ്പിപ്പാരയുമായി പോയ ഇന്ത്യൻ നയതന്ത്രധീമാൻമാർക്ക്  ഈ ആകുലത പാരയാകുമോ എന്ന് അടുത്തൂൺ പറ്റിയ നയകോവിദരോട് ചോദിക്കണം. ഒരു അന്തി ചർച്ചയിൽ അങ്ങനെയും വധിക്കാം.



നാട്ടുകാർക്കും യാത്രികർക്കൂം സമരം തൊന്തരവായി..വ്യാപാരികളും കലിപ്പിലാണ്.അവരുടെ നഷ്ടം 2000 കോടി.സമര വേദി മാറ്റാൻ കോടതിയും പറഞ്ഞു. കോളടിച്ചതും ഗോളടിച്ചതും ബിജെപി. 140 കോടി ജനങ്ങളുടെ ജനവിധി 8000 മൊതലുകളെ കൊണ്ട് പൂട്ടിക്കുമോ എന്നു സർക്കാരും. ഇനി സമരം നവരാത്രി കഴിഞ്ഞ്.ടാറ്റാ..ബൈ ബൈ ..സീയു...







വേഷ്ടിയും കുപ്പായവൂം പലവുരു  ഉയർത്തി കാട്ടി മേലെ കൂടി പറന്നു പോകുന്ന അടികളെ ഏണിവച്ചു പിടിച്ച റഹീമിനും മോഹങ്ങളാണ് ഏറെയും.ജെയ്ക്കും ഒരു വെടിക്കുള്ള മരുന്നു സംഘടിപ്പിച്ചിട്ടുണ്ട്. മൊത്തം പീയാറാണ് ദില്ലിയിൽ ഫണം വിടർത്തിയത്.
മലയാളി സഗാക്കൾ വീഡിയോ ക്യാമറ കണ്ടാലേ നിരത്തിലിറങ്ങൂ. അതിനു മുന്നിലേ  സ്കിറ്റ് അവതരണം നടത്തൂ.

പാറ്റകളേ,  നിങ്ങളാണ്  ഈ കേരളാ നടന സംഘത്തിന്റെ  ഐശ്വര്യം! ആയുഷ്മാൻ ഭവ: ഞങ്ങൾ ഗതി പിടിക്കും വരെ.



എല്ലാം പീ ആർ മയം. 
കരുതലാണ്.
മാസപ്പടിയിൽ മറുപടി പറയാൻ വിളിക്കുമ്പോൾ കൈരളിയിൽ കാണിക്കാൻ കുറെ ഗുണ്ടുമണി ക്ലിപ്പുകൾ  വേണം.82 കാരന്റെ സമര വീര്യം!  അതു കലക്കി പൂശണം.
എത്ര നിസഹായവും ദൈന്യവും ദുരിതവുമാണ് വാർദ്ധക്യം എന്നു പിണറായി നമ്മോടു പറയാതെ പറയുന്നു.അതിൽ രാഷ്ട്രീയമില്ല .പച്ചയായ മനുഷ്യാവസ്ഥ മാത്രം! നിശബ്ദമായ നിലവിളികൾ മാത്റം.
പണ്ടത്തെ കൈകൊണ്ടുള്ള ഏക്ഷനുകളെല്ലാം നിഷ്ഫലമാകുന്ന നിമിഷം. എല്ലാം തകരുന്ന നിമിഷം!

യുദ്ധത്തിൽ എല്ലാവരെയും വീഴ്ത്തിയ അർജുനൻ യുദ്ധാനന്തരം  മിഴുമിഴാ നോക്കി നിൽക്കവേയാണ്  നരീന്തുകളായ കാട്ടളന്മാർ  കൃഷ്ണന്റെ ഗേൾLഫ്രണ്ട്സായ ഗോപസ്ത്രീകളെ തട്ടിക്കൊണ്ടു പോയത്. അമ്പ് പോയിട്ട് ഒരു കമ്പെടുക്കാൻ ആവതില്ലായിരുന്നു  അപ്പോൾ വില്ലാളി വീരന് !
ഗീതയുടെ പരാജയവും.ഗീതാകാരന്റെ വിജയവും.  അതാണ് മാരാർ പറഞ്ഞത്

ഇങ്ങനെ യൊക്കെ പറയാമോ?
നാളേം നമുക്കു കാണണ്ടേ
എന്റമ്മ ചുട്ടൊരു വെള്ളപ്പം
മുട്ടേം കൂട്ടി തട്ടീട്ട്
നാണമില്ലേ ഇങ്ങനെ പറയാൻ?


യൂ ടൂ ബ്രിട്ടൂസ്....

ഗൾഫിലേക്ക് ഉപജീവനത്തിനായി മലയാളി ചേക്കേറിത്തുടങ്ങിയ കാലത്ത് ഹിറ്റാവുകയും എത്രയോ കാലം പ്രവാസ ദുഃഖം പേറി ഭാര്യാ ഭർത്താക്കൻമാരുടെ ഹൃദയത്തിൽ നൊമ്പരം നിറയ്ക്കുകയും ചെയ്ത പാട്ടിന്റെ പല്ലവിയാണ്. കത്തുപാട്ട് എന്ന പേരിലാണ് ഇത് പ്രസിദ്ധമായത്.

വാർത്താ വിനിമയ സംവിധാനമൊന്നും ഇന്നത്തേതു പോലെ പുരോഗമിച്ചിട്ടില്ലാത്ത കാലം... 
'എഴുതുകയല്ലാതെ വേറെന്ത് വഴിയുണ്ട് 'എന്നത് വസ്തുതയായിരുന്ന ആ കാലത്ത് കത്തെഴുതിയെഴുതി എത്ര രാത്രികൾ പകലുകളും, പകലുകൾ രാത്രികളുമാക്കിയിരിക്കുന്നു അന്നത്തെ മനുഷ്യർ.



പാർലമെന്റിൽ ചോദ്യങ്ങൾ ചോദിച്ചു പോയാൽ നാട്ടാരെ മുഴുവൻ വിളിച്ച് ലൈവായി കാണിച്ച് മൻകി ബാത്ത് നടത്തിക്കളയും മോദിയും അമിഠ് ഷാ ജിയും. അന്നും പിറ്റേന്നും അതാവും പ്രധാന വാർത്ത. പിന്നെന്ത് വഴി. തലങ്ങും വിലങ്ങും  കത്തുകളെഴുതുക തന്നെ.



ചുരുക്കത്തിൽ, തിരഞ്ഞെടുപ്പ് കമ്മീഷനോട് പറയേണ്ട കാര്യങ്ങൾ, കോടതിയോട് കത്തിലൂടെ പറയാൻ തീരുമാനിച്ചു.

ചീഫ് ജസ്റ്റിസും മറുകത്ത് എഴുതി. വളരെ ഗൗരവത്തോടെ, നിയമത്തിന്റെ പ്രണയഭരിതമല്ലാത്ത ഭാഷയിൽ: ഇത് ജുഡീഷ്യൽ മര്യാദയ്ക്ക് ചേർന്നതല്ല...' കോടതിയിൽ സമാന വിഷയങ്ങൾ  പരിഗണനയിലിരിക്കേ നേരിൽക്കണ്ട് വർത്തമാനം പറയാൻ പറ്റില്ല:  ചീഫ് ജസ്റ്റിസ് അറിയിച്ചു.



ജനാധിപത്യ സംവിധാനത്തിൽ ലെജിസ്ലേച്ചറിനും എക്സിക്യൂട്ടിവിനും
ജുഡീഷ്യറിക്കും വ്യക്തമായ അധികാര വിഭജനം ഭരണഘടന ഉറപ്പു വരുത്തിയിട്ടുണ്ട്. ഏത് നീതികേടുകളും ജനപ്രതിനിധി സഭകളിൽ ചോദ്യം ചെയ്യാൻ ജനപ്രതിനിധികൾക്ക് അവകാശമുണ്ട്. കോടതിയിൽ പോകേണ്ടത് വ്യവഹാരങ്ങളുമായാണ്. കത്തെഴുതി പോക്കറ്റിലിട്ടുകൊണ്ടല്ല.. ഇത് കോൺഗ്രസ്സിന് അറിവില്ലെങ്കിൽ പറഞ്ഞു കൊടുക്കേണ്ട സിപിഎം പോലുള്ള കക്ഷികൾ മുണ്ടുമാടിക്കുത്തി രാഹുലിനു പിന്നാലെ തേരാപ്പാര നടക്കുകയാണ്.



കേരളപ്പിറവി ദിവസമായതിനാൽ അന്ന് പൊട്ടിക്കാൻ വേറിട്ട ചില പടക്കങ്ങൾ പൂഴിക്കുന്നിൽ നിന്നും കൊണ്ടുവരാൻ ഇല്ലീഗൽ സി.എം സതീശൻജിക്ക് നിർദേശം നൽകിയിട്ടുണ്ട്.

സരി... തലൈവർകളേ....
അന്നേക്ക് പാർക്കലാം....



കത്തു പാർട്ടികൾ







പ്രതിപക്ഷ നിരയിലെ പരിചയ സമ്പന്നരായ ചില  കടൽ കിഴവന്മാരെ പോലെയല്ല രാജ്യത്തെ ജെൻസികൾ. കുടുംബത്തിൽ പിറന്നവരാണവർ. തെറി പറയുന്നത് മര്യാദയും മാന്യതയും അല്ലെന്ന് ഇവരെ ആരും പഠിപ്പിക്കേണ്ടതില്ല.   അതുകൊണ്ടാണ്  മോദിയെ പറയാനുള്ള തെറികളെല്ലാം പ്ലക്കാർഡുകളിലെഴുതിയാണ് രാജ്യത്തെ  ജെൻസികൾ  പ്രദർശിപ്പിച്ചത്. 'ഭവാൻ ശിരസ്സു പിളർന്ന് അന്തരിക്കണേ' എന്ന മട്ടിലുള്ള ന്യൂജെൻ മര്യാദ !

മാന്യതയും മര്യാദയും മനസ്സിലാക്കണമെങ്കിൽ കേരളത്തിൽ പിറക്കണം.  ഇടതുപക്ഷ മനസ്സോടെ ജീവിക്കണം.  ഇളേതുകളും മൂത്തതുകളും ഒന്നിച്ച് ഒന്നായി കൈ കോർത്ത്   ജന്തർ മന്തറിൽ അരങ്ങേറുന്ന ‘ഗാന്ധിയൻ‘രീതിയിലെ സമാധാന സമരം നമ്മൾ കൺകുളിർക്കെ കാണുകയാണല്ലോ.ഇതാണല്ലോ ഗാന്ധിയൻ സമരമുറ എന്നോർത്ത്  വരുംകാല ജെൻസികൾ കുളിരുകോരുന്നുണ്ടാവണം. 

നേപ്പാളിലും ബംഗ്ലാദേശിലും ശ്രീലങ്കയിലും യുഎസിലും ജർമ്മനിയിലും ഫ്രാൻസിലും നടന്നതും നടക്കുന്നതുമായ സമരങ്ങളുടെ തനിപ്പകർപ്പാണ് ഇവിടെയും.    
നിയമപാലകരുടെ യൂണിഫോം  വലിച്ചുകീറാനും അവർക്കിട്ട് തെറി പറയാനും  ഹാ എന്തൊരു രസം! ജെൻസികളെ സമ്മതിക്കണം. ബുദ്ധി രാക്ഷസന്മാരാണവർ. പ്രതിഷേധത്തിനിടയിൽ മന:പ്പൂർവ്വമല്ലെങ്കിൽ കൂടി വസ്ത്രാക്ഷേപ സാധ്യത മുന്നിൽ കണ്ടവരാണ് ജെൻസികൾ . എങ്കിൽപ്പിന്നെ അതൊന്നു കണ്ടിട്ടു തന്നെ എന്ന് കരുതിയാവണം അൽപ വസ്ത്രധാരികളായി വിചിത്ര രൂപം പൂണ്ട്  മിടുക്കന്മാരും മിടുക്കികളുമായ ജൻസികൾ ജന്തർ മന്തറിൽ അലഞ്ഞു നടക്കുന്നത്.സ്വിമ്മിംഗ് സ്യൂട്ട് വാങ്ങാൻ സാധിക്കാത്ത പാവം ചില പാറ്റകൾ അത്ര പോലും  വസ്ത്രം അണിഞ്ഞല്ല എത്തിയത്. പോലീസിന്റെ ഗംഭീര യൂണിഫോം കണ്ട് അവർക്ക് അസൂയ വന്നില്ലെങ്കിലല്ലേ അത്ഭുതമുള്ളൂ. വാക്കും നാക്കും കൊണ്ട് അവർ പോലീസിനെ  ചൊറിഞ്ഞു. ഗതികെട്ട പോലീസ് അവർക്ക് മേൽ കേറി മേഞ്ഞു.  

ഇതായിരുന്നില്ല മുതിർന്ന നേതാക്കളുടെ അവസ്ഥ. . ചേരുംപടി ചേർന്ന വസ്ത്രങ്ങൾ അണിഞ്ഞെത്തിയ മുതിർന്നവരുടെ  ഉടയാടകൾ പോലീസുമായുള്ള അടിപിടിക്കിടയിൽ ജെൻസികളുടേതുപോലെയായി.  കാഴ്ചയിലെങ്കിലും സംഭവം സമം സമം.
 




രാജ്യം കത്തിത്തുടങ്ങി, രാജ്യം അരാജകത്വത്തിൽ , ജനാധിപത്യം അപകടത്തിൽ, ലോകരാജ്യങ്ങൾ ഇടപെടണം എന്നൊക്കെ എഴുതിയും പറഞ്ഞും അപൂർവ്വം ചില മാധ്യമ ശിങ്കങ്ങൾ നിലവിളിക്കുന്നുണ്ട് .  രക്തസാക്ഷികളെ സൃഷ്ടിച്ചേ മതിയാവൂ എന്ന ചിന്ത ഇവരിൽ ചിലർക്ക് ഉണ്ടായിക്കാണണം. 
വാർദ്ധക്യത്തിലും രാജ്യത്തെ രക്ഷിച്ചേ അടങ്ങൂ എന്ന പ്രതിജ്ഞയെടുത്ത പ്രതിപക്ഷ നിരയിലെ മുതു കിളവന്മാർ  അടികൊണ്ട് കരയുന്ന കാഴ്ച.  കഠിനമായ ചൂടിൽ  തെരുവീഥികളിൽ പ്രതിഷേധത്തിനിറങ്ങിയവരെ പോലീസ് പിടിച്ച് വാനിൽ കയറ്റി സൗജന്യമായി ദില്ലി ചുറ്റിക്കാണിച്ചതിലാണ് ഇവർക്ക് പരാതി. വരുന്നവർക്ക് ഒരു വിനോദമായിക്കോട്ടെ എന്നു കരുതി ചെയ്തതാണ്. ദില്ലിയിൽ ഇത്രമാത്രം ചെങ്കോട്ടകളും ജന്തർ മന്ദിറും പാർലമെന്റും സുപ്രീം കോടതിയുമൊക്കെയുണ്ടെന്ന് പിണറായിയും ബാലഗോപാലും ബ്രിട്ടാസും പോലുമറിയുന്നത് ഇപ്പോഴാണ്. അത് പരാതിയായപ്പോൾ  നേതാക്കളെ പോലീസ്  വാനിൽ നിന്ന്  കാരുണ്യത്തോടെ വഴിയിലിറക്കി.  അതും പരാതി. 

സമരക്കക്കാർ സുഖ ചികിത്സ കൂടി പ്രതീക്ഷിച്ചാണ് എത്തുന്നത് എന്ന് ആരറിഞ്ഞു!  അല്ലെങ്കിൽ പിന്നെ ഇവരിൽ ചിലർ വിദേശത്ത് നോക്കി കരയുമായിരുന്നോ. അടി കൊണ്ടതായി ഗംഭീരമായി അഭിനയിക്കുമായിരുന്നോ.

 ബാരിക്കേഡിൽ സമാധാനപരമായി എങ്ങിനെ കയറാം എന്ന് മാതൃക കാട്ടിയ രാഹുലാണ് അവർക്ക് ഊർജ്ജം. ആകാശവാണിയുടെ ആൽമരച്ചോട്ടിലിരുന്ന് ഊർജ്ജപാനീയം കുടിക്കുന്ന രാജ്യത്തെ പ്രതിപക്ഷ നേതാവിലാണ് ഇടതുപക്ഷത്തിന്റെ ഇപ്പോഴത്തെ പ്രതീക്ഷ . പെൺ പോലീസിനെ പോലും നേരിടാനുള്ള  വൈഭവവും  നിയമപാലകരുടെ നെഞ്ചാമുടിയിൽ  
കൈമുട്ടു കയറ്റി അവരെ എങ്ങനെ പ്രതിരോധത്തിലാക്കാം എന്ന് പഠിപ്പിച്ചു തരാനുള്ള മര്യാദയുമുള്ള പക്വമതിയായ പ്രതിപക്ഷ നേതാവിനെയും  സഹോദരിയെയും ഓർത്ത് രാജ്യം കാലങ്ങളോളം ഉൾപ്പുളകം കൊള്ളണം. 



കേരളത്തിലേതുപോലെ വെള്ളം ചീറ്റലിൽ ഡൽഹി പോലീസിന് വിശ്വാസമില്ല. മുന്തിയ ഇനക്കാർക്ക് അതേ നാണയത്തിലെ മാന്യമായ മറുപടി അതാണ് അവരുടെ നിലപാട്. 

ജനങ്ങളുടെ സ്വൈര്യ ജീവിതം തടസ്സപ്പെടുത്തുന്നതിന്റെ പാപഭാരം കഴുകി കളയാൻ സമരം ചെയ്യുന്നവർ തന്നെ കോടതിയെ സമീപിക്കുന്ന കാഴ്ച . പോലീസിനെ ആക്രമിക്കുക പിന്നീട് ആരാധനാലയങ്ങളിലേക്ക് അവരുടെ അനുവാദമില്ലാതെ ഓടിക്കയറുക. തുമ്മുന്ന സമയം കൊണ്ട് മുങ്ങുന്നവരെ പിടിക്കാനാണെങ്കിൽ കൂടി
ആരാധനാലയത്തിൽ ചെരിപ്പിട്ട്
കയറിയതിന്റെ പേരിൽ പോലീസിപ്പോൾ പ്രതിസ്ഥാനത്താണ്. 




 വിപരീത വിധി വന്നാൽ  ചീഫ് ജസ്റ്റിസും കോടതിയും പോലും പ്രക്ഷോഭത്തിലൂടെ പുറക്കാക്കപ്പെണമെന്ന ആഗ്രഹം ആരാണ് പ്രതിപക്ഷ മനസ്സിൽ കുത്തിവയ്ക്കുന്നതെന്ന് അറിയാനിരിക്കുന്നതേയുള്ളൂ. 
ഒക്കെ സഹിക്കാൻ 14കോടിയിൽ പരം ജനങ്ങളുടെ ജീവിതം ഇനിയും ബാക്കി .

സംഘപരിവാർ ആശയങ്ങളോടുള്ള അടക്കാത്ത അസഹിഷ്ണുതയും ഭാരതത്തിന്റെ പ്രധാനമന്ത്രി എന്ന അമൂല്യ പദവി സ്വപ്നം കാണുന്നതും മനസ്സിലാക്കാം.  ജനാധിപത്യ പരീക്ഷണത്തിൽ സ്വന്തം കഴിവുകേടുകൾ കൊണ്ട് നിരന്തരമായി തോറ്റു തുന്നം പാടിയവരുടെ കൂട്ടായ്മ   സമാന ചിന്താഗതിക്കാരായ ദേശ വിദേശ ശക്തികളുടെ അനുഗ്രഹാശംസകളോടെ ഭരണഘടന സ്ഥാനങ്ങളിലും പാർലമെന്റിലും കോടതികളിലും വിശ്വാസമില്ല എന്ന് നിലവിളിച്ച് അവിടങ്ങളിലേക്ക് കടന്നു കയറി കലാപത്തിന്റെ കെടാവിളക്ക് കൊളുത്തി വയ്ക്കുന്നതും  അതിനെതിരെ  കടുത്ത കരുതൽ നടപടികളെടുക്കാതെ ഭരണകൂടം കയ്യുംകെട്ടി നിൽക്കണം എന്ന് ആവർത്തിക്കുന്നതും പരിഹാസ്യമാണ് എന്നു മാത്രമേ പറയാനാവൂ. 


ജന്തർമന്തർ ഗാന്ധിയും ജെൻസി നാടകങ്ങളും





ഈതർ തരംഗം എന്ന് കേട്ട് വായനക്കാർ പരിഭ്രമിച്ച് ശബ്ദതാരാവലിയോ നിഘണ്ടുവോ തപ്പാൻ ഓടേണ്ടതില്ല. പണ്ട് പുരാണങ്ങളിലൂടെ ദേവന്മാർ ആകാശവാണി മുഴക്കിയതുപോലെ, ഇന്ന് മനുഷ്യർ വാട്സാപ്പ് കോളും വീഡിയോയും പറത്തിവിടുന്ന ആ ശൂന്യതയിലെ അദൃശ്യ പാതകളെയാണ് സായിപ്പിന്റെ ശാസ്ത്രം 'ഈതർ' എന്നും, ശാസ്ത്രി ഭവനിലെ ഫയലുകൾ 'സ്പെക്ട്രം' എന്നും വിളിക്കുന്നത്. അതായത്, ആർക്കും കാണാൻ പറ്റാത്ത ആകാശത്തിന് കോടികൾ വിലയിട്ട് അളന്നുവിൽക്കുന്ന സർക്കാരിന്റെ മാന്ത്രിക വിദ്യ!

തത്വചിന്ത അവിടെ നിൽക്കട്ടെ, ആരും എങ്ങോട്ടും പോയിക്കളയരുത്, നമ്മുടെ കഥയുടെ തിരി കൊളുത്തുന്നത് കൃത്യമായി ഈ ബിന്ദുവിലാണ്! വാഷിംഗ്ടണിലെ ഉപഗ്രഹങ്ങൾ വിറച്ചുനിൽക്കുന്ന ടെലികോം ഭവന്റെ തണുത്ത ഇടനാഴിയിലേക്ക് ക്യാമറ തിരിക്കൂ. അവിടെ ഇലോൺ മസ്കിന്റെ മുന്നിൽ പ്യൂൺ കുമാരൻ നായർ ചുവപ്പുനാട മുറുക്കി, കണ്ണട മൂക്കിൻതുമ്പിലേക്ക് താഴ്ത്തി കട്ടായം പറയുകയാണ്:

“ഗസറ്റഡ് ഓഫീസർ അറ്റസ്റ്റ് ചെയ്ത മൂന്ന് കോപ്പി തിരിച്ചറിയൽ കാർഡും റേഷൻ കാർഡും കൊണ്ടുവരൂ സായിപ്പേ, ശേഷം ഓർബിറ്റൽ അനുമതി ആലോചിക്കാം!”

ക്ഷമ കെട്ട മസ്ക് എക്സ്-പലകയിൽ വിരലമർത്തി വെടിപൊട്ടിച്ചു:

“165 രാജ്യത്ത് ഞാൻ കാറ്റും വെളിച്ചവും പോലെ പാറിനടക്കുന്നു. ഇവിടെ മാത്രം എന്തിനീ തടസ്സം? അംബാനിയാണോ ഇന്ത്യയിലെ ഒറിജിനൽ സുൽത്താൻ?”



അന്താരാഷ്ട്ര മുതലാളിയുടെ വിനീതഭാവത്തിൽ മസ്ക് ഉടൻ കൈകൂപ്പി: “താങ്ക് യു രാഹുൽ, ദിസ് ഈസ് ഇൻഡീഡ് ട്രബിളിംഗ്!”

ഇവിടെ കഥാകാരൻ വായനക്കാരന്റെ തോളിൽ മൃദുവായി ഒന്ന് തട്ടി, രഹസ്യമായി കാതിലേക്ക് ചുണ്ടുചേർക്കുന്നു—തമാശയല്ല, തനി കാര്യമാണ്.

പണ്ട് സൂറത്ത് തുറമുഖത്തെ കുരുമുളകിന് അനുമതി തേടി തോമസ് റോ, മുഗൾ ദർബാറിൽ കൈകെട്ടി നിന്നപ്പോൾ നമ്മുടെ നാട്ടുരാജാക്കന്മാർ കരുതിയത് വെറുമൊരു കച്ചവടക്കാരൻ വന്നെന്നാണ്. ഒടുവിൽ പണികിട്ടിയതോ ഇരുന്നൂറ് കൊല്ലത്തെ അടിമത്തം. ഇന്നിവിടെ നടക്കുന്നത് ആധുനിക ഡിജിറ്റൽ ഈസ്റ്റ് ഇന്ത്യാ കമ്പനി പരീക്ഷണം തന്നെ.

സാങ്കേതികമായി കാര്യം ലളിതമാണ്: പണ്ട് 2G വിധി ഓർമ്മിപ്പിച്ച ആകാശ ലേലത്തിൽ ഇന്ത്യൻ കമ്പനികൾ പതിനായിരക്കണക്കിന് കോടികൾ ഒഴുക്കിയപ്പോൾ, മസ്കിന് വേണ്ടത് ലേലമില്ലാത്ത നേരിട്ടുള്ള പങ്കുവെക്കൽ! ഖജനാവിന് കാശുകിട്ടുന്ന ലേലവഴിയെ വെട്ടിച്ച് സായിപ്പ് സൗജന്യ പാസ് തേടുമ്പോൾ, കോർപ്പറേറ്റ് കൊള്ളയ്‌ക്കെതിരെ സോഷ്യലിസം പ്രസംഗിച്ച അതേ യുവരാജാവ് ഈ പരദേശിക്ക് വാതിൽ തുറന്നുകൊടുക്കുന്നതിലാണ് കാലത്തിന്റെ ഫലിതം!



കവലയിലെ ചായക്കടയിൽ മുപ്പത്തഞ്ചു ഡിഗ്രി ചൂടുള്ള പരിപ്പുവട കറുമുറാ തിന്നുകൊണ്ടിരുന്ന കാർത്ത്യായനിയമ്മ ഇതുകേട്ട് മൂക്കത്തു വിരൽവെച്ചു:

"അല്ലാ ബാലാ, ഇന്നലെവരെ നമ്മുടെ നാട്ടിലെ മുതലാളിമാരെ തെരുവിൽ നിർത്തി ചാട്ടവാറിനടിച്ച ഈ കുമാരൻ തന്നെയല്ലേ ഇപ്പോൾ ടെക്സസിലെ വെളുത്ത മുതലാളിയുടെ പെട്ടിക്ക് കാവൽനിൽക്കുന്നത്? നമ്മുടെ നാട്ടിലെ പാവം അദാനി-അംബാനിമാർ കാശുണ്ടാക്കിയാൽ അത് കോർപ്പറേറ്റ് കൊള്ള; അമേരിക്കൻ സായിപ്പ് ആകാശത്ത് സാറ്റലൈറ്റ് തൂക്കി കോടികൾ വാരിയാൽ അത് അന്താരാഷ്ട്ര വിപ്ലവം! ആഹാ, സോഷ്യലിസത്തിന്റെ ഒരു വെറൈറ്റി വ്യാകരണം!"

രാഹുലിന്റെ എക്സ് പോസ്റ്റ് കണ്ടതും വൈറ്റ് ഹൗസിലെ ചാരുബഞ്ചിൽ ചാരിക്കിടന്ന സാക്ഷാൽ ട്രംപ് അപ്പൂപ്പൻ്റെ ഓറഞ്ച് നിറമുള്ള പുരിക ദ്വയം ദക്ഷയാഗം ആട്ടക്കഥയിലെ പരമശിവൻ്റേതു പോലെ വളഞ്ഞു നിന്നു. മസ്ക് കുഞ്ഞിന്റെ സങ്കടം കേട്ട് സഹിക്കവയ്യാതെ ട്രംപ് മേശപ്പുറത്തിരുന്ന ബിഗ് മാക്കിൽ കടിച്ചുതുപ്പി ആക്രോശിച്ചു:

“എന്റെ മസ്കിന് സാറ്റലൈറ്റ് കെട്ടാൻ സൂചികുത്താനുള്ള ആകാശം പോലും കൊടുക്കില്ലെന്നോ? എങ്കിൽ പാമ്പിന്റെ തല വെട്ടുക തന്നെ!”

ക്രോധം പ്രഭോ സംഹര സംഹരേതി യാവദ്ഗിരഃ ഖേ മരുതാം ചരന്തി । താവത്സ വഹ്നിർഭവനേത്രജന്മാ ഭസ്മാവശേഷം മദനം ചകാര ॥

കുമാരസംഭവത്തിൻ്റെ അതേ ബാക്ക് ഡ്രോപ്പിൽ
ട്രംപ് പേന ചലിപ്പിച്ചു: ഇന്ത്യയിലെ ഇൻഫോസിസും ടി.സി.എസും വിപ്രോയും അമേരിക്കൻ മണ്ണിൽ പണി നിർത്തി പെട്ടിയും കിടക്കയും എടുത്ത് നാട്ടിലേക്ക് വിടണം! ആരവിടെ..! എച്ച്-1ബി വിസകൾ മണിച്ചിത്ര താഴിട്ടു പൂട്ടട്ടെ. ഗ്രീൻ കാർഡിന്റെ ലേബർ സർട്ടിഫിക്കേഷൻ മരവിപ്പിക്കട്ടെ.



തെക്കേ ഇന്ത്യയിലെ സോഫ്റ്റ്‌വെയർ പാളയത്തിൽ നിരാശയും സന്തോഷവും ഇടകലർന്ന ഈ പുകില് നടക്കുമ്പോൾ, അറബിക്കടലിന്റെ തീരത്ത് മറ്റൊരു കൗടില്യൻ ശാന്തമായൊരു നീക്കം നടത്തുകയായിരുന്നു. ബാംഗ്ലൂരിലെ എൻജിനീയർമാർ ലാപ്‌ടോപ്പ് പൂട്ടി അഞ്ച് മണിക്ക് വീട്ടിലോട്ട് വെച്ചുപിടിച്ചപ്പോൾ, മുംബൈയിലെ അന്റീലിയയുടെ മുപ്പത്തിയേഴാം നിലയിലെ വെൽവെറ്റ് സോഫയിലിരുന്ന് സാക്ഷാൽ മുകേഷ് ഭായ് ഇളം ചൂടുള്ള ഫഫ്ടാ ചവച്ചരച്ച് ആകാശത്തേക്ക് നോക്കി പതിയെ ചിരിച്ചു. പിന്നെ അൽപം ഉച്ചത്തിൽ ആത്മഗതം പൂണ്ടു.



ആത്മഗതം പിൻവലിച്ച് മുകേഷ് ഭായ്, ഇലോൺ സായിപ്പിനെ മനസ്സിൽ നിരൂപിച്ച് ഒരു യമണ്ടൻ തിരുവാമൊഴി ഹിന്ദിയിൽ പൊഴിച്ചു:
“ഹേ ഇലോൺ, നിന്റെ കീശയിൽ ഡോളറും ആകാശംനിറയെ സാറ്റലൈറ്റുകളുമുണ്ടെന്ന് കരുതി ഇവിടെയൊന്നും നടക്കില്ല. ആഗോള ചട്ടങ്ങൾ നിരത്തി പിൻവാതിലിലൂടെ സ്പെക്ട്രം സൗജന്യമാക്കാമെന്ന് പുളിക്കേണ്ട. ദൽഹി ദർബാറിലെ ചുവപ്പുനാടയുടെ ഊരാക്കുടുക്കഴിക്കാൻ ഒരു നാടൻ മിർ ജാഫറുടെ വെളുത്ത ടി-ഷർട്ടിൽ തൂങ്ങിയതാണ് നിനക്കു പറ്റിയ അബദ്ധം!
അതിലുമപ്പുറം, സായിപ്പേ, നിന്റെ ആ പഴയ സ്വഭാവം രാജ്യം മറന്നിട്ടില്ല. അങ്ങ് ഉക്രെയ്ൻ യുദ്ധഭൂമിയിൽ റഷ്യൻ പീരങ്കികൾ ഗർജ്ജിച്ചപ്പോൾ ഒരു പരപരാ വെളുപ്പിന് നീ സാറ്റലൈറ്റിന്റെ പ്ലഗ് ഊരി കൈകഴുകിയ അന്താരാഷ്ട്ര അഭ്യാസം ഞങ്ങൾ കണ്ടതാണ്! നാളെയൊരു അതിർത്തിത്തർക്കം വരുമ്പോൾ രാജ്യത്തിന്റെ സാങ്കേതിക ഞരമ്പുകൾ നിന്റെ മൂഡിനൊത്ത് സ്വിച്ച് ഓഫ് ചെയ്യുന്നതിന് വിട്ടുതരാൻ ഇത് വാഴക്കാ റിപ്പബ്ലിക്കല്ല. ഇത് ഭാരതമാണ്; സ്പെക്ട്രം തടയണമെങ്കിൽ നാട്ടിലെ ചട്ടപ്പടി ലേലപ്പലകയിൽ വന്ന് കുന്തിച്ചിരിക്കണം. കുറുക്കുവഴി നോക്കിയാൽ ഗഗനമാർഗ്ഗേ തന്നെ നിന്റെ ഫ്രീക്വൻസി ജാമാകും മോനേ!”
അങ്ങനെ ആകാശത്തിന്റെ അതിരുകളിൽ അതികായന്മാർ സാറ്റലൈറ്റും ഈതർ തരംഗങ്ങളും കൊണ്ട് ചെസ്സ് കളിക്കുമ്പോൾ, ഭൂമിയിലെ സാധാരണക്കാരന്റെ കാര്യം തികച്ചും വ്യത്യസ്തമായിരുന്നു.
അപ്പുറത്ത് ബാലൻ നായരുടെ ചായപ്പീടികയിൽ, നമ്മുടെ സ്വന്തം 5G-യുടെ സൂപ്പർഫാസ്റ്റ് വേഗതയിൽ യൂട്യൂബിൽ മെഗാസീരിയൽ കണ്ടുകൊണ്ടിരുന്ന കാർത്ത്യായനിയമ്മ പൊടുന്നനെ വിഷണ്ണയായി. സീരിയൽ അമ്മായിയമ്മ മരുമകൾക്ക് വിഷം കൊടുക്കാൻ പോകുന്ന നിർണായക നിമിഷത്തിൽ ആസ്ട്രോടോക്ക് പരസ്യം ചാടിവീണത് സഹിക്കാനാവാതെ വാർദ്ധക്യ സഹജമായ കോപാന്ധതയിൽ മൊഴിഞ്ഞു:
"അല്ലാ ബാലാ, നാട്ടിലെ 5G-യിൽ പടം റോക്കറ്റ് പോലെ ഓടുമ്പോഴാണ് സായിപ്പും കൊച്ചുകുമാരനും ആകാശത്ത് സാറ്റലൈറ്റ് തൂക്കാൻ നടക്കുന്നത്! കയ്യിലിരിക്കുന്ന ഫോണിൽ ഒരു കൊലപാതകം സ്വസ്ഥമായി കണ്ടുതീർക്കാൻ സമ്മതിക്കാതെ ഇടയിലേക്ക് ചാടിവീഴുന്ന ഈ ആസ്ട്രോടോക്ക് പരസ്യം നിർത്തിത്തരാൻ ആ രാഹുലിനോട് പോയി പറയ്! അതൊന്ന് ബ്ലോക്കാക്കി തന്നാൽ അടുത്ത തെരഞ്ഞെടുപ്പിൽ പുള്ളിയുടെ യോഗം ആസ്ട്രോടോക്കിലെ ജ്യോത്സ്യന്മാരെക്കൊണ്ട് ഞാൻ ഫ്രീയായിട്ട് പ്രവചിപ്പിച്ചു കൊടുക്കാം!"



Recent in National