കൈരളി ചാനലിൽ സുമുഖനായ വാർത്താവാദകൻ(പേരറിയില്ല.സോറീഡാ) വിഷയത്തിന്റെ ഗൗരവത്തിലേക്ക് പൂണ്ടിറങ്ങി ഹൈ ഡെസിബെല്ലിൽ തകർക്കുകയാണ്.കോൺഗ്രസിനെ വറുത്തു കോരുകയാണ്.പെറ്റതള്ള പോലും സഹിക്കാത്ത വിധം.. കോൺഗ്രസിന്റെ പോക്കിൽ അവർ ഖിന്നരാണ്. പീഡിതരും ദു:ഖിതരുമാണ്... പിഡിഎഫാണ് ! വാദനത്തിടയിൽ ഇതു മതിയോ എന്ന് ന്യൂസ് എഡിറ്ററെ പാളി നോക്കുന്നതും ഒരു ദോഷൈക ദൃക്കിനു കാണാം. അല്ലേലും ക്ഷീരമുള്ള മിൽമാ പാക്കിലും ചോര തന്നെ പാർട്ടി വിരുദ്ധർക്ക് കൗതുകം! പറഞ്ഞിട്ട് ഒരു കാര്യവുമില്ല.ശാസ്ത്രീയ സോഷ്യലിസം കൊണ്ടുവരാൻ ആഞ്ഞു പിടിക്കമ്പോൾ വർഗ ശത്രുക്കൾ ആഭിചാരവും വെടിവഴിപാടും നടത്തി അതൊക്കെ തകർക്കുകയല്ലേ ഭഗവാൻമാരേ. സത്യം വദ: ധർമം ചര: എന്ന തത്വം മുറുകെ പിടിച്ച് മഹാരഥികളുടെ വഴിത്താരയിൽ മുന്നേറുന്ന ഒരു ജനതയുടെ ആത്മാവിഷ്കാരമേ, സത്യത്തിരു ശെൻവനേ.. വാഴ്ക നീ !വെൽക നീ!.