റിപ്പോർട്ടിൽ ഉപയോഗിച്ചിരിക്കുന്ന ചിത്രങ്ങളിലൊ ന്നിൽ, "2025 മെയ് 7 ന് ദക്ഷിണ കശ്മീരിലെ വുയാൻ പാംപോറിൽ തകർന്നുവീണ ഇന്ത്യൻ വ്യോമസേനയുടെ യുദ്ധ വിമാനത്തിന്റെ അവശിഷ്ടങ്ങൾ" എന്ന അടിക്കുറിപ്പ് ഉണ്ടായിരുന്നു. മറ്റൊരു ചിത്രത്തിന്റെ അടിക്കുറിപ്പ് ഇങ്ങനെയാണ്, "2025 മെയ് 7 ന് ജമ്മുവിന്റെ പ്രാന്ത പ്രദേശത്തുള്ള അഖ്‌നൂറിനടുത്തുള്ള ഒരു വിമാനത്തിന്റെ അവശിഷ്ടങ്ങളിൽ നിന്ന് ഉയർന്നുവരുന്ന പുക അഗ്നിശമന സേനാംഗങ്ങൾ നിർമാർജനം ചെയ്യുന്നു. " പക്ഷേ, അത്തരമൊരു സംഭവം നടന്നിട്ടില്ല, ഹിന്ദു റിപ്പോർട്ട് പൂർണ്ണമായും അടിസ്ഥാന രഹിതമായിരുന്നു. അവർ പ്രസിദ്ധീകരിച്ച ചിത്രങ്ങളെ കുറിച്ചുള്ള ഒരു പഠനം കാണിക്കുന്നത് നിലത്ത് ഇടിച്ച വസ്തു യഥാർത്ഥത്തിൽ ഒരു ബാഹ്യ ഇന്ധന ടാങ്കാണ്, യുദ്ധവിമാനമല്ല എന്നാണ്. ദീർഘദൂര ദൗത്യങ്ങളിലുള്ള യുദ്ധവിമാനങ്ങൾ അത്തരം ബാഹ്യ ഇന്ധന ടാങ്കുകൾ ചിറകുകൾക്കടിയിൽ വഹിക്കുന്നു. ഇന്ധനങ്ങൾ ഉപയോഗിച്ച ശേഷം, ടാങ്കുകൾ വലിച്ചെറിയുകയും അവ നിലത്ത് ഇടിക്കുകയും ചെയ്യുന്നു. ആവശ്യമില്ലാത്തതിനുശേഷം അവ വായുവിൽ നിന്ന് താഴെയിടുന്നതിനാൽ അവയെ 'ഡ്രോപ്പ് ടാങ്കുകൾ' എന്ന് വിളിക്കുന്നു. അതിനാൽ, ജെറ്റുകൾ തകർന്നു എന്നതല്ല ; മറിച്ച് ജെറ്റുകൾ അവയുടെ ബാഹ്യ ഇന്ധന ടാങ്കുകൾ കശ്മീരിനുള്ളിൽ ഉപേക്ഷിക്കുകയായിരുന്നു . അവകാശവാദം തെറ്റാണെന്ന് കണ്ടെത്തിയതിനെത്തുടർന്ന്, ദി ഹിന്ദു പോസ്റ്റ് ഡിലീറ്റ് ചെയ്യുകയും ആളുകൾക്കിടയിൽ ആശയക്കുഴപ്പം സൃഷ്ടിച്ചതിൽ 'ഖേദിക്കുകയും' ചെയ്തു.

യുദ്ധ വിമാനങ്ങൾ നിയന്ത്രണ

രേഖ കടന്നിട്ടില്ല എന്ന് ഇന്ത്യ ഔദ്യോഗികമായി അറിയിച്ചിട്ടും ദി ഹിന്ദു അത് മുഖവിലക്കെടുക്കാതെ വ്യാജ വാർത്ത പ്രസിദ്ധീകരിച്ചത് അക്ഷന്തവ്യമായ കുറ്റമാണ്. ഖേദ പ്രകടനം മതിയാകില്ല, മാധ്യമ സ്വാതന്ത്ര്യത്തിന്റെ പേരിൽ രാജ്യത്തെ

യും സേനകളേയും അപകീർത്തി പെടുത്തന്നതിന് ഉചിതമായ ശിക്ഷ നൽകേണ്ട സമയം അതിക്രമിച്ചു.