പാവങ്ങളുടെ പടത്തലവൻ ഏകെജി എങ്കിൽ ആധുനിക സംഗീതത്തിന്റെ പടത്തലവനാണ് വേടനെന്ന് നമ്മുടെ സെക്രട്ടറി ഗോവിന്ദൻ.എന്നാൽ അവിടയും നിൽക്കാതെ തന്റെ അനുപമമായ സംഗീതജ്ഞാനം മാപ്രകൾക്ക് പകർന്നു നൽകുന്നുമുണ്ട്..

പുലിപ്പല്ലായാലും പൂച്ചയുടെ നഖമായാലും ഏതു പണ്ടാരമായാലും മയക്കു മരുന്നു കൈവശം വച്ചാലും ഇല്ലേലും റാപ്പറെ മൊത്തമായി സംരക്ഷിക്കുമെന്നു സെക്രട്ടറി സഖാവിന്റെ ദൃഢ പ്രതിജ്ഞ . ആർഎസ്എസിനും കേസരി സംയോജകനും കലയെയും സംഗീതത്തെയും കുറിച്ചു ഒന്നുമറിയിലെന്ന് കടലാസ് നൽകാനും എല്ലാമറിയുന്ന ഗോവിന്ദൻ റെഡി. തന്റെ ബോധവും അബോധവുമാണ് നാട്ടാർക്കും എന്നാവും ഇട്ടന്റെ ചിന്ത. ആളു ഫയങ്കരൻ തന്നെ!

ആരൂഢത്തിലും സ്വരൂപത്തിലും ഭക്തിയോ വിഭക്തിയോ പാരമ്പര്യത്തനിമയോ പുലർത്താത്ത തികച്ചും പരകീയമായ ഈ പരിപാടി ആരാധനാലയ പരിസരങ്ങളിൽ നിന്നും തീർത്തും അകറ്റേണ്ടതാണെന്ന കാര്യത്തിൽ തർക്കമൊന്നുമില്ല.

ചരിത്രത്തിലെ ആദിമധ്യാന്തങ്ങളെ-1925 നെയും 2025 നെയും- ഒരേ പറ കൊണ്ട് അളന്നിടുന്നതിൽ അവധാനതയുടെ പ്രശ്നമുണ്ട്. അതു ചിലരെ സുഖിപ്പിക്കാമെങ്കിലും ചരിത്രം തന്നെ നിഷ്പ്രഭമായിപ്പോകുന്ന അശ്ലീലമാണത്.