ഗ്രഹണി പിടിച്ച വാർത്താ ചാനലുകൾക്ക് ചക്കക്കൂട്ടാൻ പോലെയാണ് തെരഞ്ഞെടുപ്പ്. സർവ്വം സർവേ മയം. വികട സരസന്മാരുടെ വിശകലനം,മണ്ഡല പര്യടനം, അഭിമുഖം,പ്രവചനം... എല്ലാ വിവരക്കേടുകളും കുന്തിച്ചിരുന്നു ഈച്ചയാട്ടുന്ന കാലം..

അയാഥാർത്ഥ്യങ്ങൾ പൊലിപ്പിച്ചും പെരുപ്പിച്ചും ടാർഗറ്റ് ചെയ്ത അജണ്ട നടപ്പാക്കാനും മാധ്യമത്തിന്റെ സാധ്യതകളും ഫലശ്രുതിയും ഉപയുക്തമാക്കി ജനവിധിയെ മാറ്റിമറിക്കുന്നതാണ് ഇന്നത്തെ മാധ്യമ സേവ. ഇത് ജനവിധിയെ അട്ടിമറിക്കും.ജനാധിപത്യത്തെ ദുർബ്ബലപ്പെടുത്തും. ആ പണിയാണ് ഇപ്പോൾ മാപ്രകൾ ഏറ്റെടുത്തിരിക്കുന്നത്.

വാർത്തകളിലും സംവാദങ്ങളിലും അലറി വിളിച്ചും ആക്രോശിച്ചും ഉന്നത ഡസിബല്ലിൽ ഒച്ചയിടുന്ന നാഗവല്ലിമാനിയ തീണ്ടിയവരെ അറിയാതെ പോകരുത്.