ഇറാനെതിരായ യുഎസ്-ഇസ്രയേല് യുദ്ധം ഇങ്ങ് കേരളത്തിലെ സ്ഥാനാര്ഥികളുടെ നെഞ്ചിടിപ്പാണ് വര്ധിപ്പിക്കുന്നത്
പ്രവാസി വോട്ടര്മാരുടെ എണ്ണം 5000ത്തിനു മുകളില് ഉള്ള 15 ഓളം നിയമസഭാ മണ്ഡലങ്ങള് കേരളത്തിലുണ്ട് ഇതിലേറെയും മലബാറിലാണ്. മധ്യകേരളത്തില് എറണാകുളം, തൃശൂര് ജില്ലകളിലെ ചില മണ്ഡലങ്ങളിലും പ്രവാസി വോട്ടര്മാര് നിര്ണായകമാണ്. ഈ മണ്ഡലങ്ങളില് പലതിലും അതി ശക്തമായ പോരാട്ടമാണ്. നേരിയ ഭൂരിപക്ഷത്തില് വിജയം നിര്ണയിക്കുന്നുവെന്നതാണ് ഇതിൽ പല മണ്ഡലങ്ങളിലെയും അനുഭവം.
യുദ്ധം ആരംഭിച്ചതോടെ തന്നെ ഗള്ഫ് മേഖലയില് നിന്നുള്ള വിമാന സര്വ്വീസുകള് ഏറെക്കുറെ നിലച്ചു. നിലവില് നാമമാത്രമായ ഷെഡ്യൂള് മാത്രമാണ് ഈ മേഖലയില് നിന്നുള്ളത്. പ്രധാനമായും സൗദിയിൽ നിന്ന്. അതിനാ കട്ടെ താങ്ങാനാവാത്ത ചാർജുമാണ്. യുദ്ധത്തിന് അയവ് വരാത്ത സാഹചര്യത്തിൽ സമീപ ദിവസങ്ങളിൽ വിമാന സർവീസ് സാധാരണ നിലയിൽ ആകുമെന്ന് പ്രതീക്ഷിക്കാനും വയ്യ.
നേരത്തെ തന്നെ അവരെ സ്വാധീനിക്കാന് ആവശ്യമായ പ്രവര്ത്തനങ്ങള് നടത്തിയവരുണ്ട്. ഇതിനായി ഗള്ഫ് നാടുകളില് അടക്കം നേരിട്ട് ചെന്ന് മുന്നൊരുക്കങ്ങള് നടത്തിയവരുന്നുണ്ട്. പ്രവാസി സംഘടനകൾ വഴി തെരഞ്ഞെടുപ്പു ഒരുക്കങ്ങൾ എല്ലാം നടത്തി. എന്നാല് അപ്രതീക്ഷിതമായി വന്ന യുദ്ധം ഇവരുടെ സ്വപ്നങ്ങള്ക്ക് മേല് ഇടിത്തീയായി വീഴുകയാണ്.
Keywords:
Recent in Analysis
Must Read
Latest News
In News for a while now..