'കേണലിന് ആരും എഴുതുന്നില്ല' ഗാർസിയ മാർക്വിസിന്റെ ഒരു കൃതിയുടെ ശീർഷകമാണിത്. നോർത്ത് കൊൽക്കൊത്തയിലെ അലുമുദിൻ തെരുവിലെ സിപിഎം ആസ്ഥാനമായ മുസഫർ അഹമ്മദ് ഭവനിൽ ആരവങ്ങളില്ല.ഒരുവേള തിളച്ചു നിന്ന ഈയിടം ഇന്നു ഗതകാലങ്ങളിലാണ് ജീവിക്കുന്നത്.

അധികാരമില്ലാത്ത നാട്ടിൽ മിക്കയിടത്തും പാർട്ടിയില്ല. ഏര്യാ കമ്മിറ്റി സെക്രട്ടറിമാരും അംഗങ്ങളും നാട്ടുകാരും കേരളത്തിൽ പൊറോട്ട അടിക്കുകയാണ്. അടിയും തൊഴിയുമേറ്റ സാധാരണക്കാരന്റെ വിപ്ലവം തകർന്നു പോയിരിക്കുന്നു.

ബംഗാളിൽ കരുത്തു കാട്ടി ഇടതു മുന്നണി,ജനപ്രവാഹമായി സ്ഥാനാർത്ഥി പര്യടനങ്ങൾ... ദേശാഭിമാനിയുടെ തലക്കെട്ടു കൾ. റിപ്പോർട്ടിംഗ്.സ്ത്രീകളും യുവാക്കളും തടിച്ചു കൂടുന്നു.പുഷ്പഹാരവും പുഷ്പവൃഷ്ടിയും ...തൃണമൂലിന്റെ ആക്രമണ ഭീഷണി ചെറുത്താണ് പര്യടനം എന്നും കഥനം.

പണ്ട് ജ്യോതിബസു പാർട്ടിയെ തിരുത്താൻ ശ്രമിച്ചു. ഇപ്പോൾ വംഗ ജനത പാർട്ടിയെ തന്നെ തുരത്തി...ചരിത്രപരമായ വങ്കത്തം ഓർത്ത്.