സ്വന്തം വീട്ടിലെ പട്ടിയോടും അതിന് നൽകുന്ന ആഹാരം തട്ടിപ്പറിച്ച് ഭക്ഷിക്കാനെത്തുന്ന കാക്കയോടും ഒരേ പോലെ കരുണ കാട്ടുന്ന ഹൃദയാലു. വീട്ടിലുണ്ടാക്കുന്ന ഭക്ഷണം - അതെന്തായാലും കഴിക്കാൻ ഇഷ്ടപ്പെടുന്ന കുടുംബ സ്ഥൻ... ചെറുപ്പകാലത്ത് സുഹൃത്തും ഒരു ധനികന്റെ മകനുമായ ഒരാളുടെ മദ്യപാനാസക്തി മാറ്റിയെടുക്കാനാവാത്തതിൽ (മാത്രം ) ഇപ്പോഴും പശ്ചാത്തപിക്കുന്ന സാധാരണക്കാരൻ . തെരഞ്ഞെടുപ്പിന് തൊട്ടു മുമ്പ് മലയാളത്തിന്റെ പ്രിയ നടൻ മോഹൻലാൽ കണ്ടെടുത്ത നന്മയുടെ ആൾരൂപം പിണറായി വിജയന്റെ എടുത്തു പറയാവുന്ന സവിശേഷതകളാണ് ഇവ.

പക്ഷേ സത്യത്തിന്റെ മുഖം പിണറായിയുടെ മുഖം പോലെ തന്നെ വികൃതമാണെന്ന് വൈകാതെ ജനം ഒരിക്കൽ കൂടി തിരിച്ചറിഞ്ഞു. പൊതുസമ്മേളനത്തിൽ ചോദ്യം ചോദിക്കാൻ ശ്രമിച്ച സ്വന്തം പാർട്ടി അനുഭാവിയെ 'അതങ്ങ് വീട്ടിൽ പോയി ചോദിക്കാൻ' ഉപദേശിച്ചതിലൂടെയാണ് പിണറായി തനിസ്വരൂപം പുറത്തെടുത്തത്.

ഭാരതത്തിൽ കമ്മ്യൂണിസ്റ്റുകാരുടെ ചെറു തുടിപ്പെങ്കിലും ഉണ്ടാകണമെന്ന് ആഗ്രഹിക്കുന്ന സഖാക്കളാണ് വോട്ട് മാറ്റിക്കുത്തിയതെന്നു വ്യക്തം. പിണറായി താമസിക്കുന്ന വീടുൾപ്പെടുന്ന ബൂത്തിൽ പോലും പിന്നിലായതിൽപ്പരം തിരിച്ചടിയൊന്നും തമ്പ്രാന് ഇനി കിട്ടാനുമില്ല.രാജ്യത്ത് ജീവിച്ചിരിക്കുന്ന ഏറ്റവും വലിയ കമ്മ്യൂണിസ്റ്റ് സ്വന്തം വാർഡിൽ പോലും വിലയില്ലാതെ ധാർമികമായി പരാജയപ്പെട്ടാണ് ചവറ്റുകൊട്ടയിലേക്ക് എറിയപ്പെടുന്നത്. കാലം കാത്തു വച്ച കാവ്യനീതി.