ഇടതുപക്ഷം ഇവിടെ തോറ്റിട്ടില്ല. വോട്ടുചെയ്ത ജയിച്ചവരാണ് ഇടതു പക്ഷം.ഹൃദയപക്ഷത്തു നില്ക്കാത്ത ഒന്നിനെയാണ് നാം ഇടതുപക്ഷം എന്നു കരുതിപ്പോന്നത്. ഇപ്പോൾ ജനം തിരുത്തുകയാണ്. തെറ്റു ചെയ്തവർക്ക് അർഹമായ ശിക്ഷ നൽകി. എങ്കിലും ഇത് അന്തിമ ശിക്ഷയാകുമെന്ന് ഉറപ്പില്ല...

വിയോജിപ്പുകളുടെ തുടക്കം മുതൽ തന്നെ മരണത്തെ മുന്നിൽ കണ്ടാണ് ടി പി ജീവിച്ചത്.തന്റെ ബൈക്കിൽ ആരെയും അദ്ദേഹം കയറ്റിയിരുന്നില്ല.ഏതു നിമിഷവും ചാടി വീഴുന്ന കൊലയാളികൾക്ക് മറ്റൊരു ഇര വേണ്ടന്ന് അദ്ദേഹം നിശ്ചയിച്ചുറച്ചിരുന്നു. തത്കാലം സ്ഥലം മാറി നിൽക്കാനുള്ള ഉപദേശങ്ങളും അദ്ദേഹം തള്ളിക്കളഞ്ഞു.ഉറച്ച നിലപാടായിരുന്നു ജീവിതത്തിലും മരണത്തിലും.

അധർമം വെട്ടി വീഴ്ത്തിയ ഓരോ തുള്ളി ചോരയും വൃഥാവിലാവില്ല. പിടഞ്ഞു വീണ ഓരോ പച്ച ജീവനും സാഗര ഗർജ്ജനത്തോടെ തിരിച്ചടിക്കും.അതാണ് ലോക നീതി. പിതൃശൂന്യമായ ,ജനിതക വൈകല്യങ്ങൾ ആഴത്തിൽ വേരൂന്നിയ ഒരു ഒപ്പിയാൻ സംഘത്തിന്റെ അവസാനത്തിന് ആരംഭം കുറിക്കയാണ് ഓർമ ദിനത്തിൽ.

കടലായി മാറിയ കണ്ണീരും നന്മക്ക് വേണ്ടി ഒഴുക്കിയ വിയർപ്പും പാഴാവില്ല എന്നത് ശാശ്വത സത്യം.