മാധ്യമ പ്രവർത്തകർക്കെന്താ, കൊമ്പുണ്ടോ? സമൂഹത്തിലെ എല്ലാ കൊള്ളരുതായ്മകൾക്കുമെതിരേ കൊമ്പു കുലുക്കി വരുന്നവരാണ്. അധാർമ്മികത, മനുഷ്യത്വമില്ലായ്മ, നീതിനിഷേധം ഇവയൊക്കെ ഇത്തിരിപ്പോരം പോലും വച്ചു പൊറുപ്പിക്കാൻ പറ്റില്ലെന്ന് ഉറക്കെ വ്രതമെടുത്തവരാണ്. പക്ഷേ അവനവന്റെ കാര്യം വരുമ്പോൾ നമ്മൾ മാധ്യമപ്രവർത്തകരും മറ്റുള്ളവരും തമ്മിൽ വ്യത്യാസം വരാൻ നമുക്കെന്താ കൊമ്പുണ്ടോ?

കേസരി സ്മാരകത്തിലെത്തുന്ന മാധ്യമ പ്രവർത്തകർക്കും രാഷ്ട്രീയ സാംസ്കാരിക നേതാക്കൾക്കും ചിരപരിചിതനായ ഒരാളുണ്ടായിരുന്നു അവിടെ. അവിടെത്തനെ പ്രവർത്തിക്കുന്ന കെയുഡബ്ല്യു ജെ ജില്ലാ കമ്മിറ്റി ഓഫീസിലെ ഓഫീസ് അസിസ്റ്റന്റായായി സേവനമനുഷ്ഠിച്ചുവന്ന സൗമ്യനായ പ്രദീപ് കുമാർ.

അവധി കഴിഞ്ഞപ്പോൾത്തന്നെ ജോലിയിൽ പ്രവേശിക്കാൻ തയ്യാറാണെന്ന കാര്യം പ്രസിഡന്റിനെ അറിയിച്ചെങ്കിലും ധൃതിവയ്‌ക്കേണ്ടെന്നും കുറച്ചുകൂടി വിശ്രമിച്ച് ആരോഗ്യം പൂർണമായും വീണ്ടെടുത്തിട്ട് വന്നാൽ മതിയെന്നും ആയിരുന്നു നിർദേശം.

പിന്നീട് പലതവണ സെക്രട്ടറിയെയും പ്രസിഡൻ്റിനെയും ഫോണിൽ ബന്ധപ്പെടാൻ ശ്രമിച്ചു. പല തവണ മെയിലിലും വാട്‌സാപ്പിലും കത്തു നൽകി. ഒന്നിനും മറുപടിയോ പ്രതികരണമോ ഉണ്ടായില്ല. ഇപ്പോൾ മാസം12 കഴിയുമ്പോഴും ഒന്നും സംഭവിക്കാതെയും പരിഹാരമാകാതെയും കാര്യങ്ങൾ നില്ക്കുന്നു. കിട്ടികൊണ്ടിരുന്ന വരുമാനം നിലച്ചതിനാൽ പ്രദീപിന്റെ ജീവിതം അതീവ കഷ്ടതയിലാണ്. ഇങ്ങനെ തുടർന്നാൽ കുടുംബസമേതമുള്ള കൂട്ട ആത്മഹത്യ മാത്രമാണ് പോം വഴിയെന്ന് പറഞ്ഞ് കെ യു ഡബ്ല്യു ജെ സംസ്ഥാനകമ്മിറ്റിക്ക് പരാതി നൽകി കാത്തിരിക്കുകയാണ് പ്രദീപ്.