മുഖ്യമന്ത്രി വിഡി സതീശൻ പിണറായിക്കും സിപിഎമ്മിനും വേണ്ടി നടത്തുന്ന പ്രതിവാര നെയ്യഭിഷേകമാണ് ലൈവായി നാം കാണുന്നത്.തസ്കര വീരർ. കാണിക്കയും കനകവും കട്ടിളപ്പടിയും കാശും എള്ളുണ്ടയും മുതൽ ചുരണ്ടിയും മുറിച്ചും മാന്തിയും ആവോളം മുതലുകൾ ആന്തി. ബിംബം ബാക്കിവച്ചത് ഭാഗ്യം.ഇനി അതും സൂക്ഷ്മമായി പരിശോധിക്കണം. ഒത്തുവന്നെങ്കിൽ...ഭഗവാനെ അതും.. ചൂട്ട് കറ്റ, നെയ്യ്, വരെ... വീരപ്പനു പഠിച്ചവർ ഇപ്പോൾ തടവറയിലേക്ക് പോകുന്ന തിരക്കിലാണ്. ആ തടവറ തകർക്കണമെന്നാണ് ഡിഫി പിള്ളേരുടെ പൂതി.

കൂട്ടം തെറ്റിയ ചില പെണ്ണുങ്ങളായിരുന്നു 'പുതിയ' നവോത്ഥാനത്തിന് രസ്ന കലക്കിയത്. അവരുടെ കൈയ്യും പിടിച്ചാണ് കാനന പാതെ 'കല്ലും മുള്ളും കാലുക്കുത്തെ' എന്നു വികട സരസ്വതിയുമായി മൂപ്പിലാൻ നടന്നത്. നവോത്ഥാനത്തിന്റെ പുതിയ മണ്ണെണ്ണപ്പന്തവുമായി. പിന്നീട് നായകർ വാലും ചുരുട്ടി ആഗോള അയ്യപ്പനെ തിരഞ്ഞ് പണി എരന്നു വാങ്ങി. അതിലുമുണ്ട് കക്കലും മുക്കലും..

നേരിട്ട് മൂപ്പിലിനിട്ടു താങ്ങുന്നത് പാർട്ടി വിരുദ്ധവും അച്ചടക്ക ലംഘനവുമാണ്. അതിനാൽ വിഡി സതീശൻ മുഖാന്തിരം ഹോം ഡെലിവറി നടത്തുന്ന ഉപായമാണ് ഇപ്പോൾ പ്രയോഗിച്ചു വരുന്നത്. അത്,അണികളെ സുഖിപ്പിക്കും. മൂപ്പിലാനെ തേയ്ക്കാനും കഴിയും. ഏറ്റവുംഒടുവിൽ ഇതു നടത്തിയത് അപ്പം ഗോവി. ഈ ഗോവി ഗോപിയാകുമോ എന്ന വർണ്യത്തിൽ ആശങ്കയാണ് ഹേതു

'സന്തോഷ സൂചകമായി തന്നതിനെ സ്വീകരിച്ച് ബാലകരാം ഞങ്ങളിതാ പോകുന്നു. ഇതാ പോകുന്നു ഞങ്ങൾ പോകുന്നു (അവസാന മൂന്നു വാക്കുകൾ പിച്ച് സാവധാനം ഉയർത്തി. മൂന്നാവർത്തി വേണമെന്നാണ് വിധി) ഇതാണ് വർത്തമാന കാല നില!