നിലാവുണ്ടെന്നു കരുതി വെളുക്കും വരെ കക്കാൻ ഒരു കള്ളനും ഇതുവരെയും കഴിഞ്ഞിട്ടില്ലല്ലോ. കാമുകി ചാർത്തിക്കൊടുത്ത മോതിരം തന്നെ വിനയായി.മോഷണത്തിനുള്ള തെളിവുമായി. മോഷണക്കുറ്റം മാത്രമല്ല അമിതമായി കറുപ്പു നൽകി നമ്പൂതിരിയെ കൊല്ലാൻ ശ്രമിച്ചു എന്ന അധിക കുറ്റവും ഇക്കണ്ടക്കുറുപ്പിന്റെ തലയിലായി. കള്ളൻ അങ്ങനെ പിടിക്കപ്പെട്ടു. പൂർവ്വികർ ഉള്ളതിനാലും അവരിൽ ആദരവുള്ളതിനാലും അവരുടെ സൽപ്പേരിനു കളങ്കം വരാതിരിക്കാനും മോഷണകല നിർത്തി കാശിക്കു പോകാൻ ഇക്കണ്ടക്കുറുപ്പു തീരുമാനിക്കുന്നതോടെ വാസനാ വികൃതി എന്ന ആദ്യ ചെറുകഥക്ക് പരിസമാപ്തിയാകുന്നു.