അസൂയാവഹമായ ഒരു അസൂയയുടെ കഥയാണിത്... കഥയല്ല, സംഭവമാണ്... സംഭവത്തിലെ പ്രധാന കഥാപാത്രങ്ങൾ മുഖ്യമന്ത്രി വി.ഡി. സതീശനും മറ്റൊരു മുതിർന്ന കോൺഗ്രസ് നേതാവുമാണ്. വി.ഡി. സതീശനൊപ്പം തലപ്പൊക്കം വരാൻ തിരക്കിട്ട് നടക്കുന്നയാൾ.

ദിവസവും ബൈബിളിലെ ഒരു അധ്യായം വായിക്കുന്നത് പതിവാണെന്ന് സതീശൻ തന്നെ വ്യക്തമാക്കിയിട്ടുണ്ട്. യേശുക്രിസ്തുവിന്റെ പ്രബോധനങ്ങൾ, ചിന്തകൾ, ലോകക്രമത്തെക്കുറിച്ചുള്ള കാഴ്ച്ചപ്പാടുകൾ എന്നിവ തന്നെ സ്വാധീനിച്ചിട്ടുണ്ടെന്നും സതീശൻ പറയുന്നു.

വിവിധ ക്രൈസ്തവ സഭകളുടെ സമ്മേളനങ്ങളിൽ സതീശൻ നടത്തിയ പ്രസംഗങ്ങൾ 'ആദം നീ എവിടെയാകുന്നു' എന്ന് പേരിൽ പുസ്തകമായി ഡി.സി ബുക്‌സ് പുറത്തിറക്കിയിരിക്കുകയാണ്. മെയ് 9ന് പുറത്തിറക്കിയ പുസ്തകം ഇതിനകം ആറ് എഡിഷൻ വിറ്റുപോയി. പ്രമുഖ മാധ്യമപ്രവർത്തകനും രാഷ്ട്രീയ നിരീക്ഷകനുമായ റോയ് മാത്യുവാണ് പുസ്തകം എഡിറ്റ് ചെയ്തത്.

ദിവസമെത്തി, നേതാവ് എഴുതി തയ്യാറാക്കിയ കുറിപ്പടികളും കൈയിലെടുത്ത് നേരെ പള്ളിയിലേക്ക്. വൈദികരും വിശ്വാസികളും മുതിർന്ന നേതാവിനെ ആദരപൂർവം സ്വീകരിച്ചു.പ്രഭാഷണ സമയമെത്തി, നേതാവ് ഡയസിലെത്തി. കടലാസുകൾ പ്രസംഗപീഠത്തിൽ നിരത്തിവെച്ചു. പേപ്പറിൽ നോക്കിയും നോക്കാതെയും സംസാരം തുടങ്ങി. ബൈബിൾ വചനങ്ങൾ വരുമ്പോൾ കടലാസിൽ നോക്കി വായിച്ചു. ക്രിസ്തുവിനെക്കുറിച്ച്, നേരത്തേ എഴുതി വെച്ചത് ഉദ്‌ഘോഷിച്ചു. പ്രസംഗം അൽപം മുന്നോട്ടു നീങ്ങിയപ്പോൾ ഹാളിലെ അസഹ്യമായ ചൂടു കാരണം നേതാവ് വിയർക്കാൻ തുടങ്ങി. ഇതുകണ്ട സംഘാടകരിൽ ഒരാൾ പള്ളിയിൽ നിന്നും ഒരു പെഡസ്റ്റൽ ഫാൻ സംഘടിപ്പിച്ച് പ്രസംഗപീഠത്തിന് അരികെ കൊണ്ടുവന്ന് ഓൺ ചെയ്തു. ശക്തമായ കാറ്റ് വന്നതോടെ പ്രസംഗപീഠത്തിലിരുന്ന ബൈബിൾ കുറിപ്പടികൾ എല്ലാം പറന്നുപോയി. നേതാവ് അന്തംവിട്ടുനിന്നു. എന്തുപറയും ഇനി? ഒടുവിൽ എന്തും വരട്ടെ എന്നു വിചാരിച്ച് ബൈബിളിനെക്കുറിച്ച് കൈയിൽ നിന്ന് കാച്ചി. എട്ടുംപൊട്ടും തിരിയാത്തവന്റെ പൊട്ടത്തരം കേട്ട് വിശ്വാസികളും വൈദികരും ഞെട്ടിത്തരിച്ചു. ഒടുവിൽ സതീശനെ വെട്ടാൻ പോയ ബൈബിൾ പ്രവാചകൻ നാണംകെട്ട് മടങ്ങി....