ലോട്ടറി വകുപ്പിൽ അഴിമതി പുകയാൻ തുടങ്ങിയിട്ട് വർഷങ്ങളായി. എല്ലാം സുതാര്യവും ജനകീയവുമൊക്കെയാണ് വകുപ്പിൽ നടക്കുന്നത് എന്നത് ഒരു ഭംഗി വാചകമാണ്. ലോട്ടറി രൂപകല്പനയും അച്ചടിയും വിതരണവും നറുക്കെടുപ്പുമുൾപ്പെടെ എല്ലാഘട്ടങ്ങളിലും വകുപ്പിലെ ചില ഉദ്യോഗസ്ഥരുടെ വഴിവിട്ട പ്രവർത്തനങ്ങൾ നടക്കുന്നുണ്ടെന്ന ആക്ഷേപവും നില നില്ക്കുന്നു.

വകുപ്പിലെ ഒരു ക്ലർക്ക് ക്ഷേമനിധിയിൽ നിന്ന് നടത്തിയ വൻ സാമ്പത്തിക തട്ടിപ്പ് ഈയിടെ പുറത്തു വന്നിരുന്നു. ഒരു കോടിയിലേറെ രൂപയുടെ തട്ടിപ്പു നടത്തിയതായാണ് വ്യക്തമാവുന്നത്. എന്നാൽ വകുപ്പു നടത്തിയ ഏതെങ്കിലും അന്വേഷണത്തിലൂടെയല്ല തട്ടിപ്പ് പുറത്തുവന്നത് എന്നതാണ് അത്ഭുതം.