വിഴിഞ്ഞം തുറമുഖം രാജ്യത്തിന് സമർപ്പിച്ചുകൊണ്ട് പ്രധാനമന്ത്രി നരേന്ദ്രമോദി നടത്തിയ 45 മിനിറ്റ് നീണ്ട പ്രസംഗം ചില രാഷ്ട്രീയമായ പരാമർശങ്ങൾ കൊണ്ടാണ് കൂടുതൽ ശ്രദ്ധേയമായത്. ദേശീയ മാധ്യമങ്ങൾ അടക്കം ഇതിന് വലിയ പ്രാധാന്യമാണ് നൽകിയത് പ്രധാനമന്ത്രിയുടെ പരാമർശങ്ങൾ വരും മണിക്കൂറുകളിൽ പുതിയ ചർച്ചകൾക്ക് തുടക്കം കുറിച്ചേക്കും.

തുറമുഖ വകുപ്പ് മന്ത്രി വി എൻ വാസവൻ അദാനിയെ നമ്മുടെ പാർട്ണർ എന്ന് വിശേഷിപ്പിച്ചതിനെ പ്രധാനമന്ത്രി കണക്കിന് പരിഹസിച്ചു. കമ്മ്യൂണിസ്റ്റ് മന്ത്രിസഭയിലെ ഒരംഗം സ്വകാര്യ മുതലാളിത്തത്തെ മാറിയ കാഴ്ചപ്പാടോടെ നോക്കിക്കാണുന്നത് ഭംഗിയായി എന്നും കാലഘട്ടത്തിൻ്റ മാറ്റമായി അതിനെ കാണേണ്ടതുമാണ് എന്ന

വ്യംഗ്യാർത്ഥത്തോടെയുള്ള കളിയാക്കലാണ് മോദിയുടെ ഭാഗത്തുനിന്ന് ഉണ്ടായത്. കമ്മ്യൂണിസ്റ്റുകളുടെ കാഴ്ചപ്പാടിലെ മാറ്റത്തെ, ഇതാണ് മാറുന്ന ഭാരതം എന്നും പ്രധാനമന്ത്രി സൂചിപ്പിച്ചു. തുറമുഖ നിർമ്മാണ മേഖലയിൽ സ്വകാര്യ പങ്കാളിത്തത്തിന്റെ അനിവാര്യതക്ക് അടിവര ഇടുകയായിരുന്നു മോദി. മാറുന്ന ഇന്ത്യക്കൊപ്പം കേരളവും മാറുകയാണ്. കഴിഞ്ഞ 30 വർഷങ്ങളായി തുറമുഖ മേഖലയിൽ അദാനി ഗുജറാത്തിൽ നൽകിയ സംഭാവനങ്ങളിലും വലുതാണ് ഇപ്പോൾ കേരളത്തിന് ലഭിച്ചിരിക്കുന്നത്. ഒരുപക്ഷേ ഗുജറാത്തിലെ ആളുകൾക്ക് അദാനിയോട് ഇക്കാര്യത്തിൽ പരാതി പോലും ഉണ്ടായേക്കാം എന്നും അദ്ദേഹം വ്യംഗ്യ രൂപേണ പറഞ്ഞു.