നിയമസഭാ തെരഞ്ഞെടുപ്പ് പടിവാതില്ക്കലെത്തിയതോടെ ഖജനാവിലെ കാശും കടമെടുത്ത കിഫ്ബി മുതലുമൊക്കെ ലാവിഷായെടുത്ത് മുഖം മിനുക്കൽ പ്രചാരണ മാമാങ്കങ്ങൾ പൊടിപൊടിക്കുകയാണ് പിണറായി സർക്കാർ.

സംസ്ഥാനത്തിന്റെ എല്ലാ ഇടവഴികളും കൊണ്ടു പിടിച്ച് ടാർ ചെയ്യുകയാണിപ്പോൾ. ഇത്രയും കാലം പൊട്ടിപ്പൊളിഞ്ഞും യാത്ര ദുസ്സഹമാക്കിയും കിടന്നിരുന്ന റോഡുകളാണ് പത്താം വർഷത്തലേന്ന് പുതുക്കിപ്പണിയുന്നത്. വോട്ടെടുപ്പിന് തൊട്ടു മുമ്പ് കാട്ടിക്കൂട്ടുന്ന ഇത്തരം അഭ്യാസങ്ങൾ ജനങ്ങളുടെ മനസ്സിൽ ഉറച്ചു നില്ക്കുമെന്ന ഉപദേശം പി ആർ ഏജൻസികൾ സർക്കാറിനു നൽകിയിട്ടുണ്ട്.

വയനാട് ദുരന്ത ബാധിതർക്കായി വീടുകൾ പണിതു നൽകി സർക്കാർ ചുരമിറങ്ങിയപ്പോൾ മല കയറിയെത്തിയ മമ്മൂട്ടിയും സർക്കാരിന്റെ പി ആർ പ്രവർത്തനങ്ങളുടെ ഭാഗമായിത്തന്നെയാണ് അഭിനയിച്ചു കയറിയതെന്ന് ഇപ്പോഴും മനസ്സിലാകാത്തവർക്ക് നല്ല നമസ്കാരം പറയാൻ മാത്രമേ സാധിക്കൂ.

ദുരന്തം നടന്നതു മുതൽ ഇതേ വരെ ഓരോ നിമിഷവും ദുരന്ത ബാധിതർക്കൊപ്പം ചെളിയിലും വിയർപ്പിലുകമാക്കെയുണ്ടായിരുന്നയാളാണ് സി പി എം ജില്ലാ സെക്രട്ടറി റഫീഖ് സഖാവെന്നും, സഖാവിനൊപ്പമാണ് തങ്ങളെന്നും സൈബർ സഖാക്കൾ പറയുന്നു.