ഇത് ഡീലുകളുടെ കാലമാണ്. തെരഞ്ഞെടുപ്പുത്സവത്തിന്റെ കൊടിയേറ്റം കഴിഞ്ഞതു മുതൽ ഡീൽ ആരോപണങ്ങളും കളം പിടിച്ചു തുടങ്ങി. എല്ലാ ആരോപണങ്ങളും ലക്ഷ്യം വയ്ക്കുന്നത് ന്യൂനപക്ഷ വോട്ടുകളാണ്.

കേന്ദ്രത്തിൽ ബി ജെ പിക്കെതിരെ ഉണ്ടാക്കിയ സഖ്യത്തിൽ തോളോടു തോൾ ചേർന്ന് നില്ക്കുന്ന കക്ഷിയാണ് സിപിഎം - ഉം കോൺഗ്രസ്സും. ബിജെപിക്കെതിരേയുള്ള ദേശീയ ബഡാ ഡീലിൽ സി പി ഐയുൾപ്പെടെ പിന്നെയും എത്രയോ കക്ഷികൾ. എങ്കിലും കേരളത്തിലെത്തുമ്പോൾ പരസ്പരം തൊട്ടുകൂടാത്തവരാണ് കോങികളും കമ്മികളും . ഇവിടെ ഇരുകൂട്ടർക്കും ഒറ്റക്കൊറ്റക്ക് ബി ജെ പി യെ എതിർത്തേ മതിയാവൂ. തെരഞ്ഞെടുപ്പിൽ എപ്പോഴും നിർണ്ണായകഘടകമാവാറുള്ള മുസ്ലീങ്ങളുടെ ഇഷ്ടം പിടിച്ചെടുക്കുകയും അവരുടെ വോട്ടു നേടുകയും ചെയ്യുന്നതിൽ കവിഞ്ഞ ആദർശമൊന്നും ഈ എതിർപ്പിനു പിന്നിലില്ല.

'സൂര്യൻ കിഴക്കുദിച്ചാൽ മാത്രമേ സിപിഎം ഉം ബി ജെ പിയുമായി ഡീലുണ്ടാവുകയുള്ളു' എന്നായിരുന്നു ഏറ്റവും ഒടുവിലത്തെ പഞ്ച് ഡയലോഗ്. കേരളത്തിൽ എല്ലാ ദിവസവും സൂര്യൻ കിഴക്കു ദിക്കിൽ നിന്നാണ് ഉദിക്കുന്നതെന്ന് ഏവർക്കും ഉറപ്പുള്ളതിനാൽ ഈ ഭാഷണത്തിന് അർത്ഥമൊന്നേയുള്ളൂ, സംസ്ഥാനത്ത് സിപിഎം -ബി ജെ പി ഡീലുണ്ടെ ന്നത് പകൽ പോലെ വസ്തുതയാണെന്ന്.