സംസ്ഥാന നിയമസഭയിലേക്കുള്ള വോട്ടെടുപ്പിൽ ഒടുവിലത്തെ അനൗദ്യോഗിക കണക്കനുസരിച്ച് പോളിങ് 78% കടന്നു. 16-ാം നിയമസഭയിലേക്ക് 140 മണ്ഡലങ്ങളിലും രാവിലെ 7 മണിക്ക് ആരംഭിച്ച വോട്ടെടുപ്പ് പൊതുവെ സമാധാനപരമായിരുന്നു. ചില സ്ഥലങ്ങളിൽ EVM–VVPAT സംബന്ധമായ ചെറിയ സാങ്കേതിക പ്രശ്നങ്ങൾ റിപ്പോർട്ടു ചെയ്തിട്ടുണ്ടെങ്കിലും മൊത്തത്തിൽ വോട്ടെടുപ്പ് സുഗമമായി പൂർത്തിയായി. മെയ് 4-നാണ് വോട്ടെണ്ണൽ.

കാസർഗോഡ്, കണ്ണൂർ, പാലക്കാട്, കോഴിക്കോട് ജില്ലകളിൽ 80%-ന് മുകളിൽ പോളിങ് രേഖപ്പെടുത്തിയതായി റിപ്പോർട്ടുകളുണ്ട്.

കോൺഗ്രസ്സ് നേതാവ് രമേശ് ചെന്നിത്തല ആലപ്പുഴ ഹരിപ്പാട് ബൂത്തിൽ വോട്ട് ചെയ്തു.10 വർഷമായി കേരളം ഭരിക്കുന്ന പിണറായി വിജയന് ജനങ്ങൾ 'ഗുഡ് ബൈ' പറയാൻ ആഗ്രഹിക്കുന്നു. അദ്ദേഹത്തിന് കുറച്ച് വിശ്രമം നൽകാനുള്ള സമയമായെന്നും ചെന്നിത്തല പറഞ്ഞു.പ്രതിപക്ഷ നേതാവ് വി.ഡി. സതീശൻ ഉൾപ്പെടെയുള്ള യുഡിഎഫ് നേതാക്കൾ ജനം വ്യക്തമായ സന്ദേശം നൽകിയിട്ടുണ്ട് എന്ന രീതിയിലാണ് പ്രതികരിച്ചത്.കേരളത്തിൽ ഇത്തവണ സർപ്രൈസ് ഉണ്ടാകുമെന്ന് കേന്ദ്രമന്ത്രി സുരേഷ് ഗോപി പറഞ്ഞു.

കേരളത്തിൽ ഭരണത്തുടർച്ച ലക്ഷ്യമിട്ട് എൽഡിഎഫും, തിരിച്ചുവരവ് പ്രതീക്ഷിച്ച് യുഡിഎഫും, അക്കൗണ്ട് തുറക്കാൻ ബിജെപി നേതൃത്വത്തിലുള്ള എൻഡിഎയും കളത്തിലുണ്ടായിരുന്നു. മെയ് 23-നാണ് നിലവിലെ നിയമസഭയുടെ കാലാവധി അവസാനിക്കുന്നത്.