പച്ചപ്പരിഷ്കാരികളും ബുദ്ധി ജീവികളും വലിയ വായിൽ വർത്തമാനവുമായി ചുറ്റിത്തിരിയുന്ന സർക്കാർ വിലാസം സേട്ടൻമാരും സേച്ചിമാരും വാദ്ധ്യാന്മാരും,യൂണിയനുകളുടെയും സർക്കാരിന്റെയും ചൂഷണ ഉപാധികളാകാൻ സവിനയം നിന്നു കൊടുക്കുന്ന തറക്കൂട്ടങ്ങളായി മാറിയിട്ട് കാലമേറെയായി. ഗതികേടും ധാരണക്കുറവും അഹങ്കാരവും ആളുകളിക്കലും ഒക്കെ അതിനു കാരണമാകുന്നുണ്ട്.

മെഡിസെപ്പിന്റെ ക്ലെയിമുകളെല്ലാം നിരന്തരം തിരസ്കരിക്കപ്പെടുന്നു.ചോദിച്ചാൽ സാങ്കേതിക തകരാണെന്ന സ്ഥിരം പല്ലവി. കരാർ കമ്പനി രണ്ടു കമ്പനികൾക്ക് ഉപകരാറുകൾ നൽകിക്കഴിഞ്ഞു.ജീവനക്കാരുടെ വ്യക്തിഗത വിവരങ്ങളെല്ലാം അങ്ങനെ കച്ചവടക്കാരുടെ കൈകളിലായി. ഈ ഡാറ്റ കൊണ്ട് അവരിനി തകർത്ത് കച്ചവടം ചെയ്തോളും.