കോൺഗ്രസ്സിന്റെ മുഖ്യമന്ത്രി ചർച്ചകളിൽ ജനവികാരമുൾക്കൊണ്ട് പരസ്യമായി അഭിപ്രായം പറയാൻ മുതിർന്ന കോൺഗ്രസ്സ് നേതാക്കളോ സാംസ്കാരിക നായകർ പോലുമോ ഡിപ്ലൊമാറ്റിക് അഴകൊഴമ്പൻ മൗനം കാട്ടുമ്പോൾ നടനും നിർമ്മാതാവുമായ സിദ്ദിഖ് പ്രകടിപ്പിച്ച വി.ഡി. സതീശന് അനുകൂലമായ അഭിപ്രായം ശ്രദ്ധേയമാവുന്നു.

ഈ തിരഞ്ഞെടുപ്പിൽ നൂറിൽ അധികം സീറ്റിൽ വിജയിച്ചു UDF അധികാരത്തിൽ വരും, ഇല്ലെങ്കിൽ ഞാൻ രാഷ്ട്രീയ വനവാസത്തിനു പോകും എന്ന് ചങ്കുറപ്പോടെ പറഞ്ഞ ഒരേ ഒരു നേതാവ്. ഒരു സാമുദായിക നേതാക്കളുടെയും തിണ്ണ നിരങ്ങാത്ത, ഒരാളുടെയും ഭീഷണിക്കു വഴങ്ങാത്ത, ഒരു നിലപാടെടുത്താൽ അതിൽ ഉറച്ചു നിൽക്കുന്ന, മതനിരപേക്ഷത ഉയർത്തിപ്പിടിക്കുന്ന ഒരേ ഒരു നേതാവ്.

മുഖ്യമന്ത്രി എന്ന സ്ഥാനത്തേക്ക് ഒരേ ഒരു പേര് മാത്രം.V D സതീശൻ എന്ന ജനനായകന്റെ പേര്.നല്ലത് വരട്ടെ, നല്ലതേ വരാവൂ..!!