കേരളത്തിൽ സർക്കാരിനെ തൂത്തെറിഞ്ഞ ജനവിധിയുടെ കാരണം തേടുകയാണ് ഇടതു പക്ഷം. എന്നാൽ യഥാർത്ഥ കാരണമെന്താണെന്ന് വ്യക്തമാക്കുന്ന ഒരു അനുഭവം വിവരിക്കുകയാണ് ഇടതു സഹയാത്രികനായ ഡോ ബി ഇക്ബാൽ . അദ്ദേഹത്തിന്റെ ഫേസ്ബുക് പോസ്റ്റിൽ നിന്ന്.

ട്രെയിൻ എത്താറായി എന്ന അനൗൺസ്‌മെന്റ് വന്ന നിമിഷം, അയാൾ വേഗത്തിൽ എന്റെ അടുത്തേക്ക് വന്ന് എൻ്റെ നേരെ വിരൽ ചൂണ്ടി ആക്രോശിച്ചുകൊണ്ട് ഇങ്ങനെ പറഞ്ഞു: “നിങ്ങൾ ഞങ്ങളുടെ മുഖത്ത് തുപ്പിയാൽ ഞങ്ങൾ തുടച്ചുകളയും, എന്നാൽ കാർക്കിച്ചു തുപ്പിയാൽ നിങ്ങളെ ഞങ്ങൾ തൂത്തെറിയും; മനസ്സിലാക്കിക്കോ!” ഇത്രയും പറഞ്ഞ് അയാൾ ആൾക്കൂട്ടത്തിനിടയിലേക്ക് നടന്നുനീങ്ങി.

വ്യക്തിപരമായ വിരോധത്തേക്കാളുപരി, തങ്ങൾ ഇഷ്ടപ്പെടുന്ന രാഷ്ടീയപ്രസ്ഥാനങ്ങളോടും അതിന്റെ പ്രതിനിധികളോടും ജനങ്ങൾക്കുണ്ടായ കടുത്ത അതൃപ്തിയുടെ പ്രതിഫലനമായിട്ടാണ് ആ വാക്കുകൾ എനിക്ക് അനുഭവപ്പെട്ടത്. ഇതൊരു താത്ക്കാലിക പ്രതിഭാസമാകട്ടെ എന്നാണെൻ്റെ ആഗ്രഹം.