ജനവിധി പിണറായിക്കെതിരാണ്. സിപിഎമ്മിനെതിരാണ്. എൽഡിഎഫിനെതിരാണ്.പിന്നെങ്ങിനെ പിണറായി പതിനൊന്നാം നാൾ പ്രതിപക്ഷ നേതാവായി ഉണർത്തെണീറ്റു ?

ഏകെജി സെന്ററിലെ സൗകര്യം പോരാതെ വരുന്നു..ലക്ഷം രൂപമുടക്കിയുള്ള രമ്യഹർമ്യത്തിന്റെ വാടക ചിലവിലും അസ്വസ്ഥത. ഈ തൊന്തരവുകൾക്കുള്ള ഒറ്റമൂലിയാണ് പ്രതിപക്ഷ നേതാവിന്റെ പദവി. സൗജന്യവാസവും ശമ്പളവും,25 സ്റ്റാഫും .. ഇതാണ് പിണറായി വിപ്ലവം .. ഇതിനുമപ്പുറം മറ്റൊന്നു കൂടിയുണ്ട്.കണ്ണൂർകാരല്ലാത്ത ഒരുത്തനും താക്കോൽ സ്ഥാനങ്ങളിൽ വേണ്ട എന്നതാണത്. വല്ല കൊല്ലംകാരനെയും നിയമിച്ചു പൊല്ലാപ്പിൽപ്പെടണോ?.

പാർട്ടി ജില്ലാ സെക്രട്ടറിയേറ്റുകൾ പിണറായിയെ തള്ളിയുള്ള തീരുമാനങ്ങളിലേക്ക് വരുന്നതാണ് പുതിയ കാഴ്ച..

എല്ലാ തലങ്ങളിലുമുള്ള കമ്മിറ്റികളിൽ എല്ലാം തുറന്നടിക്കാം എന്നാണ് ബേബി സഖാവ് പറഞ്ഞത്.അങ്ങനെ പണ്ടു തുറന്നടിച്ചവർ ഇന്നു വീട്ടിലിരുന്നു ഈച്ചയാട്ടുന്നു. . വെട്ടി നിരത്തലിൽ ജീവിതവും ജീവനവും അപമാനവും ശിഷ്ടമായവർ. കഥാവശേഷർ! ആർ.ബിന്ദു മോഡലിൽ അച്ചിയെ വാഴിക്കാനായിരുന്നു ഗോവിന്ദ തന്ത്രം.. അമൂർത്തത പറഞ്ഞു അണികളുടെ അണ്ണാക്കിൽ വെടി പൊട്ടിച്ചവനാണ് ഇതിയാൻ. വാ തുറന്നാൽ മാർക്സ് വചനധാരയും കയ്യിലിരിപ്പ് കന്നംതിരിവും......