ലൂസിഫർ സിൻഡ്രോം എന്ന മാരക രോഗമാണ് എ എ റഹീം എംപിയെ ബാധിച്ചിരിക്കുന്നതെന്ന് തോന്നുന്നു. ഇന്നലെ തലസ്ഥാനത്തെ തെരുവിൽ മുഴങ്ങിയ മാർജാര ഗർജ്ജനം അതിന് തെളിവാണ്.

മഴയും സംഘർഷവുമുൾപ്പെടെ ശരിയായ സാഹചര്യങ്ങൾ ഒത്തു വന്നപ്പോൾ റഹീം സഖാവ്, റഹീം നെടുമ്പുള്ളിയായി. നിറയെ പുള്ളികളുള്ള ഉടുപ്പണിഞ്ഞാണ് പുള്ളിക്കാരൻ, വെറും പുള്ളിയിൽ നിന്ന് നെടുമ്പുള്ളിയായത്.

പണ്ടത്തെ കാലമല്ല. എല്ലാർക്കും എവിടെയിരുന്നും എന്തും കാണാം. സ്വന്തം കണ്ണിൽ കാണുന്നതിന് മറ്റുള്ളവരുടെ കമന്ററി ആവശ്യമില്ല. പോലീസിനെ പ്രകോപിപ്പിക്കുന്നതും അടിവാങ്ങാൻ ഉത്സാഹിക്കുന്നതും പോലീസിന്റെ രക്ഷാപ്രവർത്തനം വീക്ഷിക്കുന്നതും അവിടെയുണ്ടായിരുന്ന മാധ്യമങ്ങൾ മാത്രമല്ല. അന്നേരം മാധ്യമങ്ങളിലേക്ക് കണ്ണു തുറന്നിരുന്ന ഏവരും കണ്ടതാണ്. അപ്പോഴാണ് റഹിമിന്റെ ലൂസിഫർ കളി. പോലീസിന്റെ തല്ലു കൊണ്ട് കൈകൾക്ക് മാരകമായി പരിക്കേറ്റ പിള്ളാർ ബാൻഡേജിട്ടും പിന്നീട് ഷർട്ടിട്ടും നില്ക്കുന്ന ചിത്രങ്ങൾക്ക് ഇപ്പോൾ കോക് റോച്ച് പാർട്ടിയുടേതിനേക്കാൾ റീച്ച് കിട്ടുന്നുണ്ട്. ഇത്രേം വല്യ ബാൻഡേജ് ഇവൻമാർ ഷർട്ടിന്റെ കൈകളിലൂടെ എങ്ങിനെ ഉള്ളിൽ കടത്തി എന്നതിലാണ് ഇപ്പോൾ ഗവേഷണം.ട്രോളൻമാർക്ക് എന്തും മാന്താം... അനുഭവിച്ചവരുടെ വേദന അവർക്കേയറിയൂ.