"ശൊല്ലവേണ്ടിയത് ? ഉൺമയിൻ തത്തുവം ശൊല്ലക്കൂടാത്തത് ? പെണ്ണിടം രഹസ്സിയം.." തിരുവിളയാടൽ എന്ന തമിഴ് ചിത്രത്തിൽ ശിവാജി ഗണേശനും നാഗേഷും തമ്മിലുള്ള വാഗ്വാദമാണിത്. ഒരു കാലത്തിന്റെ കാഴ്ചയും കാഴ്ചപ്പാടും!

തുറസ്സുകളും തുറന്നെഴുത്തും തുറന്നു പറച്ചിലും അടയാളപ്പെടുത്തുന്ന സമകാലിക കൗമാര കുതൂഹലങ്ങളുടെ ഭാഗമായാണ് കൂട്ടുകാരിക്കു കൂട്ടുകാരൻ പാഡു വാങ്ങി നൽകുന്നത്.

ഈ ശാരീരിക അവസ്ഥ ലജ്ജാകരമോ വിലക്കപ്പെട്ടതോ രഹസ്യമാക്കേണ്ടതോ അല്ലെന്ന കാര്യത്തിൽ എല്ലാവരും യോജിക്കുന്നു. ഏതു പരിഷ്കരണ ങ്ങളിലും ഉപയോഗത്തിന്റെയും ദുരുപയോഗത്തിന്റെയും ഇരുതല വാളുണ്ടല്ലോ. നമ്മുടെ സമൂഹം പുലർത്തുന്ന മനോഭാവം തന്നെയാണ് ആത്യന്തികമായി സ്ത്രീ സൗഹൃദത്തെ നിർവചിക്കേണ്ടത്

മക്കൾ ഭരിക്കുന്ന അണു കുടുംബങ്ങളിലാണ് ഇന്ന് കേരളം പുലരുന്നത്.അവരാണ് കുടുംബത്തിൽ പലതും തീരുമാനിക്കുക. അവരാണ് മാതാപിതാക്കളെ തിരുത്തുന്നതും അഭിരുചികൾ മാറ്റുന്നതും. അമ്മയുടെ വിവാഹവും അതിലെ മിസ്മാച്ചിംഗും അയോഗ്യതകളും കീറിമുറിക്കുന്നതും ഇവർ തന്നെ.