മുഖ്യമന്ത്രി വിഡി സതീശനെ മുൻ നിർത്തിയുള്ള സിപിഎമ്മിലെ പരമ്പരാഗത പടക്കുറുപ്പുമാരുടെയും പ്രൊഫഷണൽ കരിയറിസ്റ്റ് അവതാരങ്ങളുടെയും പാർട്ടി പിടിക്കാനുള്ള ഒളിയുദ്ധങ്ങളാണ് ഇന്നത്തെ രാഷ്ട്രീയ അങ്കത്തട്ടിലെ കിഞ്ചന വർത്തമാനം.

ബംഗാളിലും ത്രിപുരയിലെയും പോലെ ചിത്രം വച്ച് പൂമാല ഇടേണ്ടി വരുമോ എന്ന ഭയം ആധിയായും വ്യാധിയായും കത്തിപ്പടരുകയാണ് പങ്കു പറ്റുന്നവരിലും ഗുണഭോക്താക്കൾക്കുമിടയിൽ.

സിപിഎമ്മിന്റെ തിട്ടൂരങ്ങളോട് പരസ്യമായും രഹസ്യമായും സന്ധി ചെയ്തിരുന്ന കോൺഗ്രസ് മുഖ്യമന്ത്രിമാരുടെ കാലം കടന്നു പോയിരിക്കുന്നു. പോരെങ്കിൽ അകത്തും പുറത്തും പ്രതിസന്ധിയാണ്. പാർട്ടി അതെങ്ങനെ മറി കടക്കും. നേതാവിനെ പ്പോലെ 82 കഴിഞ്ഞവന്റെ കണ്ണുകളിലെ ആന്ധ്യം. കരളിലെ ഇരുട്ട് ശരീരത്തിലെ വിറയൽ. ചിന്തയിലെ മരവിപ്പ്. അതാണ് നമ്മുടെ ചങ്കിലെ പാർട്ടി. പിള്ളാരെ പോലിസിന്റെ അടി കൊള്ളാൻ ഏല്പിച്ചു പിന്നണിയിൽ പായുന്ന റഹീമാണ് ഇന്നത്തെ പാർട്ടി. മുൻ ലോക്സഭാ ഡപ്യൂട്ടി സ്പീക്കറും മുതിർന്ന വിദ്യാഭ്യാസ വിചക്ഷണനും സീനിയർ ദ്രാവിഡ നേതാവുമായ തമ്പിദുരെ സീരിയസായി സഭയിൽ സംസാരിക്കവെ,ഒരു മര്യാദയും ഇല്ലാതെ അദ്ദേഹത്തെ ചൊറിഞ്ഞ,കരണം പൊളിയാൻ സ്വയം അർഹത നേടിയ ബ്രിട്ടാസാണ് ഇന്നത്തെ പാർട്ടി. മുസ്ലിം വിട്ടിലെ ഉച്ചയൂണിനെ മുസ്ലിമിനെ കൊണ്ടു വിമർശിക്കുന്നതാണ് ജാഗ്രത്തായ കമ്മ്യൂണിസം. തൊണ്ണൂറിലധികം പരീക്ഷകൾ അട്ടിമറിച്ച പി എസ് സിയെ വെളുപ്പിക്കുന്ന ദേശാപമാനിയാണ് നമ്മുടെ ജിഹ്വ. വിപരീത കാലെ വിനാശ ബുദ്ധി എന്നു തലകീഴായ കാഴ്ചയും കാഴ്ചപ്പാടുമുള്ള ബേബിയാണ് നമ്മുടെ പാർട്ടി.