മുഖ്യ തെരഞ്ഞെടുപ്പ് കമ്മീഷണറെ കുടിയിറക്കാനുള്ള ആലോചനാ സെഷനിൽ മുറുക്കി തുപ്പിയും വെടിവട്ടം നടത്തിയും മേവുന്ന ബേബി സഖാവിന്റെ പേരക്കുട്ടികൾ രാഹുൽജിയുടെ ഓമനകൾ നടത്തിയ സമരത്തിനു നേരെ കല്ലും കവണയും ബിയർ ബോട്ടിലും എറിഞ്ഞു തച്ചോളികളായി .ആ ധീരതയെ ന്യായീകരിക്കാൻ ചെറുതും വലുതുമായ വതുവലുകൾ നിരയായി വന്നു. ആകെ ജഗ പൊക. പ്രാന്ത് ആർക്കാണെന്നറിയാൻ നറുക്കു വേണ്ടി വരും.

മഹാ പരിവാറാണ് ഇന്ത്യാ മുന്നണി.കോട്ടയം അയ്യപ്പാസ് പോലെ. അകത്തു അണ്ഡകടാഹമാണ്. ഒന്നും രണ്ടുമല്ല 39 രാഷ്ട്രീയ ചെമ്പോത്തുകളാണ് ഇവിടെ തൊഴിലും കാത്തിരിക്കുന്നത്.. റിക്ഷയും പിടിച്ച് യോഗത്തിൽ എത്തിയവർ ഇനിയും മരിഞ്ഞിട്ടില്ലെന്നു സ്വയം ബോധ്യപ്പെടുന്നു. മറ്റുള്ളവരെ ബോധ്യപ്പെടുത്തുന്നു.കൈയ്യിൽ ലൈഫ് സർട്ടിഫിക്കറ്റ് പകർപ്പുമുണ്ട്. സിനിമയിലെ ആൾക്കൂട്ട സീനിലെ ജൂനിയർ ആർട്ടിസ്റ്റുകളെ പോലെ അവർ ഫോട്ടോയിൽ നിറയുന്നു. ഒത്താൽ ഒത്തു എന്ന വിചാരധാരയിൽ.

കഴിഞ്ഞ ലോക്സഭാ തെരഞ്ഞെടുപ്പൂ കാലത്ത് എസ്എഫ്ഐക്ക് വോട്ടു ചെയ്യുമെന്ന് മാധ്യമങ്ങളോടു പറഞ്ഞത് രാഷ്ട്രീയ സാക്ഷരതയും പക്വതയും ഇല്ലാത്ത ഈ പാവത്തുങ്ങളായിരുന്നു

ദു:ഖഭാരം ചുമക്കുന്ന ദു:ശകുനമാണു ഞാൻ ചില്ലു മേടയിലിരുന്നെന്നെ കല്ലെറിയല്ലേ .... കല്ലെറിയല്ലേ... എന്നെ കല്ലെറിയല്ലേ..