ഇന്നലത്തെ മനോരമയുടെ ജാക്കറ്റ് പരസ്യം എംഎ യൂസഫലി ഉദ്ഘാടനം ചെയ്യുന്ന മെറാൾഡാ എന്ന ഗോൾഡ്, ഡയമണ്ട്,ജെം ഷോപ്പിനെക്കുറിച്ചായിരുന്നു.എറണാകുളം എംജി റോഡിൽ. യഥാർത്ഥ ബന്ധങ്ങൾക്ക് യഥാർത്ഥ ഡയമണ്ട് എന്ന ക്യാപ്ഷനിൽ. De Beers ഗ്രൂപ്പിന്റെ അരപ്പേജ് പരസ്യം അടുത്ത പേജിൽ. love from hubby - real love solitaires. വീണ്ടും അടുത്ത താളുകളിൽ ഡയമണ്ട് ആഭരണ പരസ്യം തന്നെ. അതും അരപ്പേജ്. കാരറ്റ് ലെയിൻ, ടാറ്റാ പ്രോഡക്ട്. വജ്രം പോലെ തിളങ്ങുന്ന 18 വർഷങ്ങളെന്നു കാപ്ഷൻ.20 ശതമാനം ഫ്ലാറ്റ് ഡിസ്കൗണ്ടും പസ്യം അറിയിക്കുന്നു.

കേരളത്തിൽ തിടം വെക്കുന്ന ഒരു അതിസമ്പന്ന സമൂഹത്തെ ആദ്യമേ അഭിവാദ്യം ചെയ്യേണ്ടതുണ്ട്..അവരുടെ നിത്യജീവിത വ്യവഹാരങ്ങളിലെ ഇച്ഛകളെ ശമിപ്പിക്കുന്ന വർത്തക സംരംഭങ്ങളും വരേണ്ടതാണ്. ഓരോ മാസത്തെയും രണ്ടാം ശനികളാണ് വിശദവായനക്കായി അവർ പത്രം തുറക്കുന്നതെന്ന പത്രാധിപരുടെയും പരസ്യ വിഭാഗത്തിന്റെയും തിരിച്ചറിവും അഭിനന്ദിക്കേണ്ടത്.

വലിയവനും ചെറിയവനും വാങ്ങിക്കൂട്ടു ന്ന ഇ കോമേഴ്സ് വഴി പ്രതിവർഷം 5000 കോടി രുപ ഐജിഎസ്ടി ഇനത്തിൽ ചോരുന്നതായി മുഖ്യമന്ത്രി വിഡി സതീശൻ ജിഎസ്ടി കൗൺസിലിൽ പറയുകയുണ്ടായി. വിറ്റുവരവു നോക്കാതെ എല്ലാ ഓപ്പററ്റേർമാർക്കും ഇ-ഇൻവോയ്സ് നിർബ്ബന്ധമാക്കണമെന്നാണ് അദ്ദേഹം കൗൺസിലിൽ ആവശ്യപ്പെട്ടത്.

ഓരോ ദിവസവുമെത്തുന്ന നവജാത ബേബികളൊഴിച്ച് കേരളത്തിലെ എല്ലാ മഹാമാന്യ ജനങ്ങൾക്കും പെൻഷനും കൈമണിയും കൊടുത്തു വരുന്ന ഒരു പെൻഷൻ സർക്കാരാണ് നമുക്കുള്ളത്. ആവശ്യമുള്ളവർക്ക് അത് കൊടുക്കുക തന്നെ വേണം. വെള്ളം കയറുന്നിടത്തു തന്നെ വീടുവച്ച് വെള്ളം കയറുമ്പോൾ പെൻഷനു വേണ്ടി മുഖ്യമന്ത്രിയുടെ തള്ളയ്ക്കു വിളിക്കുന്ന തരത്തിൽ പ്രതിലോമമാണ് ഇന്ന് നമ്മുടെ സമൂഹം. സർക്കാർ സഹായം ഒന്നു കൊണ്ടു മാത്രം ലോകത്ത് ഒരു സമൂഹവും വളർന്നതായി തെളിവൊന്നുമില്ല. സ്വയം വളരുമ്പോഴാണ് സമൂഹവും സർക്കാരും ശാക്തീകരിക്കപ്പെടുന്നത് സെക്രട്ടേറിയേറ്റിനു ചുറ്റും ശയന പ്രദക്ഷിണ സമരം കൊണ്ട് കുറെ ഗോലി സോഡകൾ മാത്രമേ വിറ്റുപോകു. അതു മാത്രമാണ് സമരത്തിന്റെ പ്രായോജിക മൂല്യം! അഭിവാദയെ !.