"നീ എന്തിനാ ഞെട്ടിയത് ?" "അച്ഛാ, ഞാൻ കരുതി ഏതോ കുത്തക മുതലാളിയാണെന്ന്" "എന്തിനാ നീ അവരെ പേടിക്കുന്നത് ?" "അവരെ പേടിക്കേണ്ടവരാണ് അച്ഛാ അവർ വിപ്ലവ വഴിയിലെ കാരമുള്ളുകളാണ്, വിഷ സർപ്പങ്ങളാണ്...."

കരിമണൽ  കർത്തയുടെ പണമാണ്  നിക്ഷേപമെന്ന് ഇ.പി. ജയരാജന്റെ അനന്തരവൻ  ഇ.പി. ശ്യാംജിത്ത് ആരോപിക്കുന്നു. എന്നാൽ തന്റെ വിരമിക്കൽ തുകയാണിതെന്നു   ഇ.പി. ജയരാജന്റെ ഭാര്യയും റിസോർട്ട് മാനേജ്‌മെന്റും വ്യക്തമാക്കുന്നു .

അറിയപ്പെടുന്നതും അറിയപ്പെടാത്തതു മായ എല്ലാ നേതാക്കൾക്കും ഈശ്വര സഹായത്താൽ ആലംബമായി  ചെറുതും വലുതുമായ കാൽഡസനെങ്കിലും കരുണാമയന്മാരായ മൊയലാളിമാർ വിളിപ്പാടകലെയുണ്ടെന്നത്  വർഗസമരം നടത്താൻ എന്തു സഹായകരമാണെന്ന് അനുഭവമുള്ളവർക്ക് അറിയാം

കർത്താവ് കർമം ക്രിയ എന്ന ക്രമത്തിലാണ് കാര്യങ്ങളുടെ പോക്ക്.കർത്താവ് എന്നൊരാൾ ഈ ഭൂമി മലയാളത്തിലുണ്ടെന്ന് അറിയാത്ത ചിറ്റപ്പനായ ഇ.പി. അയാളുടെ ധനരാശിയാണ് റിസോർട്ടെന്ന് അനന്തരവനായ മറ്റൊരു ഇ.പി. പ്രിയതമയുടെ  അടിത്തൂൺ തുകയുമുണ്ടെന്ന് ഇ പിയുടെ ടിപ്പണി  വേറെ..  അക്കൗണ്ട്സ് മാനേജരായീ ഇ പിയുടെ ശിപാർശയിൽ കയറിക്കൂടിയ  കച്ചറകളാണ് ഒരു കുടുംബ പ്രശ്നമായും ഒരു റിസോർട്ടിലെ മാനേജ്മെന്റ് പ്രതിസന്ധിയായും ഒരു രാഷ്ട്രീയ അഴിമതി പരമ്പരയിലെ പുതിയ എപ്പിസോഡായും അവതരിക്കപ്പെട്ടത്.