രാജ്യത്ത് അടിയന്തിരാവസ്ഥ വരില്ലെന്ന ഉറച്ച വിശ്വാസത്തിന് ആയതു പ്രഖ്യാപിക്കുന്ന സമയം  വരെ മാത്രമേ ആയുസ്സുണ്ടായിരുന്നുള്ളൂ.  കേരളത്തിന്റെ കാര്യത്തിലും അതു തന്നെ സംഭവിച്ചു

അതേപോലെ  പേർത്തും പേർത്തും നാം അഭിമാനം കൊണ്ടിരുന്ന പബ്ലിക് സർവ്വീസ് കമ്മീഷനിൽ ഇപ്പോൾ പോലീസാണ്  കയറി ഇറങ്ങുന്നത്.ഊഴം വച്ച് അംഗങ്ങൾ ചോദ്യം ചെയ്യലിനു പൊലീസിനു മുന്നിൽ ക്യൂ നിൽക്കുന്നു. ഗത്യന്തരമില്ലാതെ  ഉന്നത ഉദ്യോഗസ്ഥർക്കെതിരെ നടപടി വരുന്നു. ഒടുവിൽ  ഒരു അറസ്റ്റും റിപ്പോർട്ടു ചെയ്തിരിക്കുന്നു

ഇക്കാലത്ത് പുറത്തുവന്ന ലിസ്റ്റുകളിലും നിറച്ചത് പരമാനന്ദം. എണ്ണം കൊണ്ടും വണ്ണം കൊണ്ടും ചെറുപ്പക്കാരുടെ ആളോഹരി ആഹ്ലാദം പലമടങ്ങ്  വർദ്ധിപ്പിച്ചു.വോട്ടിലേക്കുള്ള വഴിയാണ് തുറന്നത്. പതിനായിരം  പ്രൈമറി വാത്ത്യാൻമാരുടെ തല തിരിഞ്ഞ വഞ്ചനയുടെ പട്ടികയും അതിലൊന്നായി. അതിപ്പോൾ  തലമുണ്ഡനത്തിൽ എത്തി നിൽക്കുന്നു.എല്ലാവരെയും ഒരുപോലെ പറ്റിച്ച ഒരു നെറികെട്ട രാഷ്ട്രീയ വിഴുപ്പാണ്  ഇപ്പോൾ മേക്ക് ഓവറായി വരുന്നത്.

പിറക്കാത്ത മക്കളാണ്  ഇവിടെ കൂടുതലും.നമ്മുടെ മക്കൾ  പാഠശാലകൾക്കു വേണ്ട  ചെറുമക്കളെ കൈയ്യയച്ച് സംഭാവന ചെയ്യുന്നില്ല എന്നത് കുത്തിയിരുന്നും കിടന്നും ആലോചിക്കേണ്ട  വിഷയമാണ്