സണ്ണി വക്കീൽ ഹിമാചലിൽ കുരുങ്ങിക്കിടക്കുകയാണ്.കരണ്ടിന്റെ പൊല്ലാപ്പേ.  യുവജനക്ഷേമവും കയറും സയൻസ്&ടെക്നോളജിയും മതിയായിരുന്നു.  ആഗോള മലയാളികളുടെ ഭൂഗോള അശ്ലീല കോശ പരായണം കേട്ട് ചക്ഷു ശ്രവണങ്ങൾ പൂത്തു തളിർത്തതു മിച്ചം. ഇത്രയും നിരീച്ചില്ല...

പക്ഷേ ഈ ആനന്ദ മുഹൂർത്തങ്ങൾ നഷ്ടപ്പെട്ട കരണ്ടു മന്ത്രി കുണ്ഠിത കണ്ഠനായി. എന്താ ചേട്ടായിയുടെ മുഖത്തൊരു കുണ്ഠിതം എന്ന് ആരും ചോദിച്ചില്ല.എല്ലാമറിഞ്ഞത് ആധാരം എഴുത്തുകാരുടെ വർത്തമാന കടലാസിലുടെയാണ്എന്നാണ് വക്കീൽ പറഞ്ഞത്.മുഖ്യന് അടുപ്പത്തുമാകാം എന്നു വ്യംഗ്യം. മുഖ്യൻ ഗാലറിയിലിരുന്നു അടിച്ചു പറത്തുകയാണെല്ലോ  ചേട്ടാ!

എല്ലാം തുടക്കത്തിലേ നുള്ളിപ്പറിക്കുക, തീരുമാനങ്ങളെ ഉപരോധത്തിലാക്കുക,  വഴി മുടക്കുക ആശയക്കുഴപ്പം വിരചിക്കുക തുടങ്ങിയ സർഗാത്മക സാഹിത്യമാണ്  നമ്മുടെ പത്രവും ചാനലും പയറ്റുന്നത്.അതിനു പിന്നാലെ പായുക എന്നതാണ് വിജയന്റെ ഡ്യൂട്ടി. ഇതിനു പാലക്കാട് എറണാകുളം  സ്റ്റേഷനുകളിൽ സ്റ്റേ ചെയ്യുന്ന തോറ്റ എംഎൽഎമ്രായ സർവശ്രീമാൻമാരായ രാജേഷ് ,രാജീവ് തുടങ്ങിയ കട്ടബുത്തിജീവികളും പിന്തുണയ്ക്കും.

എങ്കിലും രാജീവൻ സഖാവ് തൊഴിലാളി വിരുദ്ധ നിലപാടു സ്വീകരിച്ചുവെന്ന് സിഐടിയു വിപ്ലവകാരികൾ സമ്മേളനത്തിൽ ഘോഷിച്ചത് ഒട്ടും ശരിയായില്ല.ഏതായാലും ഇത്തരം റിമാർക്കുകളാണ് അതൊരു തൊഴിൽകാര സമ്മേളനമെന്നു ഉറപ്പു വരുത്തിയത്.