ബംഗ്ലാദേശുമായി അതിർത്തി പങ്കിടുന്ന മുർഷിദാബാദിലെ അക്രമ സംഭവങ്ങൾക്ക് പിന്നിൽ SDPI യുടെ പങ്ക് സംശയിക്കുന്നതായി പൊലീസ് പറഞ്ഞു. ഇതിൻ്റെ തെളിവുകൾ അന്വേഷണത്തിൽ കണ്ടെത്തിയതായി പോലീസ് വെളിപ്പെടുത്തി. കഴിഞ്ഞ ഏതാനും ദിവസങ്ങളായി SDPI നേതാക്കൾ പ്രദേശത്തെ മുസ്ലിം യുവാക്കളെ വഖഫിൻ്റെ പേരിൽ ഇളക്കിവിടുന്നതായി പൊലീസിന് വ്യക്തമായ സൂചനകൾ ലഭിച്ചിട്ടുണ്ട്.

വഖഫ് ഭേദഗതിയിൽ കൂടി മുസ്ലിങ്ങളുടെ സർവ്വ സ്വത്തുക്കളും പിടിച്ചെടുക്കുമെന്ന വ്യാജ സന്ദേശം

ഓരോ മുസ്ലിം കുടുംബത്തിലും SDPI യുടെ പ്രവർത്തകർ കടന്ന് ചെന്ന് പ്രചരിപ്പിക്കുന്നതിൻ്റെ വിവരങ്ങളും പൊലീസിന് ലഭിച്ചതായി പറയപ്പെടുന്നു. നേരത്തേ മുസ്ലിം തീവ്രവാദ സംഘടനായ സിമിയുടെ കേന്ദ്രമായിരുന്നു മുർഷിദാബാദ്. ആ സംഘടന നിരോധിക്കപ്പെട്ടതോടെ പ്രവർത്തകർ പോപ്പുലർ ഫ്രണ്ടിൽ ചേക്കേറി. PFIയെ നിരോധിച്ചപ്പോൾ SDPI യുടെ ഭാഗമായി. ഇങ്ങനെ ഒരേ ആളുകൾ തന്നെ തീവ്ര സ്വഭാവമുള്ള സംഘടനകളിൽ മാറി മാറി പ്രവർത്തിക്കുന്നതായും പൊലീസ് കണ്ടെത്തിയിട്ടുണ്ട്. കൃത്യമായ ഗൂഢാലോചന അക്രമ സംഭവങ്ങളുടെ പിന്നിൽ ഉണ്ടെന്നും പൊലീസ് സംശയിക്കുന്നു.