New Delhi :പാകിസ്താനെതിരെയുള്ള

ഭാരതത്തിന്റെ സൈനിക നടപടിയെ നമ്മുടെ അമ്മമാർക്കും സഹോദരിമാർക്കും പെൺ മക്കൾക്കുമായി സമർപ്പിക്കുന്നു എന്ന് പറഞ്ഞു കൊണ്ടായിരുന്നു

പ്രധാനമന്ത്രി നരേന്ദ്ര മോദി രാഷ്ട്രത്തോട് സംസാരിച്ചത്.

മതം ചോദിച്ച് സ്വന്തം കുടുംബാംഗങ്ങൾക്കു മുന്നിൽ, കുട്ടികൾക്ക് മുന്നിൽ നിർദാക്ഷിണ്യം കൊല ചെയ്യപ്പെട്ട പ്രിയപ്പെട്ടവരുടെ കുടുംബങ്ങളുടെ കണ്ണീരൊപ്പിയ സൈന്യത്തിന് മോദി സല്യൂട്ട് നൽകി

ഭീകരവാദികൾക്ക് സ്വപ്നത്തിൽ

പോലും ചിന്തിക്കാൻ

കഴിയാത്ത തിരിച്ചടി നൽകും എന്ന നരേന്ദ്ര മോദിയുടെ ഉറപ്പായിരുന്നു സൈന്യം നടപ്പിലാക്കിയത് . സഹിക്കാവുന്നതിലും അപ്പുറമായിരിക്കുന്നു

ഭീകരവാദ ആക്രമണം എന്നു പറഞ്ഞായിരുന്നു മോദി പ്രസംഗം ആരംഭിച്ചത്. രാജ്യം ഒറ്റക്കെട്ടായി ഭീകരവാദത്തിനെതിരായി നിലകൊണ്ടു. നമ്മുടെ സൈന്യത്തിന് ഭീകരവാദികളെ മണ്ണോട് ചേർക്കാൻ അധികസമയം വേണ്ടിവന്നില്ല. അതിനുള്ള സ്വാതന്ത്ര്യം അവർക്ക് നൽകിയ കാര്യവും മോദി ഓർമിപ്പിച്ചു. ഭാരതത്തിലെ സഹോദരിമാരുടെ നെറ്റിയിലെ സിന്ദൂരം മായ്ച്ചു കളഞ്ഞവർക്കുള്ള

മറുപടിയായിരുന്നു ഭാരതീയ സൈന്യത്തിന്റെ ഈ ആക്രമണം.

ഏപ്രിൽ 22 ന് നാം നീതിയുടെ പ്രതിഞ്ജ എടുത്തു. മെയ് 7 ന് ആ പ്രതിജ്ഞയുടെ പരിണാമം ലോകത്തിന് കാണിച്ചു കൊടുത്തു.

സിന്ദൂർ എന്നത് കേവലം ഒരു പേര് മാത്രമല്ല ഭീകരവാദത്തിനെതിരായി ദേശത്തിന്റെ പ്രതികരണം കൂടിയായിരുന്നു .

രാജ്യത്തിനാണ് പ്രാമുഖ്യം. അത് കഴിഞ്ഞേ മറ്റെന്തുമുള്ളൂ. പാക്കിസ്ഥാൻ ഭാരതത്തിന്റെ ഐക്യം തകർക്കാൻ ശ്രമിച്ചു. അതിനെതിരെയുള്ള ജനങ്ങളുടെ വികാരമായിരുന്നു നമ്മുടെ സൈനിക നടപടി.ലോകത്ത് മറ്റു പലയിടങ്ങളിലും നടന്ന തീവ്രവാദി ആക്രമണങ്ങൾക്കുള്ള മറുപടിയായും ഇതിനെ വ്യാഖ്യാനിക്കാം.

ബഹാവൽപുർ, മുരീദ് കെ എന്നിവിടങ്ങളിലെ

ഭീകരവാദത്തിന്റെ സർവ്വകലാശാലകളെ ആണ് നാം തകർത്തത്. പാകിസ്ഥാൻ സർക്കാരിന്റെ മൗനാനുവാദത്തോടെ സ്വച്ഛന്ദ വിഹാരം നടത്തിയ തീവ്രവാദികളെ ആയിരുന്നു നാം കാലപുരിക്കയച്ചത്. പാകിസ്ഥാൻ ഇപ്പോൾ വലിയ നിരാശയിലാണ്. എന്നാലും ഇന്ത്യയെ തിരിച്ചാക്രമിക്കാനുള്ള ദുസാഹസം അവർ കാട്ടി. സാധാരണക്കാരായ ഭാരതീയരെയും നമ്മുടെ അമ്പലങ്ങളെയും പള്ളികളെയും അവർ ആക്രമിച്ചു. എന്നിട്ടും പിടിച്ചുനിൽക്കാനായില്ല. അവരുടെ ആക്രമങ്ങളെ പുല്ലു പോലെയാണ് നാം നേരിട്ടത്. പർവ്വതങ്ങളിലും മരുഭൂമിയിലും നമ്മുടെ സൈനികരുടെ ശൗര്യം പാകിസ്താന് കാണിച്ച് കൊടുത്തു. ന്യൂ ഏജ് വാർഫെയറിൽ ഭാരതം ഏറെ മുന്നിലാണെന്ന് ഇന്ത്യൻ നിർമ്മിത യുദ്ധ ഉപകരണങ്ങളിൽ കൂടി ലോകം കണ്ടു.