പാകിസ്താൻ തകർത്തു എന്നവകാശപ്പെട്ട ജലന്ധറിലെ ആദംപുർ വായുസേന താവളം പ്രധാനമന്ത്രി നരേന്ദ്ര മോദി ചൊവ്വാഴ്ച സന്ദർശിച്ചു. ഈ സന്ദർശനത്തിൽ കൂടി ലോകത്തിന് മുന്നിൽ പാകിസ്താൻ്റെ നുണ മോദി പൊളിച്ചടുക്കി.

ഇന്ത്യയിലെ ഏറ്റവും വലിയ രണ്ടാമത്തെ എയർബേസാണ് ആദംപുർ. പഞ്ചാബിലെ ജലന്ധറിൽ നിന്ന് 21 കിലോമീറ്റർ അകലെയുള്ള എയർ ബേസ് ഇന്ത്യാ-പാക് അതിർത്തിയിൽ നിന്നും 100 കിലോ മീറ്റർ ദൂരത്താണ് സ്ഥിതി ചെയ്യുന്നത്. ഇന്ത്യൻ വായുസേനയുടെ 47-ാം സ്ക്വാഡ്രൺ ഇവിടെ നിലയുറപ്പിച്ചിരിക്കുന്നു. മിഗ്-29 യുദ്ധ വിമാനങ്ങളുടെ ബേസ് കൂടിയാണ് ആദംപുർ.1965 ലെ ഇന്ത്യാ-പാക് യുദ്ധത്തിൽ സുപ്രധാന പങ്ക് വഹിച്ച വ്യോമ താവളമാണ് ആദംപുർ.