രാഷ്ട്രപതിക്കും ഗവർണർമാർക്കും സമയപരിധി നിശ്ചയിക്കാൻ സുപ്രീം കോടതിക്ക് കഴിയുമോ എന്ന രാഷ്ട്രപതിയുടെ ചോദ്യത്തിന് മറുപടി നൽകുന്നതിൽ തുടങ്ങുന്നു, പുതുതായി സത്യപ്രതിജ്ഞ ചെയ്ത ചീഫ് ജസ്റ്റിസ് ബി.ആർ ഗവയിയുടെ ആദ്യ വെല്ലുവിളി.

ഏപ്രിൽ 12-ാം തീയതി തമിഴ്നാട് സർക്കാരും ഗവർണറും തമ്മിലുള്ള ഒരു കേസിൽ, ചരിത്രത്തിൽ ആദ്യമായി സുപ്രീം കോടതി രാഷ്ട്രപതിക്ക് സമയപരിധി നിശ്ചയിച്ച് ഉത്തരവ് നൽകിയിരുന്നു. ഗവർണർമാർ അയക്കുന്ന ബില്ലുകളിൽ രാഷ്ട്രപതി മൂന്ന് മാസത്തിനകം തീരുമാനം എടുക്കണമെന്ന് സുപ്രീം കോടതിയുടെ രണ്ടംഗ ബഞ്ച് ഉത്തരവിട്ടിരുന്നു. ഉപരാഷ്ട്രപതി ജഗദീപ് ധൻകർ നേരത്തേ സുപ്രീം കോടതിയുടെ നടപടിയെ വിമർശിച്ചിരുന്നു.