പാലക്കാട് ജില്ലയിലെ മങ്കടയിലെ ചേറ്റൂർ എന്ന പ്രശസ്ത തറവാട്ടിൽ ആയിരുന്നു 1857 ജൂലൈ 11ന് അദ്ദേഹം ജനിച്ചത്.

ഒന്നാം സ്വാതന്ത്ര്യസമരം എന്നറിയപ്പെടുന്ന ശിപായി ലഹള നടന്നുവരുന്ന കാലമായിരുന്നു അത്.അങ്ങാടിപ്പുറം തഹസിൽദാർ ആയിരുന്ന ടി രാവുണ്ണി പണിക്കർ ആയിരുന്നു പിതാവ്.മദ്രാസ് സംസ്ഥാനത്ത് നിന്നായിരുന്നു അദ്ദേഹം ബി. എ. ബിരുദവും നിയമപഠനവും പൂർത്തിയാക്കിയത്.തുടർന്ന് ബാരിസ്റ്റർ ഷെപ്പേഡ്സിന്റെ കീഴിൽ പരിശീലന പ്രാക്ടീസും ആരംഭിച്ചു.1880ല്‍ മദ്രാസ് ബാറിൽ അംഗമായ അദ്ദേഹം ചുരുങ്ങിയ കാലം കൊണ്ട് പ്രഗത്ഭനായ അഭിഭാഷകൻ എന്ന പ്രശസ്തി നേടി.കോൺഗ്രസ് സമ്മേളനങ്ങളിലെല്ലാം അദ്ദേഹത്തിന്റെ സാന്നിധ്യം ഏറെ ശ്രദ്ധിക്കപ്പെട്ടിരുന്നു. മദ്രാസ് റിവ്യൂ മാസികയുടെ സ്ഥാപകനായിരുന്ന അദ്ദേഹം ഹിന്ദു പത്രത്തിന്റെ തുടക്കക്കാരിൽ ഒരാളുമായിരുന്നു.