New Delhi : മുൻകൂട്ടി ട്രെയിൻ ടിക്കറ്റ് ബുക്ക് ചെയ്യാൻ കഴിയാത്തവർക്കായി റെയിൽവേ ഒരുക്കിയ സംവിധാനമായിരുന്നു തത്കാൽ ടിക്കറ്റ് ബുക്കിംഗ്. ട്രെയിൻ പുറപ്പെടുന്നതിൻ്റെ തലേ ദിവസം ടിക്കറ്റ് ബുക്ക് ചെയ്യാമെന്നതായിരുന്നു

ഇതിൻ്റെ പ്രത്യേകത. എന്നാൽ കഴിഞ്ഞ കുറെ നാളുകളായി തത്കാൽ റിസർവേഷനെ കുറിച്ച് യാത്രക്കാർക്ക് വ്യാപകമായ പരാതികളാണ് ഉള്ളത്. IRCTC വെബ്സൈറ്റിൽ തത്കാൽ റിസർവേഷന് വേണ്ടി ലോഗിൻ ചെയ്ത് യാത്രാ വിവരങ്ങൾ നൽകി കഴിയുമ്പോഴേക്കും No Ticket Available എന്നായിരിക്കും കാണുക. അപൂർവ്വം ചിലർക്ക് കിട്ടിയാലായി. അടുത്ത കാലത്താണ് ഈ പ്രതിഭാസം കണ്ടു തുടങ്ങിയത്.ഇതിന് പരിഹാരമായി റെയിൽവേ പുതിയ തത്കാൽ റിസർവേഷൻ രീതി ഉടൻ നടപ്പിലാക്കുമെന്ന് റെയിൽവേ മന്ത്രി അശ്വിനി വൈഷ്ണവ് അറിയിച്ചു.