വ്യാഴാഴ്ച ഉച്ചയ്ക്ക് സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ നിന്ന് പറന്നുയർന്നതിന് ശേഷം AI-171 വിമാനം ജനവാസ മേഖലകൾക്ക് മുകളിലൂടെ താഴ്ന്ന് പറക്കുന്നത് പുറത്ത് വന്ന ദൃശ്യങ്ങളിൽ കാണാം. ഫ്ലൈറ്റ് റഡാർ പ്രകാരം, 625 അടി ഉയരത്തിൽ എത്തിയപ്പോഴാണ് വിമാനത്തിൽ നിന്നുള്ള അവസാന സിഗ്നൽ ലഭിച്ചത്. പിന്നീട് അത് വേഗത്തിൽ താഴേക്ക് പതിക്കുകയായിരുന്നു. റൺവേയിൽ നിന്ന് പറന്നുയർന്ന് വെറും 30 സെക്കൻ്റിനുള്ളിൽ വിമാനം ഇടിച്ചിറങ്ങുകയായിരുന്നു. വിമാനത്തിൻ്റെ വാൽഭാഗം ആദ്യം ഒരു മരത്തിൽ ഇടിച്ച ശേഷമാണ് ഹോസ്റ്റൽ കെട്ടിടത്തിലേക്ക് ഇടിച്ച് കയറിയത്.