കൊറോണ നൽകിയ പാഠത്തിൽ നിന്നാണ് നരേന്ദ്ര മോദി ആത്മനിർഭർ ഭാരത് എന്ന ആശയം ഉരുപ്പെടുത്തിയത്. നമ്മുക്ക് ആവശ്യമായ വസ്തുക്കൾ ഇന്ത്യയിൽ തന്നെ ഉദ്പാദിപ്പിക്കുകയും നിർമ്മിക്കുകയും ചെയ്യുക എന്ന വലിയ ദൗത്യത്തിനാണ് മേക്ക് ഇൻ ഇന്ത്യ തുടക്കം കുറിച്ചത്. ഇലക്ട്രിക് വാഹനങ്ങളുടെ സ്പെയർ പാർട്സ്, ആയുധങ്ങൾ,മിസൈലുകൾ, ടാങ്കുകൾ, യുദ്ധകപ്പൽ, തുടങ്ങി എല്ലാ മേഖലകളിലും ഇന്ത്യയിൽ നിർമ്മിച്ച ഉത്പന്നങ്ങൾ രാജ്യത്തിൻ്റെ സാമ്പത്തിക വളർച്ചക്ക് മുതൽകൂട്ടായി. സ്മാർട്ട് ഫോൺ കയറ്റുമതിയിൽ ലോകത്തിലെ ഏറ്റവും വലിയ രണ്ടാമത്തെ രാജ്യമാണ് ഇന്ത്യ. റോഡ്, റെയിൽ, വ്യോമ ഗതാഗത മേഖലയിൽ കഴിഞ്ഞ 10 വർഷത്തെ വികസനം അസൂയാവഹമാണ്. ആറും എട്ടും ലൈനുകളുള്ള ദേശീയ പാതകൾ രാജ്യത്തെ പരസ്പരം ബന്ധപ്പിക്കുന്നു. ഒരു കാലത്ത് വികസനം എത്തി നോക്കാത്ത വടക്കു കിഴക്കൻ സംസ്ഥാനങ്ങളിൽ ലുക്ക് ഈസ്റ്റ് എന്ന മോദിയുടെ ആശയം വൻ വികസനമാണ് എത്തിച്ചത്. ജമ്മു കശ്മീരിലും മിസോറാമിലും ട്രെയിൻ സർവീസിന് തുടക്കമായി. റെയിൽവേയുടെ മുഖഛായ മാറ്റിയ 10 വർഷങ്ങളാണ് കടന്നുപോയത്. അത്യാധുനിക റേക്കുകൾ, മേൽപ്പാലങ്ങൾ, സിഗ്നൽ സംവിധാനം, വന്ദേ ഭാരത് ട്രെയിനുകൾ തുടങ്ങി ആധുനികവത്ക്കരണം ഇന്ത്യൻ റെയിൽവേയെ മികച്ചതാക്കി.2013 ൽ കേവലം 1000 കിലോമീറ്റർ മാത്രം മെട്രോ ട്രെയിൻ സർവീസ് ഇന്ന് ലോകത്തിലെ ഏറ്റവും വലിയ മൂന്നാമത്തെ മെട്രോ ആയി വളർന്നു. റെയിൽവേ സ്റ്റേഷനുകൾ ആഗോള നിലവാരത്തിൽ നവീകരിക്കപ്പെട്ടു. വിവര സാങ്കേതിക വിദ്യകൾ സദ്ഭരണത്തിനായി വിനിയോഗിക്കപ്പെട്ടു. ഡിജിറ്റൽ ഇന്ത്യ പദ്ധതിയിൽ കൂടി സർക്കാർ സേവനങ്ങൾ സാധാരണക്കാരന് പ്രാപ്യമാക്കി. ആധുനിക കാലത്തിൻ്റെ ആണിക്കല്ലായ സെമികണ്ടക്ടർ സാങ്കേതിക വിദ്യയിൽ മുന്നേറാനുള്ള പദ്ധതികൾക്കും മോദി തുടക്കം കുറിച്ചു കഴിഞ്ഞു.

ഇന്ത്യയുടെ വിദേശനയം ദേശീയ താത്പര്യത്തിനനുസരിച്ച് പുതിയ മാനങ്ങളിലേക്ക് ഉയർന്നു. ഏറ്റവും ചെറിയ രാജ്യത്തെയും ചേർത്തുപിടിക്കുന്ന മോദിയുടെ നയതന്ത്രം ലോകമെങ്ങും അംഗീകരിക്കപ്പെട്ടു.അശാന്തി നിറഞ്ഞ രാജ്യങ്ങളിൽ മോദി ശാന്തിദൂതനായി. G20 യുടെ സംഘാടനത്തിൽ മോദിയുടെ നയതന്ത്രം പ്രശംസക്ക് പാത്രമായി. മോദിയുമായി നയതന്ത്രം മെച്ചപ്പെടുത്താൻ ലോക നേതാക്കൾ മത്സരിക്കുന്ന കാഴ്ചയും കാണാൻ കഴിഞ്ഞു. വ്യാപാര കരാറിൻ്റെ പേരിൽ ഇന്ത്യക്കെതിരെ കനത്ത ഇറക്കുമതി തീരുവ പ്രഖ്യാപിച്ച ട്രംപിനെ തെല്ലും വകവയ്ക്കാതെ ആഭ്യന്തര മാർക്കറ്റിനെ ശക്തിപ്പെടുത്തി ട്രംപിൻ്റെ വെല്ലുവിളിയെ നേരിടാൻ തയ്യാറായ മോദിയിൽ ലോകം കരുത്തനായ ഒരു ലോക നേതാവിനെ കണ്ടു.