പശ്ചിമ ബംഗാളിൽ സിപിഎമ്മിനു നല്ല കാലം പിറന്നിരിക്കുന്നു. ഇനി ഉടുതുണി ഇല്ലാതെ അവർക്ക് ഓടേണ്ടി വരില്ല. വെറുതെ തല്ല് വാങ്ങി കൂട്ടാനും നിൽക്കണ്ട. ബിജെപിയുടെ സമ്മാനമാണിത്.

നീണ്ട 15 വർഷത്തിന് ശേഷം ആദ്യമായി സിപിഎം മുഖ പത്രത്തിനു ഫുൾപേജ് ജാക്കറ്റ് പരസ്യം ബിജെപി സർക്കാർ അനുവദിച്ചു. സർക്കാർ പരസ്യങ്ങളും ദർഘാസുകളുമില്ലാതെ ഗണശക്തി തികച്ചും ഞെരുങ്ങി പോയിരുന്നു.കോടതിയിൽ പോയിട്ടും ഒന്നും നടന്നില്ല. മാത്രമല്ല സർക്കാർ കാര്യാലയങ്ങളിലും വായനശാലകളിലും പത്രം വരുത്തുന്നതിന് വിലക്കും ഏർപ്പെടുത്തിയിരുന്നു.

സിപിഎമ്മിനെ വിസ്മയിപ്പിക്കുകയാണ് ബിജെപി. സന്തോഷം കൊണ്ട് ഇരിക്കാൻ വയ്യേ എന്ന അവസ്ഥയിലാണ് സഖാക്കളും സഖിമാരും. മമത പിടിച്ചെടുത്ത 559 ആപ്പീസുകൾ സിപിഎമ്മിനു തിരികെ നൽകി ജനാധിപത്യ സമൂഹം പടുത്തുയർത്തുകയാണ് ബിജെപി ബംഗാളിൽ..

പാർട്ടിയിൽ ഇപ്പോൾ എതിർശബ്ദങ്ങൾ കനക്കുകയാണ്.മരുമകൻ അഭിഷേകിന് എതിരെയാണ് വിമർശനം കൂടുതലും അതു ഭാവിയിൽ മമതയിലേക്ക് നീങ്ങാം. അഭിഷേകുമായുള്ള തർക്കമായിരുന്നു പണ്ട് സുവേന്ദുവിനെ ബജപയിൽ എത്തിച്ചത്.അതിന്റെ ഫൈനൽ റൗണ്ടിനാണ് നാം ഇപ്പോൾ സാക്ഷിയാകുന്നത്.