തലേദിവസം കണ്ട സീരിയലിലെ അമ്മായിയമ്മയുടെ നാക്ക്.... അപ്രത്തെ വീട്ടിലെ ആണുങ്ങൾ പോകുമ്പോൾ അയലത്തെ സുന്ദരിയുടെ നോക്ക്....... കുടിച്ചു കൂത്താടി വരുന്ന കെട്ട്യോൻ കാലുയർത്തി തൊഴിക്കാൻ വരുമ്പോൾ മക്കൾ പറഞ്ഞ വാക്ക്.... നാട്ടുമ്പുറത്തെ കലുങ്കിലും കടവരാന്തയിലും തൊഴിലുറപ്പു പെണ്ണുങ്ങളുടെ പതിവു വാചകമടിയെപ്പറ്റിയുള്ള സിറ്റ് കോം സോഷ്യൽ മീഡിയ തമാശകൾ ഇങ്ങനെ പോകുന്നു.

ആശങ്കകളുയർത്തിയാണ് റാംജി റാവു എത്തിയിരിക്കുന്നത്. ദുർബലർക്കും പാവപ്പെട്ടവർക്കും കൂടുതൽ പ്രയോജനപ്രദമാവുന്നതാണ് പുതിയ പദ്ധതിയെന്ന് കേന്ദ്രം പറയുന്നു.

സ്കൂളിന് ചുറ്റുമതിൽ കെട്ടുന്നതു പോലുള്ള ഡ്യൂറബിൾ അസറ്റ് പണികൾ ചെയ്യാൻ പറഞ്ഞാൽ, കല്ല് ചുമക്കാനും മറ്റും ഇവർക്കെങ്ങനെയാണ് കഴിയുക. ‘സ്കിൽഡ്’ പണികൾ തങ്ങൾക്ക് പണിയാകുമോ എന്നും ആശങ്കയുണ്ട്.

മഹാത്മ ഗാന്ധി തൊഴിലുറപ്പു പദ്ധതിയിൽ ഉണ്ടായിരുന്ന ‘ഡിമാൻഡ് അടിസ്ഥാനത്തിൽ പണി’ എന്ന അവകാശം പുതിയ നിയമത്തിലും ഉറപ്പാക്കണമെന്നതാണ് പൊതുവേ ഉയരുന്ന ആവശ്യം. കേരളം തരുന്ന 150 ദിവസം 125 ആയി കുറയരുത് എന്നും തൊഴിലാളികൾ ആവശ്യപ്പെടുന്നു. പ്രായമായ സ്ത്രീകൾക്ക് ചെയ്യാവുന്ന ‘ലൈറ്റ് വർക്ക്’ പുതിയ പദ്ധതിയിലും ഉൾപ്പെടുത്തണം. കൂലി 15 ദിവസത്തിനുള്ളിൽ കിട്ടണം. സംസ്ഥാനവിഹിതം വൈകിയാൽ കേന്ദ്രം മുഴുവൻ തുകയും നൽകി പിന്നെ ഈടാക്കുന്ന സമ്പ്രദായമുണ്ടാവണമെന്നും ആവശ്യമുണ്ട്.