I am ashamed to live alone,desolate,and away from the people. To be an ascetic today is to live among the people to fight to climb Golgatha and to be crucified every day.Every day not just on Good Friday.( The Fratricides, Nikos Kazant zakis)

എല്ലാ പാർട്ടി മൊതലുകൾക്കും ആപ്പിസുള്ള ദില്ലിയിൽ അവരവരുടെ ആപ്പീസു നടയിൽ ഒരു ടാർപ്പ കെട്ടി രണ്ടു ബാനറും വച്ച് ഫരീദാബാദിൽ നിന്നും പത്തു പേരെ ദിവസ കൂലിക്കു നിയോഗീച്ചിരുന്നെങ്കിൽ പാറ്റകൾക്കു പിന്നാലെയുള്ള പയനം ഒഴിവാക്കാമായിരുന്നു.എന്തു ചെയ്യാം .വിവേക് വരാൻ വൈകും. ഫലശ്രുതി : സീനിയർ സിംഹങ്ങൾ ഇനി ഇന്നലെ കുരുത്തവരെ തലയിലേറ്റണം.. തെരുവിൽ ആനയിക്കണം

ദില്ലിയിലെ ഒരു സാദാ പോലീസുകാരനു മുന്നിൽ പോലും.തന്റെ ഐഡന്റിറ്റി വിശദീകരിക്കേണ്ടി വരുന്ന ഒരു ആഗോള പാർട്ടി ജനറൽ സെക്രട്ടറിയുടെ സങ്കടവും നാം കണ്ടു.ദില്ലി വിട്ടാവാം ഇനി വിപ്ലവം വരിക. ഏതായാലും കൂട്ടുവന്ന രാധാകൃഷ്ണനൊപ്പം നമുക്കിപ്പോൾ സ്കൂട്ടാകാം. അതാണ് ശരിയായ പാർട്ടി നിലപാട്.രാജ്യത്തെ ഏറ്റവും വലിയ സഖാവിനെയും ആ വഴിക്കൊന്നും ആരും കണ്ടില്ല. ഭയം,ഭാവി, ഭൂതം.

ബോസ്റ്റണിൽ കമ്മ്യൂണിക്കേഷൻ പഠിക്കാൻ പോയ അഭിജിത്ത് ദിപ്കെ എന്ന പൂമ്പാറ്റ അസുഖമുള്ള ചെക്കനാണ്. മണ്ട പീനസം.അസുഖം വരുമ്പോൾ വാതിലടച്ച് ഇരുട്ടിൽ ദിവസങ്ങളോളം തുടരും. വെളിച്ചം കണ്ടാൽ വയലന്റാകും. അതാണ് ഈ വ്യാധിയുടെ ഗുരുതര അവസ്ഥ.ചൂട് താങ്ങാൻ കഴിയാതെ മണിക്കൂർ വിട്ട് ഏസിയീൽ ചുരുളുന്ന ഈ യുവത്വം കൂട്ടിയാൽ കൂടുന്നതാണോ ഇന്ത്യൻ രാഷ്ട്രീയം. അടുത്ത തെരഞ്ഞെടുപ്പിൽ ഒരു തോറ്റ എംപിയെയോ എംഎൽഎ യെയോ കണ്ടാൽ സംശയിക്കേണ്ട. അത് ഈ മൈന തന്നെ.