പണ്ട്  ഉമ്മൻചാണ്ടി മുഖ്യമന്ത്രിയായിരുന്ന കാലത്ത് അദ്ദേഹം ഓഫീസിൽ ഇല്ലാതിരുന്ന ഒരു ദിവസം മനോനില തകരാറിലായ ഏതോ ഒരു പാവം അദ്ദേഹത്തിന്റെ കസേരയിൽ അതിക്രമിച്ച് കയറി ഇരുന്ന സംഭവം ഓർമ്മവരുന്നു . സൂക്ഷിക്കേണ്ടത് നമ്മുടെ പ്രധാനമന്ത്രി നരേന്ദ്രമോദിയാണ്. ലോകം ചുറ്റാൻ ഇറങ്ങുമ്പോൾ തന്റെ ഓഫീസ് പൂട്ടി താക്കോലും  ഇളിയിൽ തിരുകി കസേരയിൽ മറ്റാരും കയറി ഇരിക്കാതിരിക്കാനുള്ള മുൻകരുതൽ എടുത്തിെല്ലെങ്കിൽ തിരഞ്ഞെടുപ്പിലൂടെ സാധിക്കാത്ത സ്വപ്നസായൂജ്യത്തിനായി മറ്റു പലരും അവിടെ കയറി ഇരിക്കാനുള്ള ശ്രമങ്ങൾ അരങ്ങേറിയെന്ന് വരും. കാമഭ്രാന്തിലും വലുതാണ് അധികാര ഭ്രാന്ത് എന്ന് പറയുന്നത് ചുമ്മാതല്ല.

ബാരിക്കേഡിനു മുകളിൽ കയറി നിന്ന് ത്രിവർണ പതാക വീശുന്ന രാഹുലിന്റെ മുഖത്ത് ചെങ്കോട്ടയിൽ പതാക ഉയർത്തിയ സന്തോഷം ദൃശ്യമായിരുന്നു . പാവം . രാഹുലിനോട് മൃദു സ്വരത്തിൽ സംസാരിച്ച പോലീസ് പക്ഷേ പ്രതിഷേധത്തിൽ പങ്കെടുത്ത പല എംപിമാരോടും ആ ലാത്തി കൊണ്ടാണ് സംസാരിച്ചത് . പൂരപ്പറമ്പിലെ ചെണ്ടകൾക്ക് പോലും കൊള്ളേണ്ടി വന്നിട്ടില്ലാത്ത  രീതിയിലെ തല്ലാണ് കേരളത്തിലെ ചിലർ വാങ്ങിക്കൂട്ടിയത് .

ആഗ്രഹങ്ങൾ തലയ്ക്കുപിടിച്ച്  അലമ്പ് കാട്ടുന്നവർ ഏറെയുണ്ട് നാട്ടിൽ .  പ്രതിപക്ഷ നേതാവ് അത്തരത്തിലൊരാളായിക്കൂടാ. അദ്ദേഹത്തെക്കൊണ്ട് ആരൊക്കെയോ താളം തുള്ളിക്കുന്നു.  പ്രധാനമന്ത്രിക്കസേര സ്വപ്നം കണ്ട് അലഞ്ഞുതിരിഞ്ഞ് എന്തിനും തയ്യാറായി നിൽക്കുന്ന ഒരാളായി രാഹുലിനെ ചിത്രീകരിക്കുന്നതു കൊണ്ട് എന്ത് നേട്ടമാണ് അവർക്ക്. കുടുംബ മഹിമ കൊണ്ട് വോട്ട് നേടുന്ന കാലം കഴിഞ്ഞിരിക്കുന്നു. പ്രതിഷേധം നഗരങ്ങളിൽ മാത്രമാണ് . നഗരങ്ങളിൽ മാത്രം ജയിച്ചത് കൊണ്ട് രാജ്യം ഭരിക്കാനാവില്ല . ഗ്രാമങ്ങളിലാണ് യഥാർത്ഥ ഇന്ത്യ എന്ന് ഗാന്ധിജി പറഞ്ഞതിന്റെ അർത്ഥതലങ്ങൾ ഇനിയുമേറെയാണ്. യഥാർത്ഥ ഇന്ത്യയെ കാണണമെങ്കിൽ ഗ്രാമങ്ങളിൽ കണ്ണു പതിയണം.

SIR ൽ പ്രശ്നങ്ങളുണ്ടെങ്കിൽ അത്പരിഹരിക്കപ്പെടുക തന്നെ വേണം. അതിന് ശക്തമായപ്രക്ഷേഭപരിപടികളും ആവശ്യമായേക്കാം. വോട്ടർ പട്ടിക പരിഷ്കരണത്തിലൂടെ ഒഴിവാക്കപ്പെട്ട യഥാർത്ഥ വോട്ടർമാരെ കണ്ടെത്തി അവരുടെ പേരുവിവരം പുറത്തുവിടാൻ കോൺഗ്രസ്സ് തയ്യാറുണ്ടോ? അങ്ങനെയുള്ളവരെ സംഘടിപ്പിച്ച് ഒരു ദിയി മാർച്ച്, കോടതികളിൽ നിയമ പോരാട്ടം എന്നിവ മികച്ച സാധ്യതകളല്ലേ? ആകാശവാണി ദവനിലെ സെക്യൂരിറ്റിക്കരനെതിരേ രാജ്യത്തെ പ്രതിപക്ഷ നേതാവ് സമരം നയിക്കുന്നത് എത്ര അപഹാസ്യമാണ്!