ജനാധിപത്യം വീണ്ടെടുക്കാനുള്ള സമരമാണ് ദില്ലിയിൽ നടക്കുന്നതെന്നും ചരിത്രത്തിൽ തങ്കലിപികളാൽ രേഖപ്പെടുത്തിയ സമരമാണിതെന്നും മുഖ്യമന്ത്രി വി ഡി സതീശൻ. സതീശൻ തങ്കപ്പനല്ല..പൊന്നപ്പനാണെന്ന് രാഹുൽ ഗാന്ധി. ഗ്യാനേഷ് കുമാർ മുഖ്യ തെരഞ്ഞെടുപ്പു കമ്മിഷണറായി രാജ്യവ്യാപകമായി നടപ്പാക്കുന്ന വോട്ടർ പട്ടിക പരിഷ്കരണത്തിന്റെ തെക്കേ ഇന്ത്യയിലെ മുഖ്യഗുണഭോക്താവാണ് വി.ഡി സതീശൻ. എന്നിട്ടും പുള്ളിക്ക് വോട്ടർ പട്ടികയിൽ വിശ്വാസമില്ല. കോമഡി, സതീശൻ വഹ!

പണ്ട് ഇന്ത്യയിലെ രാഷ്ട്രീയക്കാർ ഒറ്റക്കെട്ടായി എതിർത്ത ഒരു മുഖ്യതെരഞ്ഞെടുപ്പു കമ്മിഷണറുണ്ടായിരുന്നു; ഒരു പക്ഷേ  അത്തരത്തിൽ ഒരേയൊരാൾ . ഇന്ത്യയിൽ തെരഞ്ഞെടുപ്പു കമ്മീഷൻ എന്ന ഒരു ഭരണഘടനാ സ്ഥാപനമുണ്ടെന്നും സ്വതന്ത്രവും നീതിപൂർവ്വകവുമായ തെരഞ്ഞെടുപ്പ് നടത്തുക എന്ന ഉത്തവാദിത്തമാണ് അതിനുളളതെന്നും അന്തസ്സോടെ കാട്ടിക്കൊടുത്ത മലയാളി കൂടിയായ ടി എൻ ശേഷൻ. രാഷ്ട്രീയക്കാരുടെതിനേക്കാൾ  ഉറച്ച  ശബ്ദത്തിൽ ശേഷൻ പറഞ്ഞു: “തെരഞ്ഞെടുപ്പ് നടത്തുന്നത് രാഷ്ട്രീയ പാർട്ടികളല്ല. ഭരണഘടനയാണ്.”

ബൂത്ത് തലം മുതൽ വിപുലമായ സന്നാഹങ്ങളോടെയാണ് വോട്ടർ പട്ടിക പുതുക്കിയത്.കേരളത്തിൽ ലക്ഷങ്ങൾ  ഒഴിവായിട്ടും അന്തിമ പട്ടികയിൽ വോട്ടർമാരുടെ എണ്ണം കൂടി. ആ ജാഗ്രത പുലർത്താതെ ഒടുവിൽ കരഞ്ഞിട്ട് കിം ഫലം. നാടറിയുന്നതു കൊണ്ടും വിഐപി ആയതു കൊണ്ടും ജനാധിപത്യത്തിൽ പ്രിവിലേജ് ചോദിക്കുന്നത് ബാലിശമാണ്. രാജഗോപാൽ എന്ന മാപ്ര ഇവിടെ ഒരു തെറ്റാകുന്നു. സഞ്ചിയും  കാർഡുമായി.റേഷൻ കടയിൽ ക്യൂ നിന്ന പ്രധാന മന്ത്രി നെഹ്റുവിനെ മറന്നു പോകരുത്.  ഇന്നൊരു വാർഡ് അംഗം പോലും മടിക്കുന്ന കാര്യം.

ജനങ്ങളും സംഘടനകളും ജനാധിപത്യ മൂല്യങ്ങൾ പിന്തുടരുമ്പോഴാണ് ജനാധിപത്യം യാഥാർത്ഥ്യമാകുന്നതെ ന്നു ഭരണഘടനാ നിർമാണ സമിതി പലവുരു വ്യക്തമാക്കിയതാണ്. റൂൾ ബുക്കല്ല സമൂഹമാണ് അതിന്റെ ജൈവികത നിർണയിക്കുന്നത്. ബീജിംഗിൽ ആയിരുന്നേൽ ഈ സമരക്കാർ അടുത്ത സൂര്യോദയം കാണുമോ എന്നും സംശയമാണ്. ഉദാര ജനാധിപത്യവും അഹിംസയും രാഷ്ട്ര വ്യവഹാരങ്ങളിലെ എടുക്കാ ചരക്കുകളാണെന്ന് ഇതിനോടകം തെളിഞ്ഞതാണ്.