ജന്തർ മന്തറിന് ഒടുവിൽ ശാപമോക്ഷം.ആളോഹരി വിഹിതം നോക്കി പാറ്റകൾക്ക് ഇനി രാം ലീല മൈതാനത്തിലും, ബുരാരി , സിബിഡി ഗ്രൗണ്ടുകളിലും പാറിപ്പറക്കാം. കേന്ദ്രത്തിന് ജനാധിപത്യത്തിലും പൗര സുരക്ഷയിലും ഉദാസീനതയാണെന്ന് ഇനി എങ്ങിനെ പറയാൻകഴിയും? ഓരോ ഇടത്തും ആളെണ്ണം കൃത്യമായിതിട്ടപ്പെടുത്താൻ സംവിധാനം ഏർപ്പെടുത്തുന്ന കാര്യവും ഓരോ ഇടത്തിനും ചെറിയ തോതിൽ ഫീസ് ഏർപ്പെടുത്തുന്ന കാര്യവും കേന്ദ്രം പരിഗണിച്ചാലും അത്ഭുതപ്പെടാനില്ല. ലക്ഷങ്ങൾ പങ്കെടുത്ത പ്രതിഷേധം എന്ന് മലയാള മാധ്യമങ്ങൾക്ക് ഊഹക്കണക്ക് അച്ചടിക്കേണ്ടി വരില്ല. യുവശക്തിയിൽ നിന്നും നേരിട്ട് കേന്ദ്രത്തിന്‌ ഒരു വരുമാനം ലഭിക്കുമെന്ന ഗുണവുമുണ്ട്. സമരക്കാരോട് കൂടിയാലോചിക്കാതെ പ്രതിഷേധ സ്ഥലം മാറ്റിയതിന് പാറ്റകൾ പല്ലിറുമ്മുന്നുണ്ട്.

ടൺ കണക്കിന് പാറ്റകാഷ്ടമാണ് ജന്തർ മന്തറിലെ ആദ്യ സമരത്തിൽ അധികാരികൾ കോരിക്കളഞ്ഞത്. കൂട്ടത്തിൽ ലോഡ് കണക്കിന് ഉറകളും എന്നാണ് സംസാരം.എന്തിനും ഒരു മുൻകതൽ നല്ലതാണല്ലോ.

തിരഞ്ഞെടുപ്പിലൂടെ തോൽപ്പിക്കാനാകാത്തതിന്റെ അരിശം ഭരണഘടനാ സ്ഥാപനങ്ങളുടെ നെഞ്ചത്തു കയറി തീർക്കുക , രാജ്യത്ത് അരാജകത്വം സൃഷ്ടിക്കുക, ഞങ്ങൾ പറയുന്നവർ രാജിവച്ചേമതിയാവൂ എന്ന ദുർവാശി കാട്ടുക , രാജ്യത്തിന്റെ മുക്കിനും മൂലയിലും ഒരേസമയത്ത് പലയിടങ്ങളിൽ ബോംബ് പൊട്ടിച്ച് രാജ്യത്തെ ഛിന്നഭിന്നമാക്കാനുള്ള തീവ്രവാദികളുടെ നിലപാടുകളേക്കാൾ അപകടകരമായ നിലപാടുകളിലൂടെ രാജ്യത്തുടനീളം മുൻകൂട്ടി അനുവാദം വാങ്ങാതെയുള്ള മിന്നൽ പ്രക്ഷോഭങ്ങൾ ആരംഭിക്കുക, രാജ്യമെമ്പാടും ജന്തർ മന്തറുകൾ സൃഷ്ടിക്കുക എന്നൊക്കെയുള്ള വിചിത്രമുറകൾ. രാജ്യത്തെ പ്രതിപക്ഷം സുപ്രീം കോടതിയിലേക്ക് പോലും മാർച്ച് നടത്താൻ തീരുമാനിക്കുന്നത് ഏത് രാഷ്ട്രീയ വിദ്യാഭ്യാസത്തിന്റെ അടിസ്ഥാനത്തിലാണ് !