"എത്രയും ബഹുമാനപ്പെട്ട എന്റെ, പ്രിയ- ഭർത്താവു വായിക്കുവാൻ സ്വന്തം ഭാര്യ എഴുതുന്നതെന്തെന്നാലേറെ പിരിശത്തില് ചൊല്ലീടുന്നൂ അസലാം..."

ഇന്നിപ്പോൾ സ്ഥിതിഗതികൾ മാറി. ലോകത്തെവിടെയുമുള്ളവർക്ക് തൽസമയം മുഖദാവിൽകണ്ടു വർത്തമാനം പറയാൻ വരെ ഒരു പ്രയാസവുമില്ലാതായി. എങ്കിലും എഴുതുകയല്ലാതെ വേറെന്തു വഴിയെന്ന് ചിന്തിക്കുന്ന അല്പബുദ്ധികൾ ഇപ്പോഴും താക്കോൽ സ്ഥാനങ്ങളിൽപ്പോലുമുണ്ടെന്നത് കോമഡിയല്ലാതെ പിന്നെന്താണ്?

എന്നാൽ കാര്യങ്ങൾ അതുകൊണ്ടും അവസാനിച്ചില്ല.. കൂടിക്കാഴ്ച സമ്മതിച്ചില്ലെങ്കിൽ കൂട്ടമായി പോയി കോടതി ബിൽഡിംഗെങ്കിലും കണ്ടു മടങ്ങുമെന്ന് പ്രതിപക്ഷം . "മാർച്ച്.............." കെ.സി വേണുഗോപാലിന്റെ ശബ്ദത്തിൽ രാഹുൽജി അലറി. കഴിഞ്ഞ ഒരാഴ്ചക്കാലം അടിവാങ്ങിക്കൂട്ടാനായി മാത്രം ദില്ലിയിലെത്തിയ സകലമാന കക്ഷികളും കമാ എന്ന് മിണ്ടാതെ സുപ്രീം കോടതിയിലേക്ക് കുതിച്ചു. മൈക്കുകൾ മുഷ്ഠികളാക്കി മലയാള മാധ്യമങ്ങളിലെ ആക്ടിവിസ്റ്റുകളും ഒപ്പം കൂടി. സുപ്രീം കോടതി നീതി പാലിക്കുക...മോഡിയും ഇഡിയും ഇ സി യും മാത്രമല്ല എസ് സി യും രാജിവയ്ക്കണം...

ഇനി ഒരു ഷോർട്ട് കൊമേഴ്സ്യൽ ബ്രേക്ക്. മതേതര പാർട്ടികൾക്കെല്ലാം നവരാത്രി കൂടേണ്ടതിനാൽ നവംബർ ഒന്നിന് പാർക്കലാം. ആയുധങ്ങളെല്ലാം പൂജവച്ച് ഷാർപ്പാക്കി എല്ലാരും അന്നേ ദിവസം കൃത്യമായി ജന്തറിലോ മന്തറിലോ എത്തണം. ഉച്ച ഭക്ഷണവും ചായയുമുണ്ടാവും. ദേശീയ മാധ്യമങ്ങളുമായി സംസാരിക്കേണ്ടി വന്നാൽ  വ്യാകരണം തെറ്റിക്കാതിരിക്കാൻ ഈ ഇടവേളയിൽ സൂപ്പർനോവ ഇംഗ്ലീഷ് സ്പീക്കിംഗ് കോഴ്സ് പ്രയോജനപ്പെടുത്താവുന്നതാണ്.