ഈ എപ്പിഡോസിലെ പ്രധാന കഥാപാത്രങ്ങൾ ഭരത് മമ്മൂട്ടിയും ജമ്മു കശ്മീർ മുഖ്യമന്ത്രി ഒമർ അബ്ദുള്ളയുമാണ്. പുനത്തലിന്റെ മലമുകളിലെ അബ്ദുള്ളയല്ല!

ദിവസവും അമ്മ എനിക്കു കാച്ചിയ പാൽ തരും.അത് കുടിക്കാഞ്ഞാൽ അമ്മ കരയും.എന്തിനാണമ്മ കരയുന്നത് ?ഞാൻ അച്ഛനെ പോലെ വളർന്നു വലുതാകണം.അതാണ് അമ്മക്ക് ഇഷ്ടം. ശുദ്ധമായ പശുവിൻ പാലു കൊടുത്തിട്ടും അച്ഛനെ പോലെ വളർന്നു വലുതാകാത്തതിൽ മനം നൊന്താണ്  നാട്ടിലെ യുവ സിങ്കങ്ങൾ ഒന്നാകെ മമ്മൂട്ടിക്കു വേണ്ടി ആയിരം കലങ്ങളിൽ സാമൂഹ മാധ്യപ്പൊങ്കാലയിട്ടത്. കാവടിയാടിയത്. എടുത്തുടുത്തത്.

ഇന്ത്യയുടെ വക്കേയറ്റത്തെ രണ്ടാമത്തെ വടക്കൻ വീരഗാഥയിൽ ജമ്മു കശ്മീർ മുഖ്യമന്ത്രി  ഒമർ അബ്ദുള്ളയുടെ  വിവാഹമാണ് മുഖ്യം. ദേശീയോദ്ഗ്രഥനത്തിന്റെ ഭാഗമായി ദില്ലിയിലും ശ്രീനഗറിലും ലളിതമായ ചടങ്ങുകൾ. സ്പെഷ്യൽ മാര്യേജ് ആക്ട് അനുസരിച്ചായിരുന്നു തിരുമണം. ഏക സിവിൽ കോഡിലാണ് പിടുത്തമെന്നു തോന്നുന്നു.തൃപ്തിയായി ! ദേശീയ സംസ്ഥാന രാഷ്ട്രീയ രംഗത്ത്  ഈ  പെടവട ദൂരവ്യാപകമായ മാറ്റം വരുത്തില്ലെങ്കിലും  63 കാരനായ ഒമറിനെങ്കിലും ചെലേ മാറ്റങ്ങൾ  വരുമെന്നാണ് കരുതുന്നത്. ഇന്ത്യാ സഖ്യം കൊഴുക്കാനും ഇതു മതി.

മേജർ ജനറലായിരുന്ന രാം നാഥിന്റെ മകളായായ പായൽ നാഥിനെ1996ൽ വിവാഹം കഴിച്ച ഒമർ ഉഭയസമ്മത പ്രകാരം ബന്ധം വേർപെടുത്തിയിരുന്നു.ഈ ബന്ധത്തിൽ രണ്ട് ആൺകുട്ടികളുമുണ്ട്. സമീറും സഹീറും. മാധ്യമ പ്രവർത്തകനായ ഭർത്താവുമായുള്ള ബന്ധം അവസാനിപ്പിച്ചാണ്  നിധിയും നവ ജമ്മുകശ്മീർ യാത്രയിൽ പങ്കാളിയാവുന്നത്..