യഥാർത്ഥ പാർലമെന്റ് തൊട്ടപ്പുറത്ത് നിലനില്ക്കേ മോക്പാർലമെന്റ്. 10 ലക്ഷം പേരുടെ (എണ്ണരുത് പ്ലീസ് ) മഹാറാലി, സുപ്രീം കോടതി മാർച്ച്, ആകാശവാണിയിലേക്ക് ഓടിക്കയറൽ. ജനാധിപത്യവിരുദ്ധമെന്ന് രാജ്യത്തെ പ്രതിപക്ഷ കക്ഷികളും പാറ്റയും, ഇമ്രാൻ ഖാനും നമ്മുടെ ഭാഗ്യലക്ഷ്മിയും റീമയും രഞ്ജിനി ഹരിദാസുമുൾപ്പെടെ ഘോര ഘോരം പറയുന്ന എസ് ഐ ആർ പരിഷ്കരണത്തിൽ പ്രതിഷേധിക്കാൻ കണ്ടെത്തിയ സമരമാർഗങ്ങൾ ഇവയൊക്കെയാണ്. വോട്ടർ പട്ടിക പരിഷകരണം മൂലം പേരുൾപ്പെടാത്ത അല്ലെങ്കിൽ നിയമ വിരുദ്ധമായി പേരു നീക്കം ചെയ്യപ്പെട്ട കേവലം ഒരു പതിനായിരം പേരെ ഒരുമിച്ച് മുന്നിൽ നിറുത്തി ഒരു സമരം ചെയ്യാൻ എന്തു കൊണ്ടാണ് നമ്മുടെ വിപ്ലവ പ്രതിപക്ഷം തയ്യാറാവാത്തത്?

പാൻ ഇന്ത്യാ വിലാസമുള്ള അധികം മൊതലുകളൊന്നും ഈ കൂട്ടണിയിൽ കണ്ടെന്നു വരില്ല. ശക്തമായ ഒരു പ്രതിപക്ഷമില്ലാതെ രാജ്യത്ത് എങ്ങനെയാണ് ഫലപ്രദമായ ജനാധിപത്യ വാഴ്ച പുലരുക. അതാണ് നാം നേരിടുന്ന മൗലിക സമസ്യ.

കേരളത്തിലെ സതീശൻ മേനോൻ സർക്കാർ അധികാരത്തിൽ വന്നത് വോട്ടർ പട്ടിക പരിഷകരണത്തിന്റെ ഫലമായാണെന്ന് പാറ്റാ നേതാവിനെ കൊണ്ടു പറയിച്ചത് സി പി എം നേതാക്കളാണെന്ന് പാറ്റകൾതന്നെ വ്യക്തമാക്കിയതാണ്. എന്നിട്ടും പരസ്പരമുള്ള കെട്ടിപ്പിടിത്തത്തിനും ഉമ്മ വയ്ക്കലിനും ഒരു കുറവുമില്ല.

ഇക്കഴിഞ്ഞ നിയമസഭാ തെരഞ്ഞെടുപ്പിൽ പല റൗണ്ടുകളിലും പിണറായി പിന്നിൽ പോയ ധർമടത്തെ അമ്പതിലേറെ ശതമാനം ബൂത്തുകളിലും യുഡിഎഫിനു ഇൻ ഏജന്റുമാർ ഇല്ലായിരുന്നു. പ്രചാരണത്തിനു പോലും ആരും എത്തിയുമില്ല. ഇതാണ് ഏറ്റവും പുതിയ ജനകീയ ജനാധിപത്യ നിഷ്പക്ഷ കൊണാണ്ടർ അഡൽറ്റ് ഫ്രാഞ്ചൈസ് ! തൃപ്തിയായില്ലെ സഖേ!